1 Ko-Kɔrɔta-Karan 17:8 - ALLALA KUMƐ

⁸ A tara kan-bo-kan, n bi a fɛ, ado a tara kan tinɛ min bɛɛsi rɔ, n ya a yogenu nɔ a yarɔ. N si a ma, ala mansaya-mankan ma ni yɛlɛ duninya rɔ iko tɔgɔlama-wɛ minnu bi duninya rɔ.

1 Ko-Kɔrɔta-Karan 17:8 Iomraidhean Croise

Ko-Dabirɛnu 28:15

I tara kan-bo-kan, n si to i fɛ ka i kandan. N si na i la fɔɔ nyamanɛ kɛ rɔ tun. N ti i boloka fɔ n ba n kuman-kan latɔnbagaya.”

2 Samuwɛli 22:1

Mari ya Mansa Dawuda kisi Mansa Sɔli anubɛ a yoge doinu ma tumɛ min, ale Dawuda ya bɛti bɔ Mari ye.

2 Samuwɛli 7:9

A tara kan-bo-kan, n bi a fɛ, ado a tara kan-tinɛ min bɛɛsi rɔ, n ya a yogenu nɔ a yarɔ. N si a ma, ala mansayɛ mankan ma ni yɛlɛ duninya rɔ iko tɔgɔlama-wɛ minnu bi duninya rɔ.

2 Samuwɛli 8:6

Wo kɔma, Mansa Dawuda ya ala kɛlɛ-dannu daga makɛ tinɛnu nadan Siriya wonuna nyamanɛ rɔ. Siriyanu fanan tora ale kɔrɔ ka to duti dila a ma. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

2 Samuwɛli 8:8

Wo kɔma, Bɛta soe anubɛ Bɛrotati soe minnu bi Mansa Hadadisa kɔrɔ, Mansa Dawuda ya sila siyaman bi wonu bolo.

1 Ko-Kɔrɔta-Karan 14:17

Mansɛ mankan koloyara. Mari ya a ma, sibolo-gbɛrɛ bɛɛ kilanta a la.

1 Ko-Kɔrɔta-Karan 17:17

Kɔnɔ hali wo, i ye sarama-kan kirila mabɛ nna denbayɛ ye anubɛ minnu ma sɔrɔn bɛ. E, Mari Alla, i wara n ma iko n nyɔgɔn sa.

1 Ko-Kɔrɔta-Karan 17:2

Netan ya a fɔ a ye ko, “Ni ko-wo-ko ma-sɔgɛ ye i la, wo ma bawo Alla ye i fɛ.”

1 Ko-Kɔrɔta-Karan 17:7

“Woletɔ a fɔ nna wɔli-kɛlɛ Dawuda ye ko nde, Mari Sɛnbɛ-Bɛɛ-Tigi kan le kɛ la. N ko n ya ale bi sagɛnu denu fɛ ka a ma mansɛ la Isirɛla nyamanɛ mumɛ bɛɛ kun na.

1 Ko-Kɔrɔta-Karan 17:9

Nde le ya kan tinɛ nyini nta Isirɛla mɔgɛnu ye anu si anu sigi kan min, ado n bara ban anu sigi-bole rabɛnna nyɔ anu yoge ti ko ma anu na kan min iko a dabirɛ. Kebi anu nara nyamanɛ kɛ rɔ, karagbɛlɛnu bi anu kɛlɛla kɔnɔ wo ti ma tun. N bara lanyiri kiri ko n si ale Dawuda latanka a yogenu masibɛ ma ka kegeyɛnu di a ma.

Ɛsira 4:20

Tonyɛ le, mansa-makawanɛ donu bi nyɔ nun. Sɛnbɛ ye anu na Yufereti bɛ tele-yigi damasi kun na nun. Anu taranta duti makelela nyɔ-mɔgɛnu bolo.

Yaburi 18:1

Mari di n ye kosɛbɛ! N kumafunfannɛ le ale la.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:7

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 71:21

I si n tɔgɛ makofu ka tenbi a fɔlɔtɛ la. I si a ma, n ni taran n fanbolo tun.

Yaburi 75:7

Alla nyɛrɛ le kiti-tɛgɛlɛ la. A si yoe di donu ma ka donu yiliki.

Luka 1:52

Alla ara mansa-sɛnbɛmɛnu nayigi ka bɔ anuna sigi tinɛnu tɔ. Minnu famayiginɛ, a ya wonu nayɛlɛ.

1 Samuwɛli 18:14

A ya kɛlɛ min bɛɛsi kɛ, a ya nɔ-ko sɔrɔn bawo Mari ye a fɛ.

1 Samuwɛli 18:28

Wo ya a ma, Mansa Sɔli ya a lɔn yati, ko Mari ye Dawuda fɛ, ado a di ala dunmusi ye.

1 Samuwɛli 26:10

N bara n keli Mari la, n lanɛ a la ko ale Mari nyɛrɛ-nyɛrɛ le ye Mansa Sɔli kɛ fagala. A siyi si ban, ni wo ma, a si to kɛlɛ rɔ.