1 Ko-Kɔrɔta-Karan 2:23 - ALLALA KUMƐ

²³ Kesa kɛnu wo, Aram kɛnu wo, wonu ya so-kun bi-wɔrɔ bi Kaliyadi nyamanɛ rɔ. Yeya soe wo, Kinati soe wo, anubɛ so-mɛsɛ minnu bi anuna foolɛnu tɔ, wonu bi so bi-wɔrɛ kɛnu denu tɔ. Mɔgɛ minnu bɛɛsi ye so-kun bi-wɔrɛ kɛnu tɔ, wonu benba le Makiri la, Kaliyadi fa, kɔni.

1 Ko-Kɔrɔta-Karan 2:23 Iomraidhean Croise

Ko-Dabirɛnu 50:23

Yusufu kɔrɔyara ha a ya a tolo-birɛnu yen, ala den-keinu Ifɛrɛm anubɛ Manasa mamanɛnu, kɔni. Hali ala dan Manasata den Makiri, a ya wota dan yen a yɛ la.

1 Mansɛnu 4:13

Bɛn-Kibɛri ye Ramɔti-Kaliyadi soe kun na. A ye so-nɛ donu fanan kun na minnu bi Manasa kegeyɛ do bolo min tɔgɛ Yeya. Wonu bi Kaliyadi sigisɔn rɔ. A ye Arakobi sigisɔn-nyamanɛ kun na Basan nyamanɛ rɔ, so-kinama bi-wɔrɔ ye min tɔ. Tarɛ mininɛ soe wo kelen-kelennamɛ-bɛɛ ma min dɛnu balannɛ sila-bonda-sɔgɔ-kɔnnu na.

1 Ko-Kɔrɔta-Karan 2:22

Segubu ya Yeya sɔrɔn min ya Kaliyadi nyamanɛ so mogan-ni-sawa mara.

1 Ko-Kɔrɔta-Karan 2:24

Hɛsirɔn faganɛ, ala musi Ɛfarati ya den-kei sɔrɔn Hɛsirɔn wola den Kelabu ye. Den-kei wo tɔgɛ le Asura. Asura wo le ya Tekoya soe datɛgɛ.

Tɔn-Fɔɛ-Fila-Nyɔgɛ 3:14

Manasa kegeyɛ do min tɔgɛ Yeya, wo tara bui Agabi sigisɔn-mɔgɛnu ma ka soe wonu bi min bi Basan nyamanɛ rɔ ha ka ta ke Kɛsɔra anubɛ Meyaka nyamanɛnu da kɔrɔ. A ya a tɔgɛ sa soe wonu kuma ka wonu kele ko Yeyaya. Ha bi, anu bi soe wonu kelela wo nya na le.

Yasowa 13:13

Hali wo bɛɛ rɔ, Isirɛla mɔgɛnu ma Kesa anubɛ Meyaka mɔgɛnu gben. Wonu siginɛ tora anu tɛma ha kaka.

Yasowa 13:30

Basan nyamanɛ bɛɛ mara anutɛ la anubɛ a so bi-wɔrɔ min bi a rɔ ka a dabira Mehaneyim soe ma. So bi-wɔrɛ wo bɛɛ ye Manasala den Yeya bolo. Mansa Ɔku ara kan tinɛ kɛ bɛɛ mara nun.