1 Ko-Kɔrɔta-Karan 22:5 - ALLALA KUMƐ

⁵ Mansa Dawuda ya a miri ko ala den Silamɛni ye nala Mari Bato-Bɔn min sɔla, wo ni kinya ha nyamanɛ doinu ni a gbiliya a kinyɛla ko ma. A ya a lɔn min kɛ ko ala dan wo pose le fɔlɔn, woletɔ a ya a miri ko fɔ a wa ala dan wo denbɛ bɔn wo sɔ-mirannuna ko la. Yanni Mansa Dawuda ni faga, a ya miran-siyaman nyini bɔn wola ko la.

1 Ko-Kɔrɔta-Karan 22:5 Iomraidhean Croise

1 Mansɛnu 3:7

E, nta Mari Alla, ile le wara nde dennɛ yabɔ ka n ma mansɛ la n fa Dawuda gbɛ rɔ kaka. N ma n don-nya lɔn, n ma n bɔ-nya lɔn.

1 Mansɛnu 9:8

Bato-Bon-nyimɛ kɛ si tinya ka ma bon-gbarɛ la. Mɔgɔ-wo-mɔgɔ wa tenbi nyɔ, wo si kawa ka a bole sa a dɛ la. A si a fɔ ko, ‘Nfenna ko la Mari ara ko sufa kɛ ma ala nyamanɛ anubɛ ala Bato-Bɔn kɛ la?’

1 Ko-Kɔrɔta-Karan 29:1

Mansa Dawuda ya a fɔ nyama-ladɛnnɛ wo ye ko, “Nna den Silamɛni, Alla ara wo le yabɔ ka a ma mansɛ la. Kɔnɔ hali wo, a dɔgɔ, ado a ma duru mansaya-koe la. Bato-Bɔn sɔ-ko-wɔlɛ kɛ makawara bawo mɔgɛnuta mansa-bɔn sɔ-ko-wɔli ma kɛ la fɔ Mari Allatɛ.

2 Ko-Kɔrɔta-Karan 13:7

Wo kɔma, a ya kalabantenu nadɛn minnu tara Rihobowami kan ma. Wo wati rɔ, fonike le ale Mansa Rihobowami la, ado a ti kalabante wonu nɔ kumɛ rɔ.

2 Ko-Kɔrɔta-Karan 2:4

N bi nala Bato-Bɔn sɔla alako ka nta Mari Alla gbiliya. Nyɔ si ma kan-tina-sɛnimɛ la mabɛ nna mɔgɛnu si a bato kan min. Ma si isɛnti-hakikɛnu mintan nyɔ. Ma si to biredi-sɛnimɛ dila a ma nyɔ fanan. Ma si to saraka-mintantɛnu dila a ma sɔgɔma ani wurɛ la. Sulen-Tele wo, Karɛ-Kurɛ-Ladɛn wo, anubɛ a tele-sɛnima-toenu, ma si to sarakɛ wonu mintanna a ye ka mata Mari Alla gbiliya. Mata Mari Alla ko fɔ ma ni kɛnu ma Isirɛla nyamanɛ rɔ habadan!

2 Ko-Kɔrɔta-Karan 2:5

N miriya n burɔ, n bi nala bato-bon-hakika-kinama-wɛ sɔla, ado maleta Mari Alla sɛnbɛ kolo bɛsɛnutɛ ko.

2 Ko-Kɔrɔta-Karan 2:8

Bawo n ya a lɔn ko ila kɔn-tɛgɛlɛnu kusan kosɛbɛ, woletɔ a sɔgɛ ye n na, i ni kɔlɔma-subolo sawa lana n ma ka bɔ Lɛbanan gbɔngbɔnnu tɔ, sida wo, saiparasi wo, anubɛ yunipa. N tabɛnni de ka nta mɔgɛnu nata ila mɔgɛnu dɛnbɛn tinɛ

2 Ko-Kɔrɔta-Karan 7:21

“Kaka, mɔgɛ bɛɛ ye Bato-Bɔn kɛ gbiliyala. Kɔnɔ wo wati rɔ, min tenbi tenbila a fɛ, anu si anu bole sa anu dɛ la ka kawa. Anu si a fɔ ko, ‘Nfenna Mari ya kɛ ma nyamanɛ kɛ anubɛ a bato tinɛ kɛ la?’

Ɛsira 3:12

Kina min bɛɛ ya Silamɛnita Bato-Bɔn yen, a saraka-masɔla wo, a Lifayi mɔgɔ wo, a kebila-kun wo, wonu bɛɛ dira anu sɛbɛ-kuna-wɛ la bawo Bato-Bon-kurɛ kɛ ma ke iko Mansa Silamɛnitɛ. Kɔnɔ min hɛnkili ma to Mansa Silamɛnita Bato-Bɔn ko, wonu ya a lawɔyɔ sewɛ bolo.

Hɛnkilimaya-Kumɛnu 4:3

N den-nɛ wati min, nde le kelen pe ye den-kei la n sɔrɔnnɛnu bolo.

Makawandili Kumɛnu 9:10

Mɔgɛ ye ko-wo-ko kun na, i sɛbɛ don wo le ma bawo i kɛ-nya wo, i miriya wo, ila hɛnkilimaya wo, ila ko-lɔn wo, wo bɛɛla ban le lakira la, ado i kunyɛ telennɛ nyɔ le la.

Aiseya 64:11

Ma benbanu taranta i batola ita bon-sɛnimɛ la kɔnɔ nyɔ ara mintan tɛ la gburr! Mala fen-kolomɛnu bara halaki pɔ!

Isikiyɛli 7:20

Wati donu tɔ nun, anu wasinɛ anuna dugu-kɔrɔ-nɔnfulinu tɔ kɔnɔ anu ya wonu denu bi ka wonu ma anuna bɛsi-yogoyanɛnu makiri-fan la. Woletɔ Mari ara a ma, anuna fen-kolomɛnu bara gboya anu ye.”

Hegayi 2:3

“Mɔgɛ do si taran wo tɛma min si ke ka a miri Bato-Bɔn fɔlɔtɛ sɔ-nya ma tun, wa? Fɔlɔ nun, a kin kosɛbɛ! Kɔnɔ kɛ ye wole yala kama kaka? Kɛ mani de iko fufafuyi wole yala, wa?

Hegayi 2:9

Wati ye nala, Bato-Bɔn kɛta gbiliyɛ si tenbi a fɔlɔtɛ la. A si a ma, wo ni sabati ka yisi-kimɛ sɔrɔn Bato-Bɔn kɛ la. Mari Sɛnbɛ-Bɛɛ-Tigi ya kɛ le fɔ.

Luka 21:5

Ala karan-dan donu bi kumala nun ka a bɛn Alla-Bato-Bɔn wara-koe ma. Kuru-nyimɛ minnu bi nyɔ, anubɛ mɔgɛnu ya kɔ-fan minnu di Alla ma Bato Bɔnla ko la, anu bi kawala wonu ma. Yisa ko,

Yɔni 13:1

Nba, a ara to nun tele kelen yanni Kanan-Ko-Ladiyɛ ni ke. Yisa ya a lɔn ko ala wati ara ke ka bɔ duninya rɔ ka sɛgi a Fa Alla warɛ. Atɛ ye minnu na duninya rɔ, wonu di a ye, ado wonu di a ye ka a dan natenbi.

Yɔni 3:30

Ale ni koloya, nde ni dɔgɔya.”

Yɔni 9:4

Min ya n sɔ, fɔ ni ma tora wola wɔli kɛla tele rɔ. Suyi ketoe le, ado suyi wa ke tumɛ min, wo si a taran, wɔli-wo-wɔli ti taran tun.