1 Ko-Kɔrɔta-Karan 3:2 - ALLALA KUMƐ

² Ala den-kei sawa nyɔgɛ tɔgɛ le Abasalɔm. Wo na tɔgɛ le Meyaka. Kesa Mansa Talamayila dan le Meyaka kɛ la. Ala den-kei nani nyɔgɛ le Adonaya. Wo na tɔgɛ le Hagiti.

1 Ko-Kɔrɔta-Karan 3:2 Iomraidhean Croise

2 Samuwɛli 13:1

Mansa Dawudala den Abasalɔm, wo tirisan-musu-kinyanɛ do ye nyɔ nun. A tɔgɛ le Tema. Mansɛla dan do ye nyɔ tun, wo fanan tɔgɛ le Aminɔ. Kɔnɔ Tema kɛ di Aminɔ ye dɔgɔma-ma-de!

2 Samuwɛli 14:23

Ale Yohabu ya a lasɔ. Mansɛ ya a fɔ a ye ko, “N kana Abasalɔm yen n yɛ la. A ni ta a halala-bɔn la.” A tara Abasalɔm bi tinɛ Kesa nyamanɛ rɔ ka na a la Yerusalɛm soe burɔ. Abasalɔm nanɛ, a tara sigi a halala-bɔn la. A ma mansɛ yen a yɛ la.

2 Samuwɛli 14:32

Abasalɔm ya a fɔ a ye ko, “Bawo n bara i kele, i ma sɔn na-koe ma. A sɔgɛ ye n na, i ni ta mansɛ manyinika n ye ko nfenna n bɔra Kesa nyamanɛ rɔ ka na yan? Ni n tora nyɔ nun, wo ma fisa? A sɔgɛ ye n na, i ni a ma, n ni mansɛ yen n yɛ la. Ni yo sa n bolo, a ni n faga worɔ.”

2 Samuwɛli 18:14

Yohabu ya a fɔ keminɛ wo ye ko, “N sa n tɔrɔla kumala ile fɛ tun.” A ya tanba sawa bi. A ya Abasalɔm kɛndɛ taran dunnɛ kɔlɔma wo la. A ya tanbɛ wonu nakɛ. Wonu tara gbangban Abasalɔm kɔgɔ rɔ.

2 Samuwɛli 18:18

Abasalɔm ye a niyi la tumɛ min, a ya kuri do sigi Mansɛnuna lɛɛ rɔ ka a tɔgɛ sa kuri wo kuma alako mɔgɛnu ni to anu mirila a ma. Wati wo rɔ, den sa a bolo min si ma a sugi la. Ha bi, anu bi kuri wo kelela ko Abasalɔm Yili-To-Kuri.

2 Samuwɛli 18:33

Kumɛ wo ya a ma, mansɛ yisi tinyanta dɔgɔma-ma-de! Mansa Dawuda yɛlɛta tarɛ dɛ kuma ka ta san-bɔn la. A ye tala dila a bolo fɛ. A ye a fɔla ko, “E, nna dan! Nna den Abasalɔm. E, nna den Abasalɔm. Ni nde le fagara i gbɛ rɔ nun, nna den Abasalɔm, ile ni to, wo le di n ye.”

2 Samuwɛli 3:3

Ala dan fila nyɔgɛ tɔgɛ le Keleyabu. Wo na le Abigɛli la, Nebalila musu-tonɛ, kɔni min bɔra Kamɛli soe burɔ. Ala dan sawa nyɔgɛ tɔgɛ le Abasalɔm. Wo na le Meyaka la. Mansa Talamayi min bi Kesa nyamanɛ kun na, wola dunmusi le kɛ la.

2 Samuwɛli 3:4

Ala dan nani nyɔgɛ tɔgɛ le Adonaya. Wo na le Hagiti la. Ala dan loli nyɔgɛ tɔgɛ le Sɛfataya. Wo na le Abitali la.

1 Mansɛnu 1:5

Wo ya a taran, Mansa Dawudala den Abasalɔm bara faga. A tagbara-sɛ Hagiti-Adonaya siginɛ a gbɛ rɔ. Adonaya, wo mafɛlɛn di kɔnɔ a fa ma a kolo hali lun-kelen-bɛrɛn. Mansaya-sɔgɛ ya Adonaya bira kosɛbɛ! A ya soee-laburi-kirindinu sɔrɔn a nyɛrɛ ye anubɛ kemini mɔgɔ bi-loli minnu si sɔ a yarɔ.

1 Mansɛnu 2:22

Mansa Silamɛni ya a fɔ a na ye ko, “Nfenna i ye Abisagi manyinikala Adonayala ko la? Ni a sɔgɛ ye i la, n ni Abisagi di Adonaya ma, a fisa, i ni mansayɛ fanan manyinika ala ko la kamasɔrɔn n kɔrɔ-kina le ale la. Ile ma a lɔn ko ala fasalɛ le Saraka-Masɔla Abiyatari anubɛ Yohabu la minnu sa nta mansayɛ rɔ?”

1 Ko-Kɔrɔta-Karan 2:23

Kesa kɛnu wo, Aram kɛnu wo, wonu ya so-kun bi-wɔrɔ bi Kaliyadi nyamanɛ rɔ. Yeya soe wo, Kinati soe wo, anubɛ so-mɛsɛ minnu bi anuna foolɛnu tɔ, wonu bi so bi-wɔrɛ kɛnu denu tɔ. Mɔgɛ minnu bɛɛsi ye so-kun bi-wɔrɛ kɛnu tɔ, wonu benba le Makiri la, Kaliyadi fa, kɔni.

1 Ko-Kɔrɔta-Karan 3:1

Mansa Dawudala den-kei le kɛnu na minnu sɔrɔnta Hiburɔn soe burɔ. Ala sarɛ tɔgɛ le Aminɔ. Wo na tɔgɛ le Ahinowan, Yɛsɛreli kɛ, kɔni. Ala den-kei fila nyɔgɛ tɔgɛ le Daniyɛli. Wo na tɔgɛ le Abigɛli, Kamɛli kɛ, kɔni.

1 Ko-Kɔrɔta-Karan 3:3

Ala den-kei loli nyɔgɛ le Sɛfataya. Wo na tɔgɛ le Abitali. Ala den-kei wɔrɔ nyɔgɛ le Itiriyam. Wo na tɔgɛ le Ɛkila.

Yasowa 13:13

Hali wo bɛɛ rɔ, Isirɛla mɔgɛnu ma Kesa anubɛ Meyaka mɔgɛnu gben. Wonu siginɛ tora anu tɛma ha kaka.