ZEPHANIAH 2:3 - Khumi Common Language Bible

³ Mymy i leu pei naichi tangai iy, paleung apanem nai khumi mipuichi awi, Areng teng y jeu u. Kahawi sa naimy Areng i mo y paleung apanem u. Areng i kado theu nai neng khala, nangchi ly pajeng naira i nai law tleaung naira nga u lym ai.

ZEPHANIAH 2:3 Iomraidhean Croise

2 SAMUELA 12:22

Davida my, “Ne, deaungdi heng nai thym khala y cho nei y naimy vo tangam nai ne. Areng ly kai ai pahen iy deaungdi ai dei hai y ai, nanai kadawn.

SAM 105:4

Sabawm naira hnei ai nai Areng teng y ahihawi u; mymy i mo y chiu so u jojo.

SAM 149:4

Areng ly mymy i khumichi ai tamen nai ne; tahm anem nai khumichi ai, eaung nai hawimy tahm pasang u.

SAM 22:26

Khumi kamawnchi ly kajeu kawi pa-rei cha ai nai nga u ai. Tameuh teng y ahihawi nai khumichi ly mymy ai palo u ai. Nichi ly deungtasarei hawi naira nga u ai!

SAM 31:20

Khumichi i dawn paviu naira i nai law tleaung hai ai nai nang teng y abyh nai khumichi ai, nang ly nangmy teng y chymme naimy heu vui ba. Paleung ka-echi i khumi aniu y nai sa naichira i nai law tleaung hai ai nai nichi ai chymme nai meingtymra y heu me ba.

SAM 45:4

Ka-ym awm nai hawi adyh adawi naira my peang ai nai molam, sa thai naira haiho hawi vanrei atiu iy, eaung naira ngo ba! Samrang nang ly nangmy i haiho hawimy, eaung pawi puichi avum ai.

SAM 57:1

Kai ly nang teng y abyh ai nai ahihawi nai ne; hunai deaungkho y kai ai pahen kyh ba; aw Tameuh pahen kyh ba. Ali pui khu pui theu nai aham nai ryrei, kai ly nang i pakhi ka-khuira y abyh nai ne.

SAM 76:9

Nang ly khaileaung pri y ana patang naira avum nai khumichi ai atleu ai nai ang thau iy, tara chih pi nai khala, khaileaung ly jei hyn i, tyn kryh y na bo.

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

THEU NAI 12:27

nangchi my, ‘Hini ly Areng ai tahm khai nai Katlen vui nai apathyp Pawi ne; ati mo na baly Aikupta chengchi ai pajeng nai khala y, Aikupta pri y awm nai Israela chengchi i yhm y ly katlen vui nai deaungkho y ne,’ nanai pathang ai nai tla. Naibaly Israela chengchi ly kheukhu di u iy Areng ai chiu u bo.

LEU KACHENG 18:10

Areng ly khumi kahawichi i abyhra, khaw parai nai lengseaung yhm pui atawm. Hu y khumi kahawichi ly chymme naira nga ai nai chei u pajau nai ne.

ISAIA 1:17

kahawi so u. Ana piupa naira avum nai khumichi ai sabawm iy, nuro nukai chochi hawi lumai cheaungtichi i nga ai avo naichi ai ama hai nai hawimy, tara leu reita my peang nai awm pa-rei so u,” napi.

ISAIA 11:4

Khumi kamawnchi ai leu meitang naimy tara chih pi iy, tahm anem naichi i nga ai avo naichi ama hai ai. Ni i pei nai leu haiho hawimy, khumi mipuichi ly pajeng naira avum u ai. Khumi hawi y naichi py dei u ai

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

JEREMIA 39:18

Kai ly nang ai chymme naimy kang khai ai nai deaungkho y, nang ai ly padei ai ny y. Nang ly kai ai ym cheng nai deaungkho y, nang ly tlang heng naira nga ai. Hini ly kai, Areng i thui nai leu ne,’ nanai leu pei nai thui pi,” napi.

JEREMIA 45:5

Nang ly nang i nga ai avo nai ajeng nai a? Ajeng moh. Kai ly khumi cheaungkhangchi i tlang tleaung y ka-jeira tym hai ai. Na i py nang ly tym naira tleirei y dei y naimy, ka-jeira i nai lawi naira nga ai. Hini ly kai Areng i thui nai leu ne,” nanai leu pei nai thui pi bo.

Ezekiela 13:5

Huni amochi ly mary apaichi anawi nai kry y; mary apaichi py pathyp u teang y. Hunai deaungkho y Areng i kani y tavai atiu u nai khala, Israela pri ai ama hai pajau ai ny y.

HOSEA 10:12

Kai my, ‘Nangchi i vui khaileaung kangthara thawn iy, leu meitang adyh adawi nai ti hei u ba, kai i tlang tleaung y ka-ym awm nai amti amjang tyn u, nangchi i Areng teng y ali teang ai nai neng tym bo. Kai py kang jeu iy nangchi ai amtheaung hai ai’ napi.

HOSEA 7:10

Israela khumichi i paleung len amlyh am-e nai ly nichi phra ai nai ka-ma-ra ne. Nichi ly hina nai leaungsaichi hawi avum teu i py, nichi i Tameuh kai, Areng teng y vawi u y.

JONA 3:9

Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

ZEKHARIAH 8:19

Palyh lo, pa-ngo lo, saryh lo hawi lo horei khala y sa nai biu hai nai pawichi ly Juda khumichi i vui amo theu naira lawm ai. Nangchi ly kateng lam hawi tlamsa naira ngai ai nai tla,” napi.

MATTHAI 5:5

“Paleung jypjyp naichi ly taham hawi: nichi ly khaileaung pri amtym ai.

I THESALONIKA 4:1

Hunaibaly amjo amnauchi awi, kangkhym i naira y ly nangchi i awm ai avo nai sai hawi, Tameuh ai kawn hai ai avo nai sai ly kaichi teng i dengdairei nga u nai kamta ly (ne mang ly nangchi ly hunai kamta awm nai bo) awm ra awm ra ai nai, kaichi ly Areng Isu y takeng nai kang pachei nai ne.

I THESALONIKA 4:10

ne, Makedonia pri verei y awm nai amjo amnauchi i tlang tleaung y ly nangchi ly huni kamta sa u khypkhyp nai ne. Na i py amjo amnauchi awi, nangchi ly hunai kamta sa ra sa ra ai nai hawi,

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 3:4

paleung y heu nai awm nai sai ly leu anui hawi neaung hawi nai paleung, mawn pajau y nai ateaung phai amthyp u; huni ly Tameuh i mei ka-niu y khri pa-rei vang teng nai ne.

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.