ZEPHANIAH 2:8 - Khumi Common Language Bible

⁸ Ati cheaungkhang sa thai nai keung Areng Tameuh my, “Moba khumichi hawi Ammon khumichi ly kai i khumichi ai ka-jo hau u nai py, nichi i pri peang vui ai, nanai amlyh nai py, kai thai nai ne.

ZEPHANIAH 2:8 Iomraidhean Croise

ATITI AWM ANGCHEI NAI 19:37

Chaniu kalen ly deaungdi neampacho tapen i, amyn ly Moba, nanai amyn pathi bo. Vai deung kangthau Moba chengchi i amsi pajo ne.

ATITI AWM ANGCHEI NAI 19:38

Chaniu katheang py chapo tapen teang i, amyn ly Benammi, nanai pathi. Mymy ly vai deung kangthau Ammon chengchi i amsi pajo ne.

ISAIA 15:1

Hini leu pei nai ly Moba pri i vui ne. Ara mary hawi Kira mary ly vumrei y my phra nai ne. Moba pri py savai tlang na bo.

ISAIA 16:6

Juda mipuichi my, “Moba mipuichi ly mana tanrei paleung len na mo, nanai kaichi thai bo. Nichi ly paleung len amlyh u naimy mymychi ai tahm apasang u teu i py, nichi i amlyh naichi ly atyhtyh teu, nanai kaichi pany bo,” napi u.

JEREMIA 12:14

Areng my, “Kai i khumi Israela chengchi teng y amtym ai pei nai pri ai, phra seaungkhrang hai nai Israela pri yhm deaungpa prichi molam y kai thui ai nai awm. Kai ly huni khumi hawi y naichi ai tangjyn akheaung nai keungdichy kamta, nichi pri i nai akyn vui ai. Juda pri ai nichi kiu i nai atleu ai.

JEREMIA 48:1

Moba pri molam y ati cheaungkhang sa thai nai keung Areng i leu pei nai ly hina nai ne: Nebo mary i khumichi ai palau u; nichi i mary ly phra veng bo! Kiriathaim mary ai ly tiu iy la vui bo i, huni mary i amtangrachi ly taphra vui nai y, mary i khumichi ly kangji nga u nai ne.

JEREMIA 49:1

Areng my Ammon khumichi molam y leu pei nai ly “Israela chengchi ly ma mang y mo? Nichi pri i vui ama hai ai nai keung leaungrei py by y a? Nichi ly ati mana nai y Mole tameuh ai chiu nai khumichi teng y, Kad cheng theaung i khu ka-peang lawm vui iy, huni meingtym y awm ai nai pei u lawh mo?

TANGAM NAI LEU 3:61

“Nang ly nichi my kai ai mei aniu y nai sa naichi thai iy, Aw Areng, nang ly nichi i kangviu y dawn tau nai bawibawichi py pany pi se.

Ezekiela 21:28

“Nang khumicho awi, kai i leu amti pi; Israela chengchi ai mei aniu y nai Ammon pri khumichi teng y sa thai naira angym nai kai, Areng my ati mana leu pei mo, nanai thai hai ba. Thuipi ai nai ly: ‘Tamyh vui ai nai haisau khai rym bo, haisau ly khai rym bo; tleh ai nai huni haisau ai kachi pyn bo; amlo sadi kamta sadi na pa-rei kachi pyn bo,’ nanai nichi teng y thui pi.

Ezekiela 25:1

Areng i leu ly kai teng y tym.

Ezekiela 35:12

Huna nai khala Israela mawichi ly khumi angso savai tlang nai, huni meingtym ly kaichi my tiu lawm nai meingtymchi ne, nanai nangchi thui tamawn nai leuchi ai, kai Areng ly thai bo, nanai nangchi pany u ai.

Ezekiela 36:2

sa thai naira angym nai kai, Areng teng i leu tangai ai nai thui pi. Israela pri i paleung ka-echi my, ‘Jangni jangkhawn i ka-so awm nai hini mawichi ai vai, achi my peang bo!’ nanai amo theu sau nai paleung hawi thui u bo.

AMOS 1:13

Areng my, “Ammon khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly khu ta-i ai nai ngai phi nai deaungkho y, tavai atiu nai khala Kilead pri neampachy jeubomchi ai malawn py, kajeu pho iy padei bo.

AMOS 2:1

Areng my, “Moba khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly Edom samrang i hiuchi ai maidym satlawi palawn vui nai hawimy, Edom samrang ai tahm khai u y bo.

ZEPHANIAH 2:10

Huna nai kamta Moba hawi Ammon khumichi ly mymychi i paleung len nai, amlyh am-e nai hawi ati cheaungkhang sa thai nai Areng i khumichi ai, mei aniu y nai molam y pajeng naira avum u ai.

JOSUA 5:9

Naibaly Areng ly Josua teng y, “Aikupta pri y nangchi i miseaung achei nai kangji ly vaini kaimy tama hai bo,” napi. Hunai deaungkho y huni meingtym ai Kilakala, nanai amyn pathi nai ly vaini khrairei amyn lo jo nai ne.