ZEPHANIAH 3:1 - Khumi Common Language Bible

¹ Amy mary i khumichi ai malawn py ana pumpi iy, hawi y sa naimy atiu reng nai Jerusalem mary ly taham si.

ZEPHANIAH 3:1 Iomraidhean Croise

ISAIA 30:12

Na i py Israela chengchi i chai parai nai Tameuh my, “Nangchi ly kai i leu tahm khai u y naimy, khrukhra naira hawi tapawp naira naini a-ym u bo.

ISAIA 5:7

Israela pri ly ati cheaungkhang sa thai nai Areng i kreip akhobai ne; Juda khumichi ly mymy i ui nai kreip keungchi ne. Nichi ly kahawi sa ai, nanai mymy ly athang khai; na i py nichi ly khumichi ai padei u nai ne. Nichi ly hawi nairachi sa ai, nanai mymy ly athang khai; Na i py nichi my ana naira avum nai khumichi ly adyh adawi naira nga ai nai aeu u nai ne.

ISAIA 59:13

Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

JEREMIA 22:17

Na i py nang ly amy i vui dawn khyh nai paleung hawi, amy hawi ai naira naini paleung apei khyh nai ne. Kamngo by y nai khumichi ai padei iy, amy i chengchi ai khrikhri pa-rei ana, nanai Areng my thui bo,” napi.

JEREMIA 5:23

Na i py nangchi khumi mipuichi awi, nangchi ly paleung tang iy tiu ai nai lam amphri vui i, kai teng i nai theu u veng bo.

JEREMIA 6:6

Ati cheaungkhang sa thai nai keung Areng ly hini samrangchi teng y, Jerusalem mary ai katanmeuh pajau ai nai dengkeaungchi paliu iy, abyhra angawmchi sa ai nai leu pei bo. Mymy ly “Hini mary ly pahyp y naimy ana nai kawi nanai deaungkho y, kai ly hini mary ai kapajeng ai.

JEREMIA 6:7

Tuikhora i tui leaung amjawn jo nai kamta, Jerusalem mary i hawi y nairachi ly leaung amjawn jo nai ne. Mary theung y khrukhra naira, alawm nairachi py kathai i, noso hawi tamo kalem nga naichi py kaniu bo.

Ezekiela 22:29

Huni meingtym y awm nai khumichi ly kamjau kamteang sa iy lawm u. Nichi ly khumi kamawnchi ai ana iy, cheng takhrachi ai kamjau kamteang ana u nai ne.

Ezekiela 22:7

Nang teng y awm nai mary theung i amimi py, amhm ampo ai tahm khai nai by y. Nang teng y awm nai cheng takhra khumichi ai nang ly li-tapawp iy, neampachy lumaichi hawi nurochochi ai ana bo.

Ezekiela 23:30

hina naichi avum nai ne. Nang ly khumi cheng cheaungkhangchi i vui bima lawm iy, nichi i mynchi hawi amymy ai chai hai y bo.

Levi 1:16

Ni ly awichapu hawi vanrei awichapura i teicha ai ly la iy, maicham i nisi ngan mang y awm nai maiphura y aphi ai nai tla.

AMOS 3:9

Asadod hawi Aikupta pri samrang i yhmchi theung y awm nai khumi bawibawichi teng y hina nai thui. “Samari mary tengpang y awm nai mawi aheungchira y akachu u ly huni mary theung y sa nai kamngochi hawi khru-nganglang naichi ai khen u cham.”

AMOS 4:1

Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.

MIKHA 2:2

Nichi ly ami i yhm ai mo, li hlau ai mo, paleung no baly kamjau kamteang lawm vui reng nai ne. Amimi i py yhm hlau hawi yhmtheaung katuichi ly chymme ai nai ngo pajau y.

ZEKHARIAH 7:10

Neampachy lumaichi, nuro nukaichochi, pri takhrachochi, ti y baly kamawn kateuchi ai ano u moh; leaung leaungrei ai, patang hai ai nai tau u moh,’ napi.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.