1 Ko-Kɔrɔta-Karan 11:5 - ALLALA KUMƐ

⁵ Yɛbusi wonu ya a fɔ Dawuda ye ko a ti a kunyɛ ladon anuna soe wo burɔ kɔnɔ Dawuda ya soe wo bi anu bolo, hali anuna kan-tina-latankanɛ min tɔgɛ Sayɔn. Anu ya soe wo kele ko Dawudata luyi.

1 Ko-Kɔrɔta-Karan 11:5 Iomraidhean Croise

2 Samuwɛli 6:10

A ma ta a la Yerusalɛm tun. Anu ya Yerusalɛm kilɛ boloka ka ta a ladon Obɛdi-Idɔmla bɔn la. Kati kɛ le wo la.

2 Samuwɛli 6:12

Mansa Dawuda ya a lamɔɛn tumɛ min ko Obɛdi-Idɔm anubɛ ala denbayɛ anubɛ a bolo-fan bɛɛ ara Marita duwɛ sɔrɔn ka a tɛgɛ tɔn-kenkirɛ wola sigi ma nyɔ, a tara kenkirɛ wo bi-tinɛ alako anu ni ta a la Yerusalɛm. Anu ya tolon-belebele kɛ a rɔ.

1 Mansɛnu 8:1

Wo kɔma, Mansa Silamɛni ya Isirɛla mɔgɛnuna kun-tigi damasi kele kan-tina-kelen. A bɔnsɔn-kun-tigi wo, a kebila-kun-tigi wo, a ya wo bɛɛsi kele Yerusalɛm soe burɔ. Mansa Silamɛni ya anu kele alako anu ni ta tɔn-kenkirɛ bi a fa Dawuda halala-soe burɔ min tɔgɛ Sayɔn ka ta a to Mari Bato-Bɔn la.

1 Ko-Kɔrɔta-Karan 11:4

Mansa Dawuda anubɛ ala kɛlɛ-dannu tara bui Yerusalɛm soe ma. Soe wo tɔgɛ le nun Yɛbusi. Kɔnɔ Yɛbusi mɔgɛ minnu bi nyɔ nun, wonu ma bɔ nyɔ.

1 Ko-Kɔrɔta-Karan 11:6

Dawuda ya a fɔ ala kɛlɛ-dannu ye ko, “Ni min fɔlɔn ya Yɛbusi mɔgɛ do faga, n si wo ma nna kɛlɛ-den-kunyɛ la.” Sɛruya Yohabu fɔlɔn donta Yɛbusi soe wo burɔ ka nyɔ-mɔgɛnu kɛlɛ. Woletɔ ale mara Dawudata kɛlɛ-den-kunyɛ la.

1 Ko-Kɔrɔta-Karan 11:7

Dawuda nara sigi nyɔ min kɛ, anu ya nyɔ kele ko Dawuda halala-luyi.

2 Ko-Kɔrɔta-Karan 5:2

Wo kɔma, Mansa Silamɛni ya Isirɛla mɔgɛnuna kun-tigi damasi kundɛn kan-tina kelen Yerusalɛm soe burɔ. A bɔnsɔn-kun-tigi wo, a kebila-kun-tigi wo, a ya wo bɛɛsi kele. Mansɛ ya anu kele alako anu ni ta tɔn-kenkirɛ bi Mansa Dawudala luyi ma Yerusalɛm soe burɔ ka ta a to Mari Bato-Bɔn la.

Yaburi 122:5

Isirɛla mɔgɛnuna mansɛnuna kiti sa tinɛ le kɛ la, Mansa Dawuda kegeyɛ, kɔni.

Yaburi 132:13

Mari ara Yerusalɛm soe yabɔ ko nyɔ ni ma a halalɛ la.

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 48:2

Allata kɔnkɛ kin, ado a layan. Mansa-makawanɛta soe ye sewɛ lanala duninya bɛɛ ma.

Yaburi 78:68

A ya Yuda bɔnsɔn yabɔ, a diyana-so Yerusalɛm ye kan min, kɔni.

Yaburi 87:2

Yerusalɛm di a ye ka tenbi kan tinɛ bɛɛ la Isirɛla nyamanɛ rɔ.

Yaburi 87:5

Mɔgɛnu si to a fɔla Yerusalɛm ma ko, “Sibole bɛɛ ara ma Yerusalɛm kɛ la, ado Mari Sɛnbɛ-Bɛɛ-Tigi si nyɔ-wara-koe lasabati.”

Yaburi 9:11

Mata Mari min bi mansayɛ kɛla Yerusalɛm ata kɔnkɔ-sɛnimɛ kuma, ma ni a tanto-bɛtinu bɔ. A ara koe minnu ma, ma ni wo fɔ sibole bɛɛ ye duninya rɔ.

Romu 9:33

Iko a sɛbɛnɛ Allala kitabu rɔ nya min, a ko, “Wo ni wo yɛ lana. N bara kuri sa Yerusalɛm soe burɔ. Mɔgɛnu si anu kian latugu kuri wo la min si anu nabui fugbu! Kɔnɔ min bɛɛ lanɛ kuri kɛ la, wonu yigi ti tɛgɛ muk!”

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.

Lankɛnimayɛ 14:1

Wo kɔma, n ya n yɛ lata tun. N ya saga-dan wo sɔnɛ yen Yerusalɛm kɔnkɛ kuma. N ya mɔgɔ waga kɛmɛ, waga bi-nani, ani waga nani (144,000) yen sɔni a fɛ. Saga-dan wo tɔgɛ anubɛ a Fa tɔgɛ sɛbɛnɛ wonu telɛ ma.

Kɛlɛ-Kurugbɛnu 19:10

Kɔnɔ sundan wo ma sɔn ki-koe ma nyɔ tun. Wo ya a fɛ-sigi-musi bi anubɛ ala wɔli-kɛlɛ anubɛ ala sofɛlɛ filɛ, kirikɛ ye anu kɔ tɛma. Anu tara. Anu tara furr! Anu bi kela Yɛbusinuna soe ma Yerusalɛm tumɛ min, suyi ara gbɛrɛn. Ala wɔli-kɛlɛ wo ko, “Ma ti ki Yɛbusinuna soe kɛ burɔ yan bi?”

1 Samuwɛli 17:26

Kɛlɛ-dan minnu sɔnɛ Dawuda dafɛ, Dawuda ya wonu manyinika ko, “Mɔgɛ min bi Filisiti keinɛ kɛ fagala ka Isirɛla mɔgɛnu bɔ miliya-su kɛ rɔ, wo tigi si nfen sɔrɔn? Nfen bi Filisiti keini-kemininyabɛlɛ kɛ la? Ale ma a lɔn, ba ko a ye a kɔgɔ raka Alla-nimɛta kɛlɛ-dannu denu na kɛ la?”

1 Samuwɛli 17:36

N bara yarɛ faga. N bara sogo-feremɛ fanan faga, ado kemininyabɛlɛ kɛ min bara a kɔgɔ raka Alla-nimɛta kɛlɛ-dannu na, n si ke le kɛ fanan fagala.