1 Ko-Kɔrɔta-Karan 16:3 - ALLALA KUMƐ

³ A ya dɔn-fan tala Isirɛla mɔgɛ bɛɛsi la. A ya biredi-lɔngbɔn kelen-kelen anubɛ sogo-mintannɛ anubɛ nɔnbɔ-gbɔ-gbalanɛ donu di anu kelen-kelennamɛ-bɛɛ ma, kei wo, musu wo.

1 Ko-Kɔrɔta-Karan 16:3 Iomraidhean Croise

1 Mansɛnu 3:15

Nba, Mansa Silamɛni kundenta. A ya a fɔ ko, “Yaga, n bi kiyo le la nun!” A tara Yerusalɛm ka a sɔ tɔn-kenkirɛ yarɔ Marila tɔnnu bi min tɔ. A ya saraka-mintantɛnu bɔ Mari ye anubɛ yisi-kima-sarakɛnu. A ya ladiyɛ ladan ka ata mɔgɔ-banu kele ladiyɛ wo rɔ.

1 Ko-Kɔrɔta-Karan 16:2

Mansɛ ban saraka-bɔɛ wo la, a duwara mɔgɛnu ye Mari tɔgɔ rɔ.

1 Ko-Kɔrɔta-Karan 16:4

Lifayi bɔnsɔn-mɔgɛnu ba wuli Isirɛlata Mari Alla batola, Mansa Dawuda ya a bole sɔ wo donu na ko anu ni sɔ mɔgɛnu yarɔ. Wonu si sigi sa ka Alla tanto tɔn-kenkirɛ yarɔ.

2 Ko-Kɔrɔta-Karan 30:24

Mansa Hɛsakaya ya tura waga kelen (1,000) anubɛ saga waga wɔrɔnfila (7,000) labɔ ala nyamanita-mɔgɛnu ye. Ala mɔgɔ-banu ya tura waga kelen (1,000) anubɛ saga waga tan (10,000) sa mansatɛ wo kuma. Saraka-masɔla-wa-siyaman ya anu nyɛrɛ sɛninya iko tɔn ya a fɔ nya min.

Nihɛmaya 8:10

Bɛɛ ni ta a wara ka fen dɔn. Ni minta dɔn-fan anubɛ minni-fan ma a bɔ a bolo, wo ni wonu kele. Tele-sɛnimɛ le kɛ la wota Mari Alla bolo bi. Funun-tele ma bi la. Mari ye sewɛ min dila wo ma, wo si a ma, wo ni to fanka rɔ.”

Keninteya-Siginu 2:5

I ni n tagbɛlɛya kɔn-gbɔɛ anubɛ kɔn-gbɔ-gbalanɛnu na bawo ila diyanayɛ ara n fɛrɛ rafaga n ma kuluba!

Aiseya 16:7

Mohabu kɛnu si di ka a tɛgɛ anuna tɔrɔyɛ ma. Anu ba anu miri dɔn-fen-diyamɛnu bara-koe ma anu duruta min dɔnna Kiri-Harɛsɛti soe burɔ, wo si a ma, anu yisi ma ni gboya dɔgɔma-ma-de!

Isikiyɛli 45:17

A saraka-mintanta wo, a fui-fen-saraka wo, a minni-saraka wo, mansɛ wo le ye sarakɛ wonu bɔla Isirɛla mumɛ bɛɛ ye. Anu ba anu kundɛn Karɛ-Tele-Fɔlɛ-ladiyɛ rɔ anubɛ Sulen-Tele ma anubɛ ladiyɛ toenu ma, mansɛ wo ye tola sarakɛ wonu bɔla. Wo bɛɛ si ma Isirɛla hakɛ-yamatogon-fan la.

Hoseya 3:1

Mari ya a fɔ nde, Nɛbi Hoseya ye ko, “Ta ila keninteyɛ yira ila musi la tun hali a keninɛ kemini-gbɛrɛkɛnu bolo. I ni a keni iko Isirɛla mɔgɛnu keninɛ nde bolo nya min hali anu bi tala bɛsɛnu kɔla dɛgɛ-lamondonɛnu tɔ.”

1 Pita 4:9

Wo ni wo nyɔgɔn yiya, ado yisi-magboyɛ kana taran a rɔ.