1 Ko-Kɔrɔta-Karan 17:1 - ALLALA KUMƐ

¹ Lunyɛ do, Mansa Dawuda siginɛ ala bon-kurɛ la, a ya a fɔ Nɛbi Netan ye ko, “Nde siginɛ bon-hakikɛ la min nadannɛ kɔlɔma-kinyanɛ la kɔnɔ Marita tɔn-kenkirɛ siginɛ fani-bɔn le la.”

1 Ko-Kɔrɔta-Karan 17:1 Iomraidhean Croise

2 Samuwɛli 12:1

Mari ya Nɛbi Netan sɔ Mansa Dawuda wara. Nɛbi ke nyɔ, a ya tili tɛgɛ mansɛ ye ko, “Kei fila le taranta so kelen tɔ, fen bi doi bolo, fen sa doi wo bolo.

2 Samuwɛli 12:25

wo le ya a ma, a ya Nɛbi Netan lata dan wo tɔgɔ sa tinɛ ko a ni wo kele Mari Diyana-Mɔgɛ.

2 Samuwɛli 6:17

Anu ya tɔn-kenkirɛ wo ladon ka a sigi a sigi-tinɛ rɔ fani-bɔn wo la, Mansa Dawuda ya min nadan kenkirɛ wo ye. A ya saraka-mintantɛ anubɛ yisi-kima-sarakɛnu bɔ Mari ye.

1 Mansɛnu 1:23

Mɔgɔ-banu ya a fɔ mansɛ ye ko, “Nɛbi Netan ara na.” Netan donta anu kuma ka a madu mansɛ kɔrɔ ka a kɔndɔn.

1 Mansɛnu 1:44

A ya Saraka-Masɔla Sedoki lata a fɛ anubɛ Nɛbi Netan anubɛ Yɛhoyadala den Bɛnaya. A ya a makandannɛnu fanan nata. Anu ya Silamɛni sigi i fala sofɛlɛ la.

1 Mansɛnu 1:8

Minnu ma sɔn bilala Adonaya fɛ, wo le, Saraka-Masɔla Sedoki wo, Yɛhoyadala den Bɛnaya wo, Nɛbi Netan wo, Simayi wo, Riya wo, anubɛ Mansa Dawuda makandannɛnu.

1 Mansɛnu 8:17

Ale Mansa Silamɛni ya a fɔ tun ko, “Isirɛlata Mari Alla Bato-Bɔn sɔ-sɔgɛ ye n fa Dawuda la nun

1 Ko-Kɔrɔta-Karan 14:1

Mansa Hairam min siginɛ Taya soe burɔ, wo ya kilayɛnu nata ala bon-sumalɛ donu anubɛ bon-tuwalɛ donu ma Mansa Dawuda dɛnbɛ tinɛ alako wonu ni ta mansɛla bɔn sɔ. Wonu tamatoe, anu tara anuta nyamanita-kɔlɔma-nyima-wɛ donu na anu bolo.

1 Ko-Kɔrɔta-Karan 15:1

Mansa Dawuda ya ata luyi datɛgɛ a nyɛrɛ ye Yerusalɛm soe burɔ. Wo kɔma, a ya kan tinɛ do rabɛn Allata tɔn-kenkirɛ ye ka fani-bɔn sɔ a ye.

1 Ko-Kɔrɔta-Karan 16:1

Mansa Dawuda ya fani-bɔn min sɔ tɔn-kenkirɛ wola ko la, anu tara kenkirɛ wo sigi bɔn wo la. Anu ban wo la, anu ya saraka-mintantɛ anubɛ yisi-kima-sarakɛnu bɔ Alla ye.

1 Ko-Kɔrɔta-Karan 17:2

Netan ya a fɔ a ye ko, “Ni ko-wo-ko ma-sɔgɛ ye i la, wo ma bawo Alla ye i fɛ.”

1 Ko-Kɔrɔta-Karan 17:5

Kebi n bɔra nta mɔgɛnu na Iyipiti tumɛ min, ha ka a sigi kaka la, ha bi, bato-bɔn ma sɔ wɛ nde ye n si sigi kan min. Nde duruta sigila fani-bɔn le la ka to yilan-yilanna Isirɛla mɔgɛnu fɛ.

1 Ko-Kɔrɔta-Karan 22:6

Mansa Dawuda ya ala den Silamɛni kele alako a ni Isirɛlata Mari Alla Bato-Bɔn sɔ-koe fɔ a ye.

1 Ko-Kɔrɔta-Karan 22:7

Silamɛni nanɛ, a fa ya a fɔ a ye ko, “Nna den, a sɔgɛ ye n na nun ka nta Mari Alla gbiliya ka ata Bato-Bɔn sɔ.

1 Ko-Kɔrɔta-Karan 28:2

Mansa Dawuda ya a lakɔɛnma ka a fɔ anu ye ko, “Nna nyamanita-mɔgɛnu, wo ni wo tole masɔ n na. A sɔgɛ ye n na nun, n ni bɔn sɔ Marita tɔn-kenkirɛla ko la. Wo si ma mata Mari Alla mayigi tinɛ la. N bara fen-siyaman nadɛn nun bɔn wo sɔ-koe rɔ.

1 Ko-Kɔrɔta-Karan 29:29

Ka a bi Mansa Dawudala wulɛ ma ha ka a sigi ala ban la, koe min bɛɛsi mara a wara-koe rɔ, nɛbi mɔgɔ sawa, wo le ya wo sɛbɛ, Nɛbi Samuwɛli wo, Nɛbi Netan wo, anubɛ Nɛbi Kadi, kɔni.

2 Ko-Kɔrɔta-Karan 1:4

(Kɔnɔ tɔn-kenkirɛ nyɛrɛ ye Yerusalɛm soe le burɔ. Mansa Dawuda nara tɔn-kenkirɛ la tumɛ min ka bɔ Kiriyati Yirɔm soe burɔ, a ya fani-bɔn do ladan ala ko la nyɔ rɔ.)

Yaburi 132:5

fɔ a wa bɔn sɔ ile Mari ye, ile Yakobata Alla-makawanɛ si i mayigi kan min.

Bɔ-Koe-Iyipiti 26:1

Anu bi kura-hakikɛ min kelela linɛn, wo ni wo ma nta Fani-Bɔn la. Wo si kurɛ wo walan tan bi ka anu ma nta Fani-Bon-miran do la. Mɔgɛ minnu kusan boloma-wɔlɛ kɛla, wonu ni melikala muninyɛ sɔgɔ kura-walan tan wo kelen-kelennamɛ ma yesekari subolo sawɛ kɛnu na, yesekara-yalafinyɛ wo, a bilolamɛ wo, anubɛ yesekara-wulan.

Yɛrɛmaya 22:15

Mari ko ale mansɛ miri ko sida-fɛrɛn-siyamɛ si a ma mansa-tɔgɔlamɛ la ka tenbi a fa la. A fa ye mansayɛ la tumɛ min, dɔn-fan le dɔrɔn ya wo wasa. Mari ko wo ya ko-telennɛ anubɛ ko-nyimɛ le ma a siyi-tele-bɛɛ kɔrɔ. Woletɔ koe bɛɛ tara a kilɛ fɛ a bolo.

Daniyɛli 4:4

“Nde, Nɛbukanasa siginɛ nna bɔn la tumɛ min, n bi n nyɛrɛ ladiyala nna mansayɛ rɔ.

Hegayi 1:4

“Nta mɔgɛnu, nfen ya a to, wo siginɛ bon-hakikɛnu na kɔnɔ nde, Marita Bota-Bɔn wo ye wuyala?

Hegayi 1:9

Wo yili-madiyanɛ ko wo si dɔn-fen-siyaman tɛgɛ kɔnɔ wo wa a tɛgɛ tumɛ min, a ma kolo. Wo wa na a la soe, a si ma iko fɔnyɔ wa sigi fen kɔrɔ. Nfen ya a to, n ya wo ma? Min ya a to, n ya wo ma kamasɔrɔn nta Bato-Bɔn wuyanɛ. Kɔnɔ wota bɔnnu, wo ye wonu nadanna a kin na wo nyɛrɛ ye.

Kɛwɔlɛnu 7:46

Mansa Dawuda wo ya hɛrɛ sɔrɔn Alla bolo. A ya Alla manyinika ni a si bɔn sɔ a benba Yakobata Alla ye