1 Ko-Kɔrɔta-Karan 13:2 - ALLALA KUMƐ

² Wo kɔma, Mansa Dawuda ya a fɔ Isirɛla mɔgɛnu ye ko, “Ni wole sɔnta, ado ni mata Mari Alla sɔnta, ma ni kilayɛnu nata ma na-kelen-nyɔgɛnu ma Isirɛla nyamanɛ kɛ rɔ. Ma si kilayɛnu nata saraka-masɔlɛnu anubɛ Lifayi bɔnsɔn-mɔgɛnu ma anuna soenu tɔ alako anu damasi ni na kofu ma ma yan tɔ.

1 Ko-Kɔrɔta-Karan 13:2 Iomraidhean Croise

1 Mansɛnu 12:7

Mɔgɔ-ba wonu ya a fɔ Mansa Rihobowami ye ko, “Ni a sɔgɛ ye i la, wobɛ mɔgɛ kɛnu ni wɔli wo nyɔgɔn fɛ, fɔ i wa anu sako kɛ. Ni i ya wo ma, anu si ma ila wɔli-kɛlɛnu na fasai!”

1 Ko-Kɔrɔta-Karan 10:7

Isirɛla mɔgɛ minnu siginɛ Yɛsɛreli lɛɛ rɔ, wonu ya a lamɔɛn tumɛ min ko Sɔli anubɛ ala dannu bara faga, ado anu ya a lamɔɛn fanan ko Sɔlila kɛlɛ-dannu bara anu buri, anu denu fanan ya anu buri ka anuna soenu boloka. Wo kɔma, Filisitinu nara sigi anuna soe wonu tɔ.

1 Ko-Kɔrɔta-Karan 13:1

Kɛlɛ-den-kunyɛ minnu bi mɔgɔ kɛmɛ-kɛmɛnu kun na anubɛ minnu fanan bi mɔgɔ waga-waganu kun na, Mansa Dawuda anubɛ kun-tigi wonu ya anu kun nayigi kan-tina-kelen.

1 Ko-Kɔrɔta-Karan 13:3

Anu ba ke yan tumɛ min, ma damasi si wuli ka ta Allata tɔn-kenkirɛ bi. Mansa Sɔli ye a kɛndɛ la wati min, mala ko sa kenkirɛ wo wara-ko rɔ nun.”

Hɛnkilimaya-Kumɛnu 15:22

Ni mɔgɛ min ma a kawandililɛ sɔrɔn, wo ti ta yarɔ. Ni min ya a kawandililɛ sɔrɔn, wo wara-koe si ta yarɔ.

Aiseya 37:4

Asiriya mansɛ ara ala kandɛ lana Alla-nimɛ masɔrɔn tinɛ. Alamɛ ita Mari Alla ya a masɔrɔn-kan wo lamɔɛn ka a masɔrɔnnɛ wo tɔrɔ. Woletɔ male Yakoba kegeya-toe minnu tonɛ, i ni Alla madiya ma ye.”

1 Samuwɛli 31:1

Filisitinu anubɛ Isirɛla mɔgɛnu ya kɛlɛ dabira Kilabowa kɔnkɛ kuma. Isirɛla mɔgɔ-siyaman fagara nyɔ rɔ. A toenu ya anu buri. Mansa Sɔli anubɛ ala dannu fanan ya anu buri.