1 Ko-Kɔrɔta-Karan 13:7 - ALLALA KUMƐ

⁷ Anu ya tɔn-kenkirɛ labɔ Abinadabula bɔn la ka a sigi kirindi-kurɛ rɔ. Yusa anubɛ Ahiyo tara kirindi wo la.

1 Ko-Kɔrɔta-Karan 13:7 Iomraidhean Croise

2 Samuwɛli 6:3

Anu ya tɔn-kenkirɛ labɔ Abinadabula bɔn la kɔnkɛ kuma ka a sigi kirindi kurɛ rɔ. Abinadabula den filɛ, wonu denu tara kirindi wo la. Wonu tɔgɛ le Yusa anubɛ Ahiyo.

2 Samuwɛli 6:4

Ahiyo wo sɔra kirindi wo yarɔ.

1 Ko-Kɔrɔta-Karan 15:13

Ni i ya a yen, mata Mari Alla diminyara ma ma a fɔlɔtɛ kɛ nun bawo ma ma a bato a kilɛ fɛ, ado wole ma tɔn-kenkirɛ duni.”

1 Ko-Kɔrɔta-Karan 15:2

Mansɛ ko, “Fɔ Lifayi bɔnsɔn-mɔgɛnu, wonu denu dɔrɔn si tɔn-kenkirɛ kɛ dunu bawo kebi fɔlɔfɔlɔ Mari le ya anu yabɔ wɔlɛ kɛla ko la, ado anu si to wo kun na habadan!”

Yilan-Yilan Koe 4:15

Aruna anubɛ ala dannu ba ban miran kɛ bɛɛ yamatogonna tumɛ min, Kohati kebilɛ ni na ka Kan-Tina-Sɛnimɛ miran kɛnu bi. Kohati kebilɛ min bi miran kɛnu bila, anu fenfen kana tugu miran-dantɛgɛnɛ kɛnu na, fɔ a bi-kɔlɔma filɛnu. Ni anu tugura wo fenfen na, anu si faga. “Wo wa ta kan-bo-kan, Kohati kebilɛta wɔlɛ le kɛ la.

1 Samuwɛli 6:7

“Wo ni kirindi-kurɛ ladan ka kirindi wo kiri sara-ninki-yuwan fila ma minnu na ma wɔli wɛ. Wo ni anuna dannu gben anu fɛ ka anu nadon kan-tina-gbɛrɛ.