1 Ko-Kɔrɔta-Karan 6:3 - ALLALA KUMƐ

³ Kohatila den Amiram ya den-kei mɔgɔ fila, dunmusi mɔgɔ kelen sɔrɔn, Aruna wo, Musa wo, anubɛ Miriyam. Amiramla den Aruna ya den-kei mɔgɔ nani sɔrɔn, Nedabu wo, Abaihu wo, Ɛliyasa wo, anubɛ Itamarayi.

1 Ko-Kɔrɔta-Karan 6:3 Iomraidhean Croise

1 Ko-Kɔrɔta-Karan 15:10

Aminadabu bɔra Yusiyɛli kebilɛ rɔ anubɛ a na-kelen-nyɔgɔn mɔgɔ kɛmɛ ani mɔgɔ tan-ni-fila (112) la a bolo.

1 Ko-Kɔrɔta-Karan 23:12

Kohati ya den-kei mɔgɔ nani sɔrɔn, Amiram wo, Isihari wo, Hiburɔn wo, anubɛ Yusiyɛli.

1 Ko-Kɔrɔta-Karan 23:13

Ala sarɛ, Amiram, wo ya Aruna anubɛ Musa sɔrɔn. (Alla ya Aruna anubɛ a kegeyɛnu yabɔ alako anu ni ma ata mɔgɔ-yabɔnɛnu na burubukai! Anu si to sarakɛnu mintanna Mari ye. Anu si to miran-sɛnimɛnu fɛ-birala ka duwa mɔgɛnu ye ale Alla tɔgɛ rɔ.

1 Ko-Kɔrɔta-Karan 24:22

Yehati bɔra Sɛlomiti kebilɛ rɔ min fa tɔgɛ Isihari.

1 Ko-Kɔrɔta-Karan 6:2

Lifayi wola den Kohati ya den-kei mɔgɔ nani sɔrɔn, Amiram wo, Isihari wo, Hiburɔn wo, anubɛ Yusiyɛli.

1 Ko-Kɔrɔta-Karan 6:4

Arunala den Ɛliyasa sɔrɛnu denu bi kɛnu na. Ɛliyasa ya Finihasi sɔrɔn. Finihasi ya Abisuwa sɔrɔn.

Bɔ-Koe-Iyipiti 15:20

Woletɔ Aruna kɔrɔ musi Miriyam, nɛbi-musi, kɔni, wo ya ata wasanbɛnu bi anubɛ Isirɛla musinu ka dɔn kɛ buta a ma.

Bɔ-Koe-Iyipiti 2:4

Dan wo kɔrɔ-musi ya a sɔ wula-yan la ka a yɛ bɛn a ma ka a lɔn ni min bi mala a dɔgɛ wo la.

Bɔ-Koe-Iyipiti 2:7

Dan wo kɔrɔ-musi ya a fɔ mansɛla dunmusi wo ye ko, “I si sɔn n ni ta Hiburu musi do nyini min si dan kɛ susun i ye?”

Bɔ-Koe-Iyipiti 24:1

Mari ya a fɔ Musa ye ko, “I ni Aruna bi anubɛ Nedabu anubɛ Abaihu ka wonu sa Isirɛla kun-tigi bi-wɔrɔnfila kuma. I ni yɛlɛ wonu na kɔnkɛ bu la ka nde, Mari bato.

Bɔ-Koe-Iyipiti 28:1

“Ile Musa ni i kɔrɔ-kei Aruna anubɛ ala den-keinu yabɔ Isirɛla mɔgɛnu tɛma, Nedabu anubɛ Abaihu anubɛ Ɛliyasa, anubɛ Itamarayi, kɔni. I ni anu madon ile Musa la alako anu ni saraka-masɔ-wɔlɛ kɛ nde ye.

Bɔ-Koe-Iyipiti 6:20

Kohatila dan Amiram ya a tɛnɛ-musi do furu min tɔgɛ Yakabɛdi. Wo ya Aruna anubɛ Musa sɔrɔn a ye. Amiram siyi ya san kɛmɛ, san bi-sawa, ani san wɔrɔnfila bɔ (137).

Bɔ-Koe-Iyipiti 6:23

Amiramta dan Aruna ya Aminadabula dunmusi Ɛlisiba furu. Neson tirisan-musu-bɛrɛbɛrɛ le Ɛlisiba wo la. Musi wo ya Nedabu wo, Abaihu wo, Ɛliyasa wo, anubɛ Itamarayi sɔrɔn Aruna ye.

Saraka-Masɔlɛnuta Tɔnnu 10:1

Arunala den-kei filɛ Nedabu anubɛ Abaihu, wonu ya ta-wɔlɔn bi ka a sa anuna ta-kɔ-mirannu tɔ. Anu ya isɛnti-munke bi ka a kɛ ta-wɔlɔn wo kuma miran wonu tɔ. Anu ya wonu bi ka anu di Mari ma kɔnɔ Mari ma sɔn wonu na bawo a ma bɛn, anu ni a ma wo nya na Mari ye.

Saraka-Masɔlɛnuta Tɔnnu 10:12

Musa ya a fɔ Aruna anubɛ ala den-keminɛnu Ɛliyasa anubɛ Itamarayi ye ko, “Anu bi nala dɛgɛ min na ka a di Mari ma, wo toe min bi tola, wo ni wo bi ka a ma biredi la kɔnɔ wo kana isiti kɛ a rɔ. Fɔ ni wo ya a dɔn saraka-mintan-tinɛ tɔgɔfɛ bawo a sɛninyanɛ le.

Saraka-Masɔlɛnuta Tɔnnu 10:16

Musa tara baa-saraka-soge manyinika mɔgɛnu na, Isirɛla mɔgɛnu ya min ma anu hakɛ-sarakɛ la, kɔni. A ya a lamɔɛn ko anu bara baa-soge wo mintan, a bɛnta saraka-masɔlɛnu ni min dɔn. Woletɔ Musa diminyara Ɛliyasa anubɛ Itamarayi ma.

Maika 6:4

Ale le ya wo labɔ yɔɔnyɛ rɔ Iyipiti nyamanɛ rɔ ka na wo la yan. Ale le ya Musa sɔ wo yarɔ anubɛ Aruna anubɛ Miriyam.