1 Ko-Kɔrɔta-Karan 11:6 - ALLALA KUMƐ

⁶ Dawuda ya a fɔ ala kɛlɛ-dannu ye ko, “Ni min fɔlɔn ya Yɛbusi mɔgɛ do faga, n si wo ma nna kɛlɛ-den-kunyɛ la.” Sɛruya Yohabu fɔlɔn donta Yɛbusi soe wo burɔ ka nyɔ-mɔgɛnu kɛlɛ. Woletɔ ale mara Dawudata kɛlɛ-den-kunyɛ la.

1 Ko-Kɔrɔta-Karan 11:6 Iomraidhean Croise

2 Samuwɛli 2:13

Yohabu na tɔgɛ le Sɛruwa. Ale Yohabu anubɛ Dawudata keminɛ donu tara dala-kundi do dafɛ. Yohabunu sigira a tɔnkɔn doi rɔ, Abinanu sigira a tɔnkɔn doi fanan tɔ.

2 Samuwɛli 2:18

Sɛruwala den mɔgɔ sawɛ ye nyɔ nun. Wonu tɔgɛ le Yohabu anubɛ Abisayi anubɛ Asahɛli, ado Asahɛli wo ye a burila iko woyan.

2 Samuwɛli 20:23

Yohabu le ye Isirɛla kɛlɛ-dannu kun na. Yɛhoyadala den Bɛnaya, wo le Mansa Dawuda makandannɛnu kun na.

2 Samuwɛli 3:27

Abina ke soe tarɛ dɛ ma, Yohabu ya a bi. Anu ya anu mata doni. Yohabu ya a nyɛrɛ ma iko a ye gbundu-kumɛ do le fɔla a ye. A ya Abina buyi punsɔgɔ. A ya Abina faga bawo wo le fɔlɔn ya ale dɔgɛ Asahɛli faga.

2 Samuwɛli 8:16

Yohabu min bi kɛlɛ-den-kun-tigiyɛ la Mansa Dawuda kɔrɔ, wo na tɔgɛ le Sɛruwa. Isirɛla mɔgɛnuna kuma-kɔrɔ-sɛbɛnɛ-lamaralɛ le Ahiludila den Yɛhosafati la.

1 Mansɛnu 1:7

A ya Sɛruya-Yohabu anubɛ Saraka-Masɔla Abiyatari kele alako wonu ni bila a fɛ ka a dɛnbɛ ala mansaya-koe rɔ.

1 Ko-Kɔrɔta-Karan 11:5

Yɛbusi wonu ya a fɔ Dawuda ye ko a ti a kunyɛ ladon anuna soe wo burɔ kɔnɔ Dawuda ya soe wo bi anu bolo, hali anuna kan-tina-latankanɛ min tɔgɛ Sayɔn. Anu ya soe wo kele ko Dawudata luyi.

1 Ko-Kɔrɔta-Karan 11:7

Dawuda nara sigi nyɔ min kɛ, anu ya nyɔ kele ko Dawuda halala-luyi.

1 Ko-Kɔrɔta-Karan 18:15

Abisayi kɔrɔ Yohabu, wo le kɛlɛ-den-kunyɛ la Mansa Dawuda kɔrɔ. Mansɛla kuma-kɔrɔ-sɛbɛnɛ-lamaralɛ le Ahiludila den Yɛhosafati la.

1 Ko-Kɔrɔta-Karan 27:34

Ahitafɛli fagɛ, Abiyatari anubɛ Bɛnayala den Yɛhoyada mara mansɛ makawandilɛnu na. Mansɛta kɛlɛ-den-kun-wɛ le Yohabu la.

Yaburi 60:9

E, Alla, yon si a ma, n ni don Idɔm nyamanita so-karantan rɔ? Yon si a ma, n ni Idɔm mɔgɛnu nɔ?

1 Samuwɛli 17:25

Anu bi a fɔla anu nyɔgɔn ye nun ko, “Wo ni wo tole masɔ. A ye a kɔgɔ rakala male Isirɛla mɔgɛnu telen tɔ. Mansa Sɔli ara lanyiri kiri ko, ni mɔgɔ-wo-mɔgɔ ya kei kɛ faga, a si wo ma nɔnfulu-tigi la. A ko, min sanɛ wo kuma, a si ala dunmusi di wo tigi ma. A si a ma fanan, wo fala denbayɛ ti duti sara.”