1 Ko-Kɔrɔta-Karan 13:6 - ALLALA KUMƐ

⁶ Mansa Dawuda tara wonu na tɔn-kenkirɛ bi tinɛ Yirɔm soe burɔ Yuda nyamanɛ rɔ. (Soe wo tɔgɛ le fanan Beyala.) Mari Alla mayigi tinɛ le melikala muninya filɛ wonu tɛmɛ la minnu bi tɔn-kenkirɛ wo kuma. Mari tɔgɛ le sanɛ kenkirɛ wo kuma.

1 Ko-Kɔrɔta-Karan 13:6 Iomraidhean Croise

1 Mansɛnu 8:16

kebi a nara ata mɔgɛnu na ka bɔ Iyipiti, a ma so-wo-so yabɔ Isirɛla nyamanɛ rɔ, ata Bato-Bɔn si sɔ kan min. Kɔnɔ a ya n fa Dawuda yabɔ ka a sigi mansayɛ la ata mɔgɛnu kuma.”

2 Mansɛnu 19:15

A donta matarali-kɛ rɔ, a ko, “E, Isirɛlata Mari Alla, ile min mayiginɛ melika filɛ muninyɛ tɛma tɔn-kenkirɛ kuma. Alla, ile le kelen pe le duninya rɔ. Ile le ya san-kole anubɛ dugu-kole dan.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Bɔ-Koe-Iyipiti 20:24

“Ni anu bi saraka-mintan-tinɛ sɔla n ye, anu ni a sɔ bɔnkɛ la. Anu ni anuna sagɛnu anubɛ anuna baanu anubɛ anuna ninkinu ma sarakɛnu na saraka-mintan-tinɛ wo kuma ka saraka-mintantɛnu bɔ nyɔ anubɛ yisi-kima-sarakɛnu. N ba n bato tinɛ yira anu na kan-bo-kan, n si anu taran nyɔ ka duwa anu ye.

Bɔ-Koe-Iyipiti 23:21

Wo ni wo tolo masɔ melika wo la ka a kuman-kan bira. Wo kana murutiya a ma. Ni wo ya wo ma, a ti wo makoto muk, bawo a ye tala nde le gbɛ rɔ.

Bɔ-Koe-Iyipiti 25:22

Alla ya a fɔ Musa ye tun ko, “Malebɛ ile si ma nyɔgɔn bɛn nyɔ. N bi kumɛ min fɔla i ye ka a latenbi Isirɛla mɔgɛnu ma, n si wo fɔ i ye tɔn-kenkirɛ wo kuma melikala muninyɛ wonu tɛma.”

Aiseya 37:16

“E, Isirɛlata Mari Alla, ile min mayiginɛ melika filɛ muninyɛ tɛma tɔn-kenkirɛ kuma. Alla, ile le kelen pe le duninya rɔ. Ile le ya san-kole anubɛ dugu-kole dan.

Yilan-Yilan Koe 6:27

Mari ya a fɔ tun ko, “Wo wa duwa Isirɛla mɔgɛnu ye wati min, ni wo ya nde, Mari tɔgɛ ratɛgɛ, n si duwɛ layigi wole Isirɛla mɔgɛ bɛɛ kuma.”

Yilan-Yilan Koe 7:89

Musa tara Marita Fani-Bɔn la tumɛ min ka kuma Mari ye, a ya Mari kuman-kan lamɔɛn bɔla tɔn-kenkirɛ kuma melikanuna muninya filɛ tɛma.

Yasowa 15:60

Kiriyati-Beyali (Kiriyati-Yirɔm) anubɛ Raba fanan dira Yuda bɔnsɔn-mɔgɛnu ma. So fila le wo la, anu dafɛ-so-nɛnu bɔnɛ a la.

Yasowa 15:9

Ka bɔ nyɔ a tara Nɛfatowa tenke wara la ha ka ke soe donu ma minnu bi Ɛfirɔn kɔnkɛ da kɔrɔ. Ka bɔ nyɔ a tara Kiriyati-Yirɔm min tɔgɛ nun Beyala.

Yasowa 9:17

anu wulita tele wo rɔ ka ta mɔgɛ wonuna soenu tɔ. Soe wonu tɔgɛ le kɛnu na, Kibiyon, Kɛfira, Birɔti, anubɛ Kiriyati-Yirɔm.

1 Samuwɛli 4:4

Woletɔ anu ya mɔgɛnu nata Mari Sɛnbɛ-Bɛɛ-Tigita tɔn-kenkirɛ wo bi-tinɛ Sailo soe bawo Mari mayiginɛ melika-muninya filɛ wonu tɛma tɔn-kenkirɛ wo kuma. Ilayila den-kemini filɛ, Hɔfini anubɛ Finihasi bilara tɔn-kenkirɛ wo fɛ.

1 Samuwɛli 6:21

Anu ya kilayɛnu nata Kiriyati-Yirɔm so-burɔ-mɔgɛnu ma ka a fɔ anu ye ko, “Filisitinu bara Marita tɔn-kenkirɛ lasɛgi ma ma. Wo na, a bi.”