1 Ko-Kɔrɔta-Karan 24:1 - ALLALA KUMƐ

¹ Anu ya Aruna kegeyɛnu tatala ka le. Ale Aruna ya den-kei mɔgɔ nani sɔrɔn, Nedabu wo, Abaihu wo, Ɛliyasa wo, anubɛ Itamarayi.

1 Ko-Kɔrɔta-Karan 24:1 Iomraidhean Croise

1 Ko-Kɔrɔta-Karan 23:6

Mansɛ ya Lifayi bɔnsɔn wo rafara kurun sawa la iko anu kebilɛ ye nya min, Kɛrisɔn bɔnsɔn wo, Kohati bɔnsɔn wo, Mɛrari bɔnsɔn wo.

1 Ko-Kɔrɔta-Karan 28:13

Saraka-masɔlɛnu anubɛ Lifayi bɔnson-toenu si anuna wɔlɛ kɛ nya min, anubɛ anu si Bato-Bɔn anubɛ a burɔ-mirannu fɛ-bira nya min, Mansa Dawuda ya wo sɔ-bole fanan yira Silamɛni na.

1 Ko-Kɔrɔta-Karan 6:3

Kohatila den Amiram ya den-kei mɔgɔ fila, dunmusi mɔgɔ kelen sɔrɔn, Aruna wo, Musa wo, anubɛ Miriyam. Amiramla den Aruna ya den-kei mɔgɔ nani sɔrɔn, Nedabu wo, Abaihu wo, Ɛliyasa wo, anubɛ Itamarayi.

1 Ko-Kɔrɔta-Karan 6:34

Samuwɛli fa le Ɛlakena la. Ɛlakena fa le Yɛroham la. Yɛroham fa le Iliyɛli la. Iliyɛli fa le Towa la.

2 Ko-Kɔrɔta-Karan 23:8

Lifayi bɔnsɔn-mɔgɛnu anubɛ Yuda nyamanita-mɔgɛnu ya Saraka-Masɔla Yɛhoyadala kumɛ bira anu bolo filɛ la. Ni mɔgɛ minnu ya anuna wɔlɛ boloka wo, anubɛ minnu bi wɔlɛ dabirala wo, wonu damasi ye kɛlɛ-den-kunyɛnuna sarati kɔrɔ.

2 Ko-Kɔrɔta-Karan 31:2

Mansa Hɛsakaya ya saraka-masɔlɛnu anubɛ Lifayinu fara iko anuna wɔlɛnu bi nya min nun. Donu bi saraka-mintan-ko-wɔlɛ la. Donu bi yisi-kima-saraka-ko-wɔlɛ la. Donu bi nyɔ ka anu sɔ ladɛn wo yakɔrɔ. Donu bi matɔgɔlɛ kun na Bato-Bɔn wo tɔnkɔn donu tɔ.

2 Ko-Kɔrɔta-Karan 5:11

Saraka-masɔlɛ min bɛɛsi bɛnta wo rɔ, a bɔra kebila-wo-kebila rɔ, wonu ya anu nyɛrɛ dantɛgɛ Mari ma. Esafi wo, Himan wo, Yɛdutun wo, anubɛ anu kebilɛnu, Lifayi fɔli-kɛlɛ le kɛnu na. Wonu ya linɛn-kura-hakikɛnu don anu kan na. Anu sɔra anu sansan-yili ma saraka-mintan-tinɛ tele-bɔɛ wara la karanya anubɛ sɔrɔnnu anubɛ seremanu bi anu bolo. Min sanɛ wo kuma, saraka-masɔla mɔgɔ kɛmɛ ani mɔgɔ mogan (120) bi buri fɛla anu fɛ. A fɔli-kɛla wo, a buru-fɛla wo, a sigi-sala wo, wo bɛɛ tara anu nyɔgɔn fɛ a kin na! Anu bi Mari tanto sigi sala ko, “Mari ni tanto bawo a kin. Ala keninteyɛ ti ban habadan!” Saraka-masɔlɛ wonu bi anu kunyɛ labɔla nyɔ rɔ kawo, Marita wan-belebele ya waan raka Bato-Bɔn wo burɔ ka bɔ Marita banda-fin-gbɛ rɔ waran! Anu ma ke batoe wo labanna.

2 Ko-Kɔrɔta-Karan 8:14

A ya wɔlɛ tala Lifayinu anubɛ saraka-masɔlɛnu na iko a fa Mansa Dawuda ya a rabɛn nya min nun. Lifayinu bi sigi-sɛ kun na anubɛ Bato-Bon-wɔlɛ donu kɛla. A ya Bato-Bɔn da-makandan-wɔlɛ tala anu na kurun-kurunyɛ ma iko a fa Mansa Dawuda ya a rabɛn nya min, Allata mɔgɛ, kɔni.

Ɛsira 6:18

Anu ya saraka-masɔlɛ anubɛ Lifayi bɛɛta wɔlɛ don a bolo Bato-Bɔn la Yerusalɛm soe burɔ iko a sɛbɛnɛ Nɛbi Musata buku rɔ nya min.

Ɛsira 7:5

Buki wo fa tɔgɛ le Abisuwa. Abisuwa wo fa tɔgɛ le Finihasi. Finihasi wo fa tɔgɛ le Ɛliyesa. Ɛliyesa wo fa le ale Saraka-Masɔla-Kun-Tigi-Wɛ Aruna la.

Bɔ-Koe-Iyipiti 28:1

“Ile Musa ni i kɔrɔ-kei Aruna anubɛ ala den-keinu yabɔ Isirɛla mɔgɛnu tɛma, Nedabu anubɛ Abaihu anubɛ Ɛliyasa, anubɛ Itamarayi, kɔni. I ni anu madon ile Musa la alako anu ni saraka-masɔ-wɔlɛ kɛ nde ye.

Bɔ-Koe-Iyipiti 6:23

Amiramta dan Aruna ya Aminadabula dunmusi Ɛlisiba furu. Neson tirisan-musu-bɛrɛbɛrɛ le Ɛlisiba wo la. Musi wo ya Nedabu wo, Abaihu wo, Ɛliyasa wo, anubɛ Itamarayi sɔrɔn Aruna ye.

Yilan-Yilan Koe 26:60

Aruna ya den-kei mɔgɔ nani sɔrɔn. Mɔgɔ nani wonu tɔgɛ le kɛ la, Nedabu, Abaihu, Ɛliyasa, anubɛ Itamarayi.

Yilan-Yilan Koe 3:4

Kɔnɔ Sinayi wulɛ rɔ, Alla ma sɔn tɛ min na, Nedabu anubɛ Abaihu tara wo la saraka-bɔ-tinɛ. Mari ya anu faga nyɔ wola ko la. Anu ma dan sɔrɔn min kɛ, woletɔ Ɛliyasa ani Itamarayi tora saraka-masɔ-wɔlɛ kɛla Aruna fɛ a ye a kɛndɛ la tumɛ min.