1 Ko-Kɔrɔta-Karan 11:4 - ALLALA KUMƐ

⁴ Mansa Dawuda anubɛ ala kɛlɛ-dannu tara bui Yerusalɛm soe ma. Soe wo tɔgɛ le nun Yɛbusi. Kɔnɔ Yɛbusi mɔgɛ minnu bi nyɔ nun, wonu ma bɔ nyɔ.

1 Ko-Kɔrɔta-Karan 11:4 Iomraidhean Croise

Ko-Dabirɛnu 10:16

Kenanla den filɛ Sadon anubɛ Hɛti, wonu kegeyɛ le Yebusinu wo, Amoranu wo, Kagasanu wo,

1 Ko-Kɔrɔta-Karan 11:5

Yɛbusi wonu ya a fɔ Dawuda ye ko a ti a kunyɛ ladon anuna soe wo burɔ kɔnɔ Dawuda ya soe wo bi anu bolo, hali anuna kan-tina-latankanɛ min tɔgɛ Sayɔn. Anu ya soe wo kele ko Dawudata luyi.

Bɔ-Koe-Iyipiti 3:17

N si anu nabɔ Iyipiti tɔrɔyɛ rɔ ka ta anu na Kenan nyamanɛ wo le tɔ, bɔnsɔn kɛnu siginɛ kan min, Kenannu wo, Hɛtinu wo, Amoranu wo, Pɛrasanu wo, Hɛfanu wo, anubɛ Yɛbusinu. Wonu bɛɛsi siginɛ Kenan nyamanɛ wo le tɔ. Nyamani-diyamɛ le nyɔ la.”

Yasowa 15:63

Kɔnɔ Yuda bɔnsɔn ma ke Yebusi kɛnu gbenna minnu siginɛ Yerusalɛm soe rɔ. Wonu siginɛ anu tɛma ha bi.

Yasowa 15:8

ha ka tenbi Hinom lɛɛ la min bi kɔnkɛ wo dugu la Yebusi mɔgɛnuna soe Yerusalɛm bi kan min. Dan wo le yɛlɛta kɔnkɛ kuma Hinom lɛɛ tele-yigi wara la min bi Rɛfayim folo-kunyɛ la.

Yasowa 18:28

Sila, Ilɛfi, Yebusi (min tɔgɛ fanan Yerusalɛm), Kibiya, anubɛ Kiriyati-Yirɔm soe wonu fanan dira Bɛnyamɛ bɔnsɔn-mɔgɛnu ma. Wo damasi lakofunɛ so tan-ni-nani, anu dafɛ-so-nɛnu bɔnɛ a la.

Kɛlɛ-Kurugbɛnu 1:21

Kɔnɔ Yebusi minnu siginɛ Yerusalɛm soe burɔ Bɛnyamɛ bɔnsɔnta nyamanɛ rɔ, Bɛnyamɛ bɔnsɔn-mɔgɛnu ma wonu gben nyɔ. Yebusi wonubɛ Bɛnyamɛ bɔnsɔn-mɔgɛnu siginɛ nyɔ ka a bi wo wati ma ha kaka.