1 Ko-Kɔrɔta-Karan 6:8 - ALLALA KUMƐ

⁸ Ahituba ya Sedoki sɔrɔn. Sedoki ya Ahimahasi sɔrɔn.

1 Ko-Kɔrɔta-Karan 6:8 Iomraidhean Croise

2 Samuwɛli 15:27

Mansa Dawuda ya a fɔ Sedoki ye tun ko, “Ko-rayennɛ le ile la. Ila den Ahimahasi anubɛ Abiyatarila den Yonatan bi. I ni sɛgi anu na i bolo soe burɔ. Alamɛ Alla tora i fɛ.

2 Samuwɛli 17:15

Husayi ya Ahitafɛli sɔsɔ nya min, a tara wo rakaran Saraka-Masɔla Sedoki anubɛ Abiyatari ye. Wo kɔma, ale ya min fɔ Abasalɔm anubɛ Isirɛla mɔgɔ-banu ye, a ya wo fanan fɔ saraka-masɔlɛ wonu ye.

2 Samuwɛli 17:17

Kɔnɔ wo ya a taran, Abiyatarila den Yonatan wo anubɛ Sedokila den Ahimahasi dogonnɛ Ɛnrogɛli tenke dafɛ Yerusalɛm soe kɔma bawo a ma di anu ye mɔgɔ ni anu yen donna soe burɔ. Yɔɔn-sunkurɔn do ye nyɔ nun, wo le si to ta-ni-sɛgi kɛla anu tɛma alako koe minnu ba tenbi soe, anu denu ni wo lɔn yi wo dafɛ nyɔ. Wo kɔma, anu burimatoe si ta wo fɔ Mansa Dawuda ye.

2 Samuwɛli 17:20

Abasalɔmla mɔgɔ-ba donu nara musi wo manyinika mɔgɛ kɛnuna ko ma. Musi wo ya a fɔ anu ye ko, “Anu bara bɛ tɛgɛ nun, bi ma!” Mɔgɔ-ba wonu ya mɔgɔ filɛ kɛnu nanyini kɔnɔ anu ma anu yen. Anu sɛgira anu kɔma Yerusalɛm.

2 Samuwɛli 18:19

Sedokila den Ahimahasi ya a fɔ Yohabu ye ko, “A ma, n ni n buri tala ka kuma-nyimɛ kɛ fɔ mansɛ ye ko Mari ara a lakisi a yogenu ma.”

2 Samuwɛli 18:22

Kɔnɔ hali wo, Ahimahasi ya a fɔ Yohabu ye tun ko, “Ko-wo-ko mara, ndeta sa wo rɔ. Kɔnɔ i yandi, a ma tun, nde fanan ni ta a fɔ mansɛ ye.” Yohabu ya a fɔ a ye ko, “Nna den, nfenna ile nɔrɔnɛ ta-koe ma? I ti tɔnɔ sɔrɔn kɛ rɔ.”

2 Samuwɛli 20:25

Mansɛla kɛdi-sɛbɛlɛ le Sifa la. Saraka-masɔla-wɛ le Sedoki anubɛ Abiyatari la.

2 Samuwɛli 8:17

Ahitubala den Sedoki wo, anubɛ Abiyatarila den Ahimɛlɛki, saraka-masɔlɛ le wonu na. Ala kɛdi-sɛbɛlɛ le Seraya la.

1 Mansɛnu 1:34

Wo wa ke nyɔ tumɛ min, Saraka-Masɔla Sedoki anubɛ Nɛbi Netan ni dantɛgɛ-tuli kɛ Silamɛni kunyɛ rɔ ka a ma mansɛ la Isirɛla mɔgɛnu kun na. Wo ni buri fɛ ka a fɔ ko, ‘Alamɛ Mansa Silamɛni mɛra!’

1 Mansɛnu 1:44

A ya Saraka-Masɔla Sedoki lata a fɛ anubɛ Nɛbi Netan anubɛ Yɛhoyadala den Bɛnaya. A ya a makandannɛnu fanan nata. Anu ya Silamɛni sigi i fala sofɛlɛ la.

1 Mansɛnu 1:8

Minnu ma sɔn bilala Adonaya fɛ, wo le, Saraka-Masɔla Sedoki wo, Yɛhoyadala den Bɛnaya wo, Nɛbi Netan wo, Simayi wo, Riya wo, anubɛ Mansa Dawuda makandannɛnu.

1 Mansɛnu 2:35

Mansa Silamɛni ya Bɛnaya sigi kɛlɛ-dannu kun na Yohabu gbɛ rɔ. A ya Saraka-Masɔla Sedoki yabɔ ka a sigi Abiyatari gbɛ rɔ.

1 Ko-Kɔrɔta-Karan 12:28

Sedoki min bi kɛlɛ-kurugbayɛ la, wo nara mɔgɔ-ba mogan-ni-fila la a bolo ka bɔ ata kebilɛ rɔ ka kofu Dawuda ma.

1 Ko-Kɔrɔta-Karan 24:3

Mansa Dawuda ya wɔlɛ tala Aruna kegeyɛnu na iko a bɛnta, anu ni wɔli nya min Bato-Bɔn la. Sedoki min bɔra Ɛliyasa kegeyɛ rɔ anubɛ Ahimɛlɛki min bɔra Itamarayi kegeyɛ rɔ, wonu denu ya Mansa Dawuda dɛnbɛ wɔlɛ talala saraka-masɔlɛnu na.

1 Ko-Kɔrɔta-Karan 6:7

Mɛrayoti ya Amaraya sɔrɔn. Amaraya ya Ahituba sɔrɔn.

1 Ko-Kɔrɔta-Karan 6:9

Ahimahasi ya Asaraya sɔrɔn. Asaraya ya Yohenan sɔrɔn.

2 Ko-Kɔrɔta-Karan 31:10

Sedoki bɔnsɔn do le Saraka-Masɔla-Kun-Tigi-Wɛ Asaraya la. Wo ya a fɔ mansɛ ye ko, “Mɔgɛnu bara na kɔ-fan minnu na Bato-Bɔn kɛ la, ma si a dɔn-siyaman kɛ, ado a toe si to. Kɛ damasi nara bawo Mari ara ata duwɛ layigi ala mɔgɛnu kuma.”