1 Ko-Kɔrɔta-Karan 22:2 - ALLALA KUMƐ

² Mansa Dawuda ya a fɔ sibolo-gbɛrɛnu ye min bi ala nyamanɛ wo rɔ ko anu damasi la ni dɛn kan-tina-kelen. A ya sibolo-gbɛrɛ wo bɛɛta wɔlɛ di a ma. Kuri minnu bi mala Bato-Bon-bulɔku la, a ya donu sɔ kuri wo lɛsɛ-ko-wɔlɛ la.

1 Ko-Kɔrɔta-Karan 22:2 Iomraidhean Croise

2 Samuwɛli 5:11

Mansa Hairam min siginɛ Taya soe burɔ, wo ya kilayɛnu nata anubɛ ala bon-sumalɛ donu anubɛ ala bon-tuwalɛ donu alako wonu ni ta Mansa Dawudala bolɔn sɔ. Wonu tamatoe, anu tara anuta nyamanita kɔlɔma-nɛ donu na anu bolo.

1 Mansɛnu 6:7

Anu ya bɔn sɔ kuru-kundi minnu na, anu ya wonu malɛsɛ anu bɔra kan min, alako mɔgɔ kana kuri-malɛsɛ-kan lamɔɛn bɔn sɔ tinɛ rɔ.

2 Mansɛnu 12:12

anubɛ bon-sigilɛnu anubɛ kuru-lɛsɛlɛnu. Wonu si fɛrannu anubɛ kuru-lɛsɛnɛnu san wodi wo la anubɛ bon-miran-toenu.

2 Mansɛnu 22:6

Wonu si wodi wo bi ka bon-sɔlɛnu anubɛ bon-sigilɛnu anubɛ bon-tuwalɛnu sara. Wo kɔma, anu ni fɛrannu anubɛ kuru-lɛsɛnɛnu san wodi wo toe la.

1 Ko-Kɔrɔta-Karan 14:1

Mansa Hairam min siginɛ Taya soe burɔ, wo ya kilayɛnu nata ala bon-sumalɛ donu anubɛ bon-tuwalɛ donu ma Mansa Dawuda dɛnbɛ tinɛ alako wonu ni ta mansɛla bɔn sɔ. Wonu tamatoe, anu tara anuta nyamanita-kɔlɔma-nyima-wɛ donu na anu bolo.

1 Ko-Kɔrɔta-Karan 29:1

Mansa Dawuda ya a fɔ nyama-ladɛnnɛ wo ye ko, “Nna den Silamɛni, Alla ara wo le yabɔ ka a ma mansɛ la. Kɔnɔ hali wo, a dɔgɔ, ado a ma duru mansaya-koe la. Bato-Bɔn sɔ-ko-wɔlɛ kɛ makawara bawo mɔgɛnuta mansa-bɔn sɔ-ko-wɔli ma kɛ la fɔ Mari Allatɛ.

2 Ko-Kɔrɔta-Karan 2:16

Nna wɔli-kɛlɛnu si kɔlɔmanu tɛgɛ Lɛbanan kɔnkɛnu ma ka ta anu na kɔgɔ-yi dafɛ. Anu si anu kiri anu nyɔgɔn ma iko bɛndɛ ka anu nata yi kuma fɔ Yapa soe tɛgɛn-dɛ la. Ileta mɔgɛnu si anu bi nyɔ ka ta anu na Yerusalɛm soe burɔ.”

2 Ko-Kɔrɔta-Karan 2:17

Sundan min bɛɛsi ye Isirɛla nyamanɛ rɔ, Mansa Silamɛni ya wonu damasi dan iko a fa Mansa Dawuda ya a ma nya min nun. Sundan minnu taranta ala nyamanɛ rɔ wo wati rɔ, wo le yirika bɛnnɛ mɔgɔ waga kɛmɛ, mɔgɔ waga bi-loli ani mɔgɔ waga sawa ani mɔgɔ kɛmɛ wɔrɔ (153,600) ma.

Ɛsira 3:7

Isirɛla mɔgɛnu ya wodi bɔ ka kuru-lɛsɛlɛnu anubɛ bon-tuwalɛnu sara wo la. Anu ya dɔn-fan anubɛ minni-fan anubɛ ɔlifi-tulinu nata Lɛbanan nyamanɛ rɔ kɔlɔma-hakikɛnu sɔnkɔyɛ la. Anu ya fan wonu nata Taya soe anubɛ Saidon soe burɔ. Lɛbanan kɛnu ya kɔlɔma wonu nata yi kuma ha ka ke Yapa soe ma. Pasiya Mansa Sairasi sɔnta anu miriya kɛ dama ma.

Ɛfɛsa 2:12

Wo ye nya min nun fɔlɔ, wo ni wo hɛnkili to wo ko. Wo wati ya a taran, wo ma ma wɛ Kirasititɛ la. Wo ye sibolo-gbɛrɛyɛ la nun. Wo sa Allata mɔgɔ-yabɔnɛnu tɛma nun. Wo kɔma, Alla ya sarama-kan min kiri anubɛ ala mɔgɛnu tɛma, wota fenfen sa wo rɔ nun. Wo tumɛ ya a taran, Alla sa wo bolo nun, ado yigi sa wo ma mumɛ!