ZEPHANIAH 3:5 - Khumi Common Language Bible

⁵ Na i py Areng ly huni mary theung y awm jo rai. Mymy ly hawi nairachi naini sa iy, hawi y nairachi ly mana khala py so y. Khawn tleirei mymy i khumichi ai paleung phra y naimy, kahawi tara chih nai ne. Na i py hunira i khumi hawi y naichi ly hawi y nairachi sa u jojo. Nichi teng y kangji kangai py by y.

ZEPHANIAH 3:5 Iomraidhean Croise

ATITI AWM ANGCHEI NAI 18:25

Nang ly khumi kahawichi ai khumi hawi y naichi hawi vanrei padei rau ai ny y leang. Huna nai ly avo y leang! Nang ly sa ai ny y. Nang huna nai kamta sa lawh baly khumi kahawichi py, khumi hawi y naichi hawi vanrei pajeng naira avum u ai; huna nai ly avo y leang. Khaileaung pri verei ai tara chih nai keung ly meitang naimy tara chih pi ai teu” napi.

JOBA 34:10

Aw tau cheng nai khumichi awi, kai i thui nai leu tangai u! Ati cheaungkhang sa thai nai Tameuh ly teng y nai so na a?

JOBA 7:18

Nang ly ni ai khawn tleirei khen patawm iy, minit tleirei tajiu pi typ nai ne.

JOBA 8:3

Tameuh ly tara chih naira y mana khala py, jawi tamang hai vai y leang. Mymy ly mana khala py, hawi nairachi so y naimy awm vai y leang.

SAM 145:17

Areng ly mymy i sa nai leaungsai ngiereichi ra y, hawi naira hawi pahen naira py amteng nai ne.

SAM 37:6

Nang i hawi naira ai kanithun kani kangvang kamta, angvang phang hai ai.

SAM 92:15

Hini ly Areng ly lei meitang ne, nanai py, kai ai ama hai nai keung ly hawi angym, nanai py pany hai bo.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 28:19

Nichi ly nangchi ai khawn tleirei, ang tiu taleang ang tiu taleang bi ai. Nangchi ly vum kanithun patang u ai. Tameuh i leu pei nai tleirei y, jei hyn naimy awm u ai.

ISAIA 33:2

Aw Areng, kaichi ai pahen kyh ba. Kaichi ly nang ai kadeaung nai ne. Kani tleirei kaichi ai ama hai iy, patang naira tym nai neng khala atleu kyh ba.

ISAIA 45:21

Jeu ly nangchi i ka-jo ka-thui ai jeung y tym hai u. Tara amteng naichi ly mychi tengtawi, leaung leaungrei arum u. Tym ai nai atitichi ai ami my jangni khala y thui pi yb lawh mo? Kaimy i khumichi ai atleu nai Tameuh, kai Areng my kang thui pi yb nai ny y lawh sai a? Kai ny y baly tameuh takhra by y.

ISAIA 50:4

Atho bai nai khumi ai atho awm teang ai nai mana atho pei ai mo, nanai kai Areng my leu pei nai ne. Mymy thui pi ai naichi tangai ai nai mymy ly kai ai khawn tleirei, awn hai na bo.

JEREMIA 3:3

Kai ly hini molam y khuma kani heng hai iy, kangkhym kani py nai hai y nai ne. Nang ly bima kamta amlawn iy, nang ly jei kaji nai py by y bo.

JEREMIA 6:15

Nichi ly amso ngai naichi sa teu i py, kaji u sai a? Lymlym kaji u y, kangji meimai py amteng y. Hunai deaungkho y nichi ly khumi takhrachi kamta atlym u ai. Kaimy pajeng nai khala y nichi ly tama nai tym u ai. Hini ly kai Areng. my thui nai leu ne,” napi.

JEREMIA 8:12

Kai i khumichi ly amso ngai naichi sa u nai molam y kaji u a? Lym lym kaji u y, kangji meimai py amteng y! Hunai deaungkho y nangchi ly khumi takhrachi kamta atlym u ai. Kaimy pajeng nai khala nangchi ly ang thau u pajau ai ny y. Hini ly kai Areng i thui nai leu ne.

TANGAM NAI LEU 3:23

khawn khutawi neng kamta khesere naimy, kani si nai kamta khaw hai tatang nai ne.

Ezekiela 18:25

“Na i py nangchi my, ‘Areng i sa nai ly teng y,’ nanai thui u bo. Aw Israela chengchi awi, kai i thui nai leu tangai u. Nangchi my kai i sa nai sai teng y, nanai athang khai u nai sai a? Teng y nai saichi ly nangchi i sa naichi teu.

Ezekiela 48:35

Mary ai tapang meuh nai mary apai makeng palyhrei i jeng kasau bawibawi ly miu meaungkateaung atlo sang tajarei awm. Huni mary ai vai i dengdairei “Areng ly hi y awm!” nanai thui u ai.

HOSEA 14:9

Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.

HOSEA 6:5

Naibaly kai ly amochi ai pato iy, nangchi ai tara chih ai nai satang hawi, taphra ai nai satang thui hai nai ne. Nangchi teng i kai aly ngai nai ly rai y.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

MIKHA 7:9

Kaichi ly kamngo sa nai deaungkho y, tanarei ly Areng i kado theu nai avum u ai. Na i py mymy ly kangkhym y kaichi i molam ama hai iy, leu meitang naimy tara chih ai. Mymy ly kaichi ai kangvang mang y pahawi ai. Kaichi ly mymy i atleu nai niu takengkei ai.

HABAKKUK 1:3

Nang ly ati mana nai y kaichi i tlang tleaung y, hina nai ngari kamtang hawi, hawi y naira avum hai lawh mo? Kaichi ly khrukhra naira, lawm taphra nairachi avum nai ne. Meingtym tleirei y ka-jo ka-thui hawi a-ei naichi py avum nai ne.

ZEPHANIAH 2:1

Aw kangji by y nai khumi chengchi awi, choh ali ai ali my hm vui nai neng tym y rai khala, nangchi i tlang tleaung y Areng i kado theu nai tym y rai khala, mymy i kado theu nai neng tym y rai khala, paleung amtlau u.

ZEPHANIAH 3:13

Dei kamthum Israela khumichi ly ami ai py tamang u ai ny y. Leu ka-chawi katheu nai py, tapawp ai nai atho sa ai nai py, sa u ai ny y. Nichi ly chawn, pa u ai. Ami ai py jei y iy, chymme naimy awm u ai,” napi.

ZEPHANIAH 3:15

Areng ly nangchi i kamngochi taphra ai; Mymy ly nangchi i paleung ka-echi ai, tama hai vui bo. Israela chengchi i samrang Areng ly nangchi hawi vanrei awm; Vai, nangchi ly jei ai naira by y leang bo.

ZEPHANIAH 3:17

Nang i Areng Tameuh ly nang hawi vanrei awm; mymy i sa thai naira hawimy, nang ly eaung naira nga ai. Areng ly nang i tlang tleaung y amo theu naira nga ai. Mymy ly mymy i tamen naira hawi nang ai deung kangthaang pei ai. Mymy ly nang i molam y, amo theu nai khulym thui ai.”

ZEKHARIAH 2:5

Areng ly mymy naimy mary kamkira y, mai apai kamta awm iy nang parai nai hawimy, huni mary y awm ai, nanai leu adeu yb veng bo,” nanai thui.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

LUKA 12:2

Na i py amteng y ai nai heu nai ly ha py by y; pany y ai nai apha nai py ha py by y.

ROM AVANGCHI TENG Y PAWLA I CHA PA NAI 2:5

Na i py nang i atangai y nai hawi uikhei y nai paleung awm nai deaungkho y kado theu naira hawi, Tameuh i tara chih naira hawi parai nai amteng ai nai kani i vui ly, nang i tlang tleaung y kado theu naira pateung achu amang nai ne.

ROM AVANGCHI TENG Y PAWLA I CHA PA NAI 3:26

mymy kypkyp ly kahawi ne, nanai hawi, Isu ai ym nai ngierei ai eaung hai nai keung ne, nanai py mymy i vai dymkhawn i hawi naira patei nai ne.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

Leu Thui Nai 23:14

Nangchi i tai naira ai ly nangchi ai ama hai iy, tavai eaung hai ai nai, nangchi i Areng ly tai theung y nangchi hawi vanrei awm nai deaungkho y, tai ai ly reita leaungsai y kachai khai ai nai tla. Areng my nangchi ai ang khai su y ai nai, chai y nai ngiereichi sa ai nai avo y.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

I PETERA 1:17

Naibaly patle naira by y naimy, khumi leaung leaungrei i kalop sa nai kamta tara chih nai keung ai ly Ampo kamta palau u baly, hi y ni awm u nai sala y ly jei naimy awm u;