ZEPHANIAH 1:7 - Khumi Common Language Bible

⁷ Areng my tara chih ai nai neng ly ang tym ai bo. Hunai deaungkho y mymy i mo y chymme naimy awm u. Areng ly mymy i khumichi ai pathyp ai nai angveirym i, Judachi ai lawm ai nai, paleung ka-echi ai palau bo.

ZEPHANIAH 1:7 Iomraidhean Croise

JOBA 24:1

Tameuh ly mymy teng y ahihawi iy chiu nai khumichi i vui, tara chih nai neng kani, ati mana nai y khai pi y lawh mo?

SAM 46:10

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.

ISAIA 13:3

Areng ly mymy i kado theu hai nai khumichi i tlang tleaung y pajeng ai nai molam, mymy ka-ym awm iy tahm khai nai tavaimi kahawichi ai palau nai ne.

ISAIA 13:6

Ati cheaungkhang sa thai nai keung ly ka-jeira tym hai ai nai neng kani napi nai, Areng i tara chih nai neng kani ang tym hai ai mang.

ISAIA 2:12

Huni neng khala y ati cheaungkhang sa thai nai keung Areng ly sa thai naira len nai khumi, amlyh am-e nai khumi hawi paleung len nai khumi bawibawichi ai tahm panem pi vui ai.

ISAIA 29:2

naibaly Tameuh ly “Tameuh i maicham,” nanai amyn pathi nai mary y ka-jeira naini tym hai ai. Khumichi ly vo tangam u ai. Mary verei py kapathyprachi talam nai maicham lawm vui ai.

ISAIA 34:5

Areng ly kani pri mang y haisau pa yb iy, taphra ai nai angchi yb nai Edom khumichi tlang tleaung y tym hai ai.

ISAIA 34:6

Mymy i haisau ly apathyp nai beram mi-ichi i thi, thauchi hawimy kajeu kawi nai kamta, huni khumichi i thi, thauchi hawimy kajeu kawi ai. Hini apathyp nai pawi ai Areng ly Bozarah mary y sa ai. Hini khumi ai tleh nai pawi pui ly Edom pri y sa hai ai.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

JEREMIA 46:10

Vaini ly ati cheaungkhang sa thai nai keung Areng i kani ne. Mymy ly vaini my vawitheung tha ai. Mymy ly paleung ka-echi ai vaini my pajeng ai. Mymy i haisau ly nichi ngan bym pa-rei cha iy nichi i thi bym pa-rei nei ai. Vaini ati cheaungkhang sa thai nai keung ly Euphrat tavo sahawi tosyh ngan mang y, tawnbawichi apathyp nai ne.

Ezekiela 7:10

Israela chengchi i vui patang ai nai neng ly kasa bo. Khrukhra naira ly len ryh len ryh bo. Khri pa-rei amlyh am-e nai neng ne.

Ezekiela 7:7

Khumi mipuichi myh kang nai neng ang tym ai bo. Mawi salo y pawi sa nai by y ai i, khru nganglang ai nai neng ly kasa iy ang tym ai bo.

JOELA 1:15

Areng i tara chih ai nai neng kani ly kasa bo. Huni neng khala, ati cheaungkhang sa thai nai keung my, khri pa-rei ka-jeira tym hai ai. Huni kani ly jei ai nai khri pa-rei hawi ai na a!

JOELA 2:11

Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?

JOELA 2:31

Areng i ka-jei awm nai neng kani tym y rai khala, kanito ly veng ai. Lo py thi kamta pasen vui ai.

AMOS 6:10

Dei nai khumi leaungrei i amjo amnau leaungrei my, dei nai khumi i veu mai patawi ai nai tym iy, yhm theung y awm nai khumi leaungrei teng y, “Ami awm rai mo?” nanai deng i, “Ami py by y leang bo!” nanai pathang nai raawi naini thai ai. Naibaly huni amjo amnau my, “Awm pypy! Areng i amyn malawn py thui y ai nai achi adawn patyp ai nai tla,” napi ai.

AMOS 8:3

Huni kani y samrang yhm i khulym thui nai raawichi ly vo nai raawichi mang y lawm vui ai. Meingtym tleirei y kadei veuchi awm ai i, huni veuchi ai kangviu y aphi u ai,” nanai leu pei bo.

HABAKKUK 2:20

Areng ly mymy i chai parai nai Achura yhm y awm. Khaileaung pri y awm nai khumi bawibawichi ly mymy i mo y awmnem naimy awm u sy.

ZEPHANIAH 1:14

Areng my tara chih ai nai kani kalen ly kasa bo i, kasa tleaung kasa ra bo. Huni neng kani ly tym kasa ai! Huni kani ly hawi y keh nai deaungkho y, sorai paleung awm keh nai risa malawn py, paleung phra naimy aeu ai.

ZEKHARIAH 14:1

Areng my tara chih ai nai neng kani ly ang tym ai. Huna nai khala Jerusalem mary ly tiu lawm nai avum iy, tiura i nga nai vawnsaichi ai, nangchi i mo y my phy amji u ai.

ZEKHARIAH 2:13

Khumi mipuichi awi, Areng ly mymy i awm nai nang parai nai meingtym i dengdairei ang jeu ai i, mymy i mo y tyn kryh y naimy awm u.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

MATTHAI 22:4

Naibaly mymy ly, ‘Kai i heang naichi teng y ly, khen cham, kai i pawi sa rym nai pajau bo i, kai i si kataichi hawi kai i tawnbawi pacho patyp naichi ly tleh i, ati cheaungkhang sa rym bo; aju palyn nai pawi y biu cha ai nai jeu u jau, tapi u’ napi nai miseaung takhrachi ai pato bi bo.

ROM AVANGCHI TENG Y PAWLA I CHA PA NAI 3:19

Hunaibaly labeaung cheaungkhang ai amkym hai me thai ai nai hawi, Tameuh my khaileaung pri bawibawi tara chih thai ai nai py, Reita my ati py thui nai ngierei ly Reita i anui y awm naichi teng y thui nai ne, na nai achi pany;

ROM AVANGCHI TENG Y PAWLA I CHA PA NAI 9:20

Ne, na i py nai awi, Tameuh ai ei nai keung nang ly ami kha? Atiti sa angchi nai my ly sa nai keung teng y, “Nang ly ati mana nai kai ai hinai kamta sa lawh?” tapi na a?

PHILIPI 4:5

Nangchi i kham pajau nai sai ly khumi bawibawichi my pany u sy. Areng ly kasa bo.

KOLOSA 1:12

Ampo, kangvang i khumi kachaichi i yhmtheaung ahum ai ataing nai ang sa pi nai keung teng y ly kawn nai leu thui u.

1 SAMUELA 16:5

Samuela my, “Paleung awmnem naimy kang jeu nai ne; kai ly Areng teng y apathyp ai nai kang jeu nai teu; nangchi ly nangmychi naimy apachai iy, kai hawi vanrei abang u,” napi. Jesai i chapochi ai py mychi apachai iy, apathyp naira y jeu ai nai palau bo.

1 SAMUELA 20:26

Na i py huni kani y samrang ly ati sai py katheu y; saisairei molam y Davida ly reita tanynra y chai y nai deaungkho y, tym y nai teu ngaw khyh, nanai dawn bo.