1 Ko-Kɔrɔta-Karan 23:4 - ALLALA KUMƐ

⁴ Mansa Dawuda ya mɔgɔ waga mogan-ni-nani (24,000) bi wonu tɔ alako wonu ni Bato-Bon-kurɛ wo bato-ko-wɔlɛ kɛ. A ya mɔgɔ waga wɔrɔ (6,000) bi kɛnu tɔ tun alako wonu ni ma sɛbɛli-kɛlɛnu anubɛ kiti-salɛnu na.

1 Ko-Kɔrɔta-Karan 23:4 Iomraidhean Croise

1 Ko-Kɔrɔta-Karan 6:48

Anu ta-nyɔgɛ Lifayi kebila-mɔgɛ toenu ya Marita Fani-Bon-wɔli-toe kɛ.

2 Ko-Kɔrɔta-Karan 19:8

Mansa Yɛhosafati ya Lifayinu anubɛ saraka-masɔlɛnu anubɛ mɔgɔ-ba donu bɔ ka wonu ma kiti-tɛgɛlɛnu na Yerusalɛm soe burɔ. Ni mɔgɛ do ya Marita sereya tinya wo, ni kɛlɛ-nyɔgɔnyɛ donta Yerusalɛm mɔgɛ donu tɛma wo, kiti-tɛgɛlɛ kɛnu si wo kiti tɛgɛ.

2 Ko-Kɔrɔta-Karan 23:18

Saraka-Masɔla Yɛhoyada ya a ma, Lifayi bɔnsɔn-mɔgɛnu anubɛ saraka-masɔlɛnu tora Mari Bato-Bon-wɔlɛ kun na. Wonu tora wɔlila Bato-Bɔn burɔ iko Mansa Dawuda ara wɔlɛ tala anu na nya min nun. Anu tora sarakɛnu mintanna Mari ye iko Nɛbi Musa ya Marita tɔnnu fɔ anu ye nya min nun. Anu bi sigi-sɛ anubɛ ladɛn kun na fanan.

2 Ko-Kɔrɔta-Karan 34:13

wonu bi bato-bon-miran-madununɛnu kun na. Donu bi wɔli-kɛlɛ donu kun na. Donu bi sɛbɛli kɛla. Fen-makandannɛ le donu na.

Nihɛmaya 11:22

Lifayi minnu siginɛ Yerusalɛm, wonu wɔlita Banila den Yusayi kɔrɔ, Hasabaya mamanɛ, kɔni. Hasabaya fa tɔgɛ le Matanaya. Matanaya fa tɔgɛ le Maika. Yusayi bɔra Esafi kebilɛ rɔ. Wonu denu bi Bato-Bɔn fɔli-kɛ anubɛ a sigi-sɛ kun na.

Nihɛmaya 11:9

Wonuna kun-tigi le Sikirila den Yowɛli la. Wo tatugunnɛ le Sɛnuwala den Yuda la.

Isikiyɛli 44:24

Ni a taranta kɛlɛ-nyɔgɔnyɛ do ye nyɔ ka a tɛgɛ tɔn-tinya-koe ma, saraka-masɔlɛnu bɛnta ka kiti wo tɛgɛ iko nta tɔn ya a fɔ nya min. A bɛnta, anu ni nna ladiyɛnu kɛ a kila-bɛrɛbɛrɛ fɛ iko tɔn ya a fɔ nya min ka Sulen-Tele bira ka a gbiliya.

Malakayi 2:7

A ko ka mɔgɛnu karan ale Alla lɔn-koe ma, wole saraka-masɔlɛnuta wɔlɛ le wo la. A bɛnta, mɔgɛnu ni ta saraka-masɔlɛnu bara, ale Alla sako-lɔn-koe rɔ bawo ale Mari Sɛnbɛ-Bɛɛ-Tigita kilayɛ le wole la.

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

Tɔn-Fɔɛ-Fila-Nyɔgɛ 16:18

Musa ya Mari kuman-kan kɛ latenbi Isirɛla mɔgɛnu ma ko, “Wo ye nala soe minnu sɔrɔnna Mari Alla bolo, wo ni kiti-tɛgɛlɛnu sigi nyɔnu tɔ. Mɔgɛ wonu ni kiti sa a kila-bɛrɛbɛrɛ fɛ.