1 Ko-Kɔrɔta-Karan 27:1 - ALLALA KUMƐ

¹ Isirɛla mɔgɔ-banu anubɛ kebila-kunyɛnu anubɛ bɔnsɔn-kunyɛnu, wonu bi Isirɛla nyamanɛ kumafɛlɛnna. Karɛ-wo-karɛ, kɛlɛ-kurugba-kurɛ si bɔ kɛnu tɔ anubɛ kɛlɛ-den-kura waga mogan-ni-nani (24,000). Anu ya kɛlɛ-kurugba-kurɛ minnu sigi, wonu tɔgɛ le kɛnu na.

1 Ko-Kɔrɔta-Karan 27:1 Iomraidhean Croise

2 Samuwɛli 23:8

Kɛlɛ-kurugba sawɛ minnu madonnɛ Mansa Dawuda la, wonu tɔgɛ le kɛnu na. A fɔlɔtɛ le Yosɛbu-Basɛbɛti la, Takimo kɛ, kɔni. Ale le kɛlɛ-den-kunyɛ la mɔgɔ sawɛ kɛnu tɔ. Lun kelen ale ya mɔgɔ kɛmɛ segin kɛlɛ ka anu damasi faga ala tanbɛ la.

1 Mansɛnu 4:27

Mansa Silamɛnina mɔgɔ-ba tan-ni-filɛ minnu bi nala dɔn-fan la, wonu kelen-kelennamɛ-bɛɛ nara anuna karɛ kelen dɔn-fan la Mansa Silamɛni anubɛ ala bonna-mɔgɛnu ye. Anu ya Mansa Silamɛni anubɛ ala bonna-mɔgɛnu de-nyini wo nya na le. Fenfen ma dasa anu bolo.

1 Mansɛnu 4:7

Wo kɔma, Mansa Silamɛni ya mɔgɔ tan-ni-fila yabɔ ka anu ma sigisɔn-mansɛnu na Isirɛla nyamanɛ rɔ. Kɛnuta wɔlɛ le ka dɔn-fan makele anu nyɛrɛta sigisɔn rɔ ale mansɛ anubɛ ala mɔgɛnu ye. Karɛ-wo-karɛ, mɔgɔ-ba kɛ kelen si na dɔn-fan la mansɛ ye iko kelen. Anu si wo ma san-bo-san.

1 Mansɛnu 5:14

Mansa Silamɛni tora anu natala waga tan-tanyɛ (10,000) ma Lɛbanan nyamanɛ rɔ ka wɔli-kɛlɛnu yɛlɛma karɛ-wo-karɛ. Wɔli-kɛla-kurɔn min ba ta wɔli-kɛ-tinɛ, wonu si karɛ kelen bɔ Lɛbanan nyamanɛ rɔ. Wo kɔma, anu si sɛgi anu barɛ karɛ fila kɔrɔ ka anu sulen. Mansɛ ya Adonaram ma wɔli-kunyɛ la.

1 Ko-Kɔrɔta-Karan 11:10

Dawudala kɛlɛ-kɛla-nyana le kɛnu na. Wonu denubɛ Isirɛla mɔgɛ toenu kofura ale Dawuda ma ka a ma mansɛ la iko Mari ya a fɔ nya min. Anu ya a ma, ala mansayɛ ya fanka sɔrɔn.

1 Ko-Kɔrɔta-Karan 13:1

Kɛlɛ-den-kunyɛ minnu bi mɔgɔ kɛmɛ-kɛmɛnu kun na anubɛ minnu fanan bi mɔgɔ waga-waganu kun na, Mansa Dawuda anubɛ kun-tigi wonu ya anu kun nayigi kan-tina-kelen.

1 Ko-Kɔrɔta-Karan 26:32

Mansa Dawuda ya wonubɛ a na-kelen-nyɔgɔ-hɛnkilima mɔgɔ waga fila ani mɔgɔ kɛmɛ wɔrɔnfila (2,700) yabɔ ka wonu sigi Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ kun na Yorodan bɛ tele-bɔɛ wara la. Anu siginɛ Isirɛla mɔgɛ wonu kun na ka mansɛta wɔlɛ anubɛ Marita wɔlɛ kɛ.

1 Ko-Kɔrɔta-Karan 27:2

Anu ya mɔgɔ fɔlɔtɛ min sigi, wo le Sabadiyɛlila den Yasabɛyami la.

1 Ko-Kɔrɔta-Karan 28:1

Mansa Dawuda ya kilayɛ lata Isirɛla mɔgɔ-ba damasi ma ka anu kele Yerusalɛm soe burɔ. A bɔnsɔn-kun-tigi wo, a kebila-kun-tigi wo, a kɛlɛ-den-kun wo, ala fen-makandanna wo, a kurugba wo, mansɛla-fen-namarala wo, anu damasi kundɛnta Yerusalɛm soe burɔ.

1 Ko-Kɔrɔta-Karan 29:6

A bɔnsɔn-kun wo, a kebila-kun wo, a kɛlɛ-den-kun wo, a fen-makandanna wo, anu damasi sɔnta wo ma ka anu bole ladɛn.

2 Ko-Kɔrɔta-Karan 1:2

Kɛlɛ-den-kunyɛ minnu bi waga kelen-kelannu kun na wo, anubɛ minnu bi kɛmɛ kelen-kelannu kun na wo, ala nyamanita-mɔgɔ-banu wo, anubɛ kebila-kunyɛnu wo, anubɛ a mɔgɛ toenu wo, Mansa Silamɛni ya anu kele ka anu damasi kundɛn Kibiyon soe burɔ Mari bato tinɛ. Allata wɔli-kɛlɛ Nɛbi Musa ya Marita Fani-Bɔn min nadan wulɛ rɔ nun, wo ye ale Kibiyon soe burɔ nyɔ.

Bɔ-Koe-Iyipiti 18:25

A ya hɛnkilimɛnu yabɔ Isirɛla mɔgɛnu tɛma ka anu ma kun-tiginu na mɔgɛnu kun na.

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Tɔn-Fɔɛ-Fila-Nyɔgɛ 1:15

Wo ya hɛnkilimɛ minnu yabɔ ka anu yira n na, n ya wonu sigi wo kun na ka anu ma wola kiti-salɛnu na. N ya donu sigi mɔgɔ waga kelen-kelen kun na. N ya donu sigi mɔgɔ kɛmɛ-kɛmɛ kun na. N ya donu sigi mɔgɔ bi-loli bi-lolɛ kun na. Ka ban, n ya donu sigi mɔgɔ tan-tan kun na. Wonu mara wola kun-tiginu na wo kuma.

Yasowa 23:1

Wati siyaman tenbira tumɛ min, Mari ya lafɛrɛ di Isirɛla mɔgɛnu ma anu yogenuna ko la, ado Yasowa ara kɔrɔya kati!

1 Samuwɛli 8:12

A si donu sigi mɔgɔ waga kelen-kelannu kun na. Donu si sigi mɔgɔ bi-loli bi-lolɛnu kun na. A si wola dan donu ma ala sɛnita keminɛnu na. A si donu ma ala kɛlɛ-kɛ-fen nadannɛnu na. A si donu fanan ma ala kirindi-miran nadannɛnu na.