1 Ko-Kɔrɔta-Karan 10:7 - ALLALA KUMƐ

⁷ Isirɛla mɔgɛ minnu siginɛ Yɛsɛreli lɛɛ rɔ, wonu ya a lamɔɛn tumɛ min ko Sɔli anubɛ ala dannu bara faga, ado anu ya a lamɔɛn fanan ko Sɔlila kɛlɛ-dannu bara anu buri, anu denu fanan ya anu buri ka anuna soenu boloka. Wo kɔma, Filisitinu nara sigi anuna soe wonu tɔ.

1 Ko-Kɔrɔta-Karan 10:7 Iomraidhean Croise

1 Ko-Kɔrɔta-Karan 10:6

Sɔli anubɛ ala den mɔgɔ sawɛ fagara wo nya na le wulɔn tele kelan. Ala mansaya-bɔn latogonta.

1 Ko-Kɔrɔta-Karan 10:8

Kɛlɛ banta lunyɛ min, wo banda kɛ, Filisitinu tara furi wonuna kɛlɛ-mirannu kankan tinɛ. Anu tara anu nabɔ Mansa Sɔli anubɛ ala den-keinu furi ma Kilabowa kɔnkɛ kuma.

Saraka-Masɔlɛnuta Tɔnnu 26:31

N si wola soenu bira ka anu kasara. N si wola bɛsi-kɔ-tinɛ bɛɛsi tinya fanan. Hali wo ya sarakɛnu bɔ n ye, n ti sɔn anu na. Anu mintan-sumɛ ti diya n ye muk!

Saraka-Masɔlɛnuta Tɔnnu 26:36

“Wo tumɛ wo ye nyɔ rɔ, wo si to yutoyɛ rɔ. Hali fɔnyɔ wa yanba-kunyɛnu namaga, wo si wo buri a kɔrɔ. Wo si to wo burila ka bui kilan bolo. A mani de iko wo yogenu denu bi wo kɔma kilɛ la.

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.

Tɔn-Fɔɛ-Fila-Nyɔgɛ 28:43

“Sundan minnu bi wo tɛma, wonu fanka si koloya wotɛ ko, wole fanka ma si to yigila doni-doni!

Kɛlɛ-Kurugbɛnu 6:2

Midiyan mɔgɛnu tagbɛlɛ Isirɛla mɔgɛnu ko. Woletɔ Isirɛla mɔgɛnu ya anu dogon farannu na kɔnkɔ-woenu tɔ.

1 Samuwɛli 13:6

Anu tara bui Isirɛla mɔgɛnu ma ka a lagbɛlɛya anu kuma ha Isirɛla mɔgɛ donu ya anu dogon farannu na anubɛ farɛnu tɛma anubɛ kɔlon-tagbalanɛnu tɔ.

1 Samuwɛli 31:7

Isirɛla mɔgɛ minnu siginɛ Yorodan bɛ kɔgɔma tele-bɔɛ wara la anubɛ Yɛsɛreli lɛɛ rɔ, wonu ya a lamɔɛn ko Mansa Sɔli anubɛ ala dannu bara faga anubɛ ko Mansa Sɔlila kɛlɛ-dannu bara anu buri, anu denu fanan ya anu buri ka anuna soenu boloka. Wo kɔma, Filisitinu nara sigi anuna soe wonu tɔ.