1 Ko-Kɔrɔta-Karan 9:1 - ALLALA KUMƐ

¹ Anu ya Isirɛla kebilɛ bɛɛ tɔgɛ sɛbɛ Isirɛla mansɛnuna buku do rɔ iko kebilɛ wonu tugunnɛ anu nyɔgɔn na nya min. Kɛlɛ tara Yuda kɛnu na Babilɔn nyamanɛ rɔ ka a tɛgɛ anuna hakɛla ko ma.

1 Ko-Kɔrɔta-Karan 9:1 Iomraidhean Croise

1 Mansɛnu 14:19

Mansa Yɛrabowami ya kɛlɛ kɛ nya min anubɛ a ya koe min bɛɛsi kɛ Isirɛla nyamanɛ rɔ wo tumɛ a ye mansayɛ la, anu ya wo damasi sɛbɛ Isirɛla mansɛnuna buku do rɔ.

2 Mansɛnu 24:14

A ya mɔgɔ waga tan (10,000) bira ka ta wonu na Babilɔn nyamanɛ rɔ, a kɛlɛ-den-kun wo, a kɛlɛ-den wo, a boloma-wɔli-kɛla wo, katarala nunakɛnu ma. A tara anu dama la fɔɔ Babilɔn nyamanɛ rɔ. Fɔ fugarɛnu gbansan, wonu denu denu tora Yuda nyamanɛ rɔ.

2 Mansɛnu 24:15

A tara ale Mansa Yɛhoyasin anubɛ a na anubɛ ala musinu anubɛ ata mɔgɔ-banu anubɛ ata mɔgɔ-ba-tɔgɔlamɛnu na a bolo Babilɔn.

2 Mansɛnu 24:16

A tara mɔgɔ waga wɔrɔnfila (7,000) la minnu tagbɛlɛ anubɛ mɔgɔ waga kelen (1,000) minnu kusan boloma-wɔlɛ kɛnu na. Wonu fanan tagbɛlɛ.

1 Ko-Kɔrɔta-Karan 8:40

Kɛlɛ-kɛla-nyana le Ulamna den-keinu na. Anu kusan kɛlɛ kɛla kalabɛn la dɔgɔma-ma-de! Ka a bi ale Ulamna dannu ma ka a sigi a mamanɛnu na, wonu yatɛ bɛnta mɔgɔ kɛmɛ ani mɔgɔ bi-loli (150) ma. Bɛnyamɛ bɔnsɔn-mɔgɛ le anu dama la.

2 Ko-Kɔrɔta-Karan 33:11

Woletɔ Mari ya a ma, Asiriya kɛlɛ-dannu nara bui Yuda nyamanita-mɔgɛnu ma. Anu ya Mansa Manasa bira ka lunyɛ bila a sunyɛ rɔ. Anu ya sila-yɔlɔkɛ kɛ a ma ka ta a la Babilɔn nyamanɛ rɔ.

Ɛsira 2:1

Kebi Mansa Nɛbukanasa tara mɔgɛ kɛnu na Babilɔn nyamanɛ rɔ, anu tora biralɛ le tɔ ha Mansa Sairasi ya anu hɔrɔya wati min. Anu mɔgɔ-siyaman nara to sɛgila wati wo le tɔ Yerusalɛm soe burɔ anubɛ Yuda nyamani-toe rɔ. Bɛɛ tara a halala-so rɔ.

Ɛsira 2:59

Delaya kebilɛ wo, Tobaya kebilɛ wo, anubɛ Nɛkoda kebilɛ wo, minnu bɔra Tɛli-Mela soe wo, Tɛli-Harasa soe wo, Kɛrubu soe wo, Adan soe wo, anubɛ Imɛri soe Babilɔn nyamanɛ rɔ, wonu kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-loli, ani mɔgɔ fila (652) ma. Kebilɛ kɛnu denu bɔnsɔn bakuri ma lɔn ni Isirɛla mɔgɛ le anu na.

Nihɛmaya 11:1

Kun-tiginu sigira Yerusalɛm soe burɔ, Allata so-sɛnimɛ, kɔni. Mɔgɔ-toenu ya korɔn lakɛ ka a tɛgɛ anu sigi-koe ma Yerusalɛm soe burɔ. Denbaya-tigi tan wa korɔn lakɛ, a si diya denbaya-tigi kelen de la. Wonubɛ ala denbayɛ ni ta anu sigi Yerusalɛm soe burɔ. A to kɔnɔntɛ, wonubɛ anuna denbayɛnu si ta sigi so-nɛnu tɔ.

Nihɛmaya 7:5

Nta Alla le ya a sa n yisi rɔ ko a kun-tigi wo, a mɔgɔ-ba wo, anubɛ a mɔgɛ toenu wo, ko n ni anu nadɛn ka anu tɔgɛ sɛbɛ iko anuna kebilɛ ye nya min. Mɔgɔ-birani-kɔrɛ minnu fɔlɔn nara, n ya wonu bakurinu sɛbɛnɛ yen. N ya min sɛbɛnɛ yen a rɔ, wo le kɛ la.

Aiseya 3:2

A mara kɛlɛ-nyana la wo, a mara kɛlɛ-den na wo, a mara kiti-sala la wo, a mara nɛbi la wo, a mara bolo-tafɛlɛnna la wo, a mara nyamani-tigi la wo,

Yɛrɛmaya 13:19

Soe minnu bi wulɛ rɔ Yuda nyamanɛ dugu la, wonu yogenu bara kurɔn don wo ma. Wo masɔrɔn-kunya sa mɔgɔ-wo-mɔgɔ bolo. Wole Yuda nyamanita-mɔgɛ bɛɛ kunyɛ si don biralɛ rɔ nyamani-gbɛrɛ bolo. Anu si ta wo dama la tɛrr!

Yɛrɛmaya 39:9

Tɔ-a-la, a mɔgɛ toe minnu tora soe burɔ anubɛ minnu bara kofu a ma, Nɛbukanasala kɛlɛ-den-kunyɛ min tɔgɛ Nɛbusaradan, wo tara anu denu na Babilɔn.

Daniyɛli 1:2

Ma tigi Alla le sɔnta Yuda Mansa Yahoyakim anubɛ ala kɛlɛ-dannu bira-koe ma anubɛ Alla Bato-Bɔn fen-kolomɛ donu bi-koe ma. Mansa Nɛbukanasa tara fen-kolomɛ wonu namara ata bɛsi-kɔ-bɔn la Babilɔn nyamanɛ rɔ.