1 Ko-Kɔrɔta-Karan 3:10 - ALLALA KUMƐ

¹⁰ Silamɛni ya Rihobowami sɔrɔn. Rihobowami ya Abaya sɔrɔn. Abaya ya Esa sɔrɔn. Esa ya Yɛhosafati sɔrɔn.

1 Ko-Kɔrɔta-Karan 3:10 Iomraidhean Croise

1 Mansɛnu 11:43

A fagara tumɛ min, anu ya a togon a fa Mansa Dawudala luyi ma. Ala den Rihobowami sigira a gbɛ rɔ.

1 Mansɛnu 14:31

Kɔnɔ Mansa Rihobowami ya so-sɛgi-kɛ tumɛ min, anu ya a togon a fa Mansa Dawuda halala-luyi ma. Wo kɔma, ala den Abaya sigira a gbɛ rɔ Yuda nyamanɛ rɔ. Mansa Rihobowami na tɔgɛ le Nama. Amon kɛ le ale musi wo la.

1 Mansɛnu 15:24

Ale Mansa Esa ya so-sɛgi-kɛ tumɛ min, anu ya a togon a benba Mansa Dawudala halala-luyi ma. Ala den Yɛhosafati sigira a gbɛ rɔ.

1 Mansɛnu 15:6

Kɛlɛ-nyɔgɔnyɛ min taranta Mansa Abaya wo fa Mansa Rihobowami anubɛ Mansa Yɛrabowami tɛma, kɛlɛ-nyɔgɔya-kelan wo le tora anubɛ Mansa Yɛrabowami tɛma Mansa Abaya siyi-tele-bɛɛ kɔrɔ. Abaya ya koe min bɛɛsi kɛ Yuda nyamanɛ rɔ wo tumɛ a ye mansayɛ la, anu ya wo damasi sɛbɛ Yuda mansɛnuna buku do rɔ.

1 Mansɛnu 15:8

Wo kɔma, Mansa Abaya ya so-sɛgi-kɛ. Anu ya a togon Mansa Dawuda halala-luyi ma. Mansa Abayala den Esa sigira a gbɛ rɔ.

1 Ko-Kɔrɔta-Karan 3:11

Yɛhosafati ya Yɛhoram sɔrɔn. Yɛhoram ya Ehasaya sɔrɔn. Ehasaya ya Yohasi sɔrɔn.

1 Ko-Kɔrɔta-Karan 3:9

Kɛ damasi kɔma fanani, Dawuda fɛ-sigi-musinu ya dan donu sɔrɔn a ye tun. A ya dunmusi fanan sɔrɔn min tɔgɛ Temara.

2 Ko-Kɔrɔta-Karan 13:1

Yɛrabowamita mansayɛ san tan-ni-segin nyɔgɛ ma Isirɛla nyamanɛ rɔ, Rihobowamila den Abaya mara mansɛ la ka bɔ Yerusalɛm soe burɔ Yuda nyamanɛ rɔ.

2 Ko-Kɔrɔta-Karan 14:1

Mansa Abaya fagara tumɛ min, anu ya a togon Mansa Dawuda halala-luyi ma. Ala den Esa sigira a gbɛ rɔ. Mansa Esa kɛta wati rɔ, san tan dɛgɛdɛgɛ, kɛlɛ ma don Yuda nyamanɛ rɔ.

2 Ko-Kɔrɔta-Karan 17:1

Yɛhosafati sigira a fa Mansa Esa gbɛ rɔ mansayɛ la. A ya ala sɔ tinɛ makofu alako Isirɛla mɔgɛnu kana na a kɛlɛ.