1 Ko-Kɔrɔta-Karan 11:10 - ALLALA KUMƐ

¹⁰ Dawudala kɛlɛ-kɛla-nyana le kɛnu na. Wonu denubɛ Isirɛla mɔgɛ toenu kofura ale Dawuda ma ka a ma mansɛ la iko Mari ya a fɔ nya min. Anu ya a ma, ala mansayɛ ya fanka sɔrɔn.

1 Ko-Kɔrɔta-Karan 11:10 Iomraidhean Croise

2 Samuwɛli 3:21

A ya a fɔ a ye tun ko, “N tigi, n bi tala le kɛ la. N ni a ma, Isirɛla mɔgɛ bɛɛsi ni don i wara-koe rɔ ka sɔn ila mansaya-koe ma. Wo kɔma, ile ye nyinina min ma, i si wo sɔrɔn ka Isirɛla nyamanɛ bɛɛ mara.” Dawuda ya ale Abina masara. A tara yisi-kimɛ rɔ.

1 Ko-Kɔrɔta-Karan 11:3

Woletɔ Isirɛla kun-tiginu bara a lakiri gben yisi-kimɛ rɔ ka to kan kelen tɔ. Anu ya dantɛgɛ-tuli kɛ Dawuda kunyɛ rɔ ka a ma anuna mansɛ la Hiburɔn soe burɔ iko Mari ya a fɔ Nɛbi Samuwɛli ye nya min.

1 Ko-Kɔrɔta-Karan 12:21

Dawuda ya anu ma ala kɛlɛ-den-kunyɛnu na bawo anu sɛbɛ donnɛ kɛlɛ ma. Wo kɔma, anu mara kunyɛnu na Isirɛla kɛlɛ-dannu kun na.

1 Ko-Kɔrɔta-Karan 12:23

Dawuda ye Hiburɔn soe burɔ wati min, kɛlɛ-den-kɔrɛ donu nara kofu Dawuda ma nyɔ ka a sigi mansayɛ la Mansa Sɔli gbɛ rɔ iko Mari ya a fɔ nya min.

1 Ko-Kɔrɔta-Karan 12:24

Kɛlɛ-dan minnu bɔra Yuda bɔnsɔn rɔ, wonu yatɛ bɛnta mɔgɔ waga wɔrɔ, ani mɔgɔ kɛmɛ segin (6,800) ma. Nɛgɛ-walan anubɛ tanbɛ le anu dama bolo la.

1 Ko-Kɔrɔta-Karan 12:38

Kɛlɛ-dan kɛ damasi kundɛnta kan-tina-kelen Hiburɔn soe burɔ. Anu damasi sɔndɔmɛ sɔnɛ Dawuda la ka a ma mansɛ la Isirɛla mɔgɛnu kun na. Hali kɛlɛ-den ma minnu na, wonu fanan burɛ ye wo nya na le.

1 Ko-Kɔrɔta-Karan 12:39

Tele sawa, anu bi Dawuda fɛ nyɔ. Anu na-kelen-nyɔgɛnu ya ladiyɛ min nadan anu ye, anu taranta wo fen-dɔn kun na.

1 Ko-Kɔrɔta-Karan 27:1

Isirɛla mɔgɔ-banu anubɛ kebila-kunyɛnu anubɛ bɔnsɔn-kunyɛnu, wonu bi Isirɛla nyamanɛ kumafɛlɛnna. Karɛ-wo-karɛ, kɛlɛ-kurugba-kurɛ si bɔ kɛnu tɔ anubɛ kɛlɛ-den-kura waga mogan-ni-nani (24,000). Anu ya kɛlɛ-kurugba-kurɛ minnu sigi, wonu tɔgɛ le kɛnu na.

1 Ko-Kɔrɔta-Karan 28:1

Mansa Dawuda ya kilayɛ lata Isirɛla mɔgɔ-ba damasi ma ka anu kele Yerusalɛm soe burɔ. A bɔnsɔn-kun-tigi wo, a kebila-kun-tigi wo, a kɛlɛ-den-kun wo, ala fen-makandanna wo, a kurugba wo, mansɛla-fen-namarala wo, anu damasi kundɛnta Yerusalɛm soe burɔ.

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”