1 Ko-Kɔrɔta-Karan 10:4 - ALLALA KUMƐ

⁴ A ya a fɔ ala kɛlɛ-miran-madununɛ ye ko, “Ila faan sagan a rɔ. I ni n faga alako Filisiti keminiyabɛlɛ kɛnu kana na n mɔnima-fagɛ-kɛ.” Kɔnɔ keminɛ wo kilanta a faga-ko ma. Ale Sɔli nyɛrɛ-nyɛrɛ ya ala faan bi ka wo sɔ dugi ma. A ya a burun wo sun na.

1 Ko-Kɔrɔta-Karan 10:4 Iomraidhean Croise

2 Samuwɛli 1:20

Ma kana wo fɔ Filisitinu ye minnu siginɛ Kati anubɛ Asikalɔn soenu tɔ. Ma kana sɔn, anuna musinu ni nyagalen. Ma kana sɔn, kemininyabɛlɛ wonuna dunmusinu ni sewa.

2 Samuwɛli 1:6

Ale keminɛ ko, “N bi Kilabowa kɔnkɛ kuma tumɛ min, n ya Mansa Sɔli yen, ala tanbɛ sɔnɛ a kɔrɔ, a lɛngbɛnnɛ a rɔ, ado wo ya a taran fanan, a yoge minnu siginɛ kirindinu tɔ anubɛ a so-laburilɛnu, wonu bara gbɛrɛn a ma.

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

1 Mansɛnu 16:18

Ale Mansa Simiri ya a yen min kɛ ko kɛlɛ-dan wonu bara na bui Tirisa soe ma a siginɛ kan min, a tara kan-tina-latankanɛ do rɔ ala bolɔn burɔ. Mansa Simiri ya tɛ tugun nyɔ la. Tɛ ya nyɔ mintan gburr! Ale tora tɛ rɔ.

1 Ko-Kɔrɔta-Karan 10:3

Kɛlɛ gbɛlɛyara Sɔli kuma. A yogenuna kalabɛn bɛnta a la. A tanban boloko-yogomɛ-kɛra.

1 Ko-Kɔrɔta-Karan 10:5

Ala keminɛ wo ya a yen min kɛ ko Sɔli ara faga, ale fanan ya ala faan sɔ dugi ma ka a burun wo sun na. Ale fanan fagara.

Kɛwɔlɛnu 1:18

Yudasi ya wodi min sɔrɔn ala ko-yogoma-kɛ fɛ, a ya dugi do san wo la. Wo kɔma, a buira nyɔ ka faga. A buyi tiira ha a nugu-yili bɛɛ bɔra.

Kɛwɔlɛnu 16:27

Ale yele-makandannɛ kundenta. A ya dɛnu nakanɛ yen tumɛ min, a ya a lɔn ko yelela-mɔgɛ bɛɛ ara bɔ. Woletɔ a ya ala faan sagan a rɔ alako a ni a nyɛrɛ faga.

Kɛlɛ-Kurugbɛnu 15:18

Ale Samsin kan lagbalata dɔgɔma-ma-de! A ya Mari rakele, a ko, “I wara a ma, n bara mɔgɛ kɛnu nɔ bi. Kɔnɔ n kan la ara gbala nya min kɛ la, Filisiti-kemininyabɛlɛ kɛnu si na n suyi taran kɔrɛ, yɔ!”

Kɛlɛ-Kurugbɛnu 16:21

Filisitinu ya a bira ka a ya-filɛ tii. Anu ya a bi ka ta a la Kesa soe burɔ. Anu ya a kiri yɔlɔkɛ la minnu nadannɛ silɛɛ la. Anu ya ale Samsin ma dɛgɛ-bundennɛ la anu ye yele la.

Kɛlɛ-Kurugbɛnu 9:54

Tiriyante wo rɔ, Abimɛlɛki ya ala keminɛ do kele min bi ala kɛlɛ-mirannu dununa. A ya a fɔ wo ye ko, “Ila faan sagan a lɛɛ rɔ. I ni n faga alako anu kana na a fɔ ko n tɔgɛ tora musi le la.” Keminɛ wo ya ala faan sagan a rɔ ka a laban.

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”

1 Samuwɛli 17:26

Kɛlɛ-dan minnu sɔnɛ Dawuda dafɛ, Dawuda ya wonu manyinika ko, “Mɔgɛ min bi Filisiti keinɛ kɛ fagala ka Isirɛla mɔgɛnu bɔ miliya-su kɛ rɔ, wo tigi si nfen sɔrɔn? Nfen bi Filisiti keini-kemininyabɛlɛ kɛ la? Ale ma a lɔn, ba ko a ye a kɔgɔ raka Alla-nimɛta kɛlɛ-dannu denu na kɛ la?”

1 Samuwɛli 17:36

N bara yarɛ faga. N bara sogo-feremɛ fanan faga, ado kemininyabɛlɛ kɛ min bara a kɔgɔ raka Alla-nimɛta kɛlɛ-dannu na, n si ke le kɛ fanan fagala.

1 Samuwɛli 31:4

A ya a fɔ ala kɛlɛ-miran-madununɛ ye ko, “Ila faan sagan a rɔ. I ni n faga alako Filisiti-kemininyabɛlɛ kɛnu kana na anu diya n faga-koe la ka n mɔnima-fagɛ-kɛ.” Kɔnɔ keminɛ wo kilanta a faga-koe ma. Mansa Sɔli nyɛrɛ-nyɛrɛ ya ala faan bi ka wo sɔ dugi ma. A ya a burun faan wo sun na.