ZEPHANIAH 1:2 - Khumi Common Language Bible

^2-3 Areng my, “Kai ly khumichi, tawnbawichi, tavochi hawi ngochi py takhawi y, khaileaung pri y awm nai ngiereichi tamyh pawn ai. Khumi hawi y naichi ai atlym hai ai. Khumi bawibawichi ai kaimy taphra ai. Dei y naimy leaungrei py tleaung ai ny y. Hini ly kai, Areng my kang thui pi nai leu ne.

ZEPHANIAH 1:2 Iomraidhean Croise

ATITI AWM ANGCHEI NAI 6:7

Naibaly mymy ly “Kaimy i sa nai hini khumichi ai khaileaung tleaung i nai katamyh vui ai; tavochi hawi amso mawichi ai py tamyh ai; nichi ai sa nai deaungkho y kai pipi paleung hawi y,” nanai thui bo.

2 NENG SATANG 24:24

Suria tavaimi kamkawm ly theang teu i py, Areng my khri pa-rei len nai Juda tavaimi kamkawm ai eaung ai nai pei bo. Ati mana nai mo na baly Juda khumichi ly mymychi amsi pajochi i Areng Tameuh ai khai u su nai deaungkho y ne. Hina nai kamta samrang Josha ly kamngo pajeng naira avum bo.

2 NENG SATANG 36:21

Na i py amo Jeremia dengdairei Areng my thui pi nai leu angym hai nai ly “Anawn kani y ja yvui lawh nai y, pany jo ai nai molam, huni pri y saneng vui saryhrei, khumi angso savai angau ai,” napi.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

JEREMIA 34:22

Huni tavaimichi ai kaimy leu pei nai deaungkho y, nichi ly vawi ali iy, hini mary ai tiu chum baly mai leng pawn ai. Kai ly Juda marychi ai khumi angso by y nai, khutaha daichi ka-vym lawm hai ai. Hini ly kai, Areng i thui nai leu ne,” napi.

JEREMIA 36:29

Samrang Jehojakim ai py Areng my, “Nang ly cha aeang ai mai leng vui chum baly Jeremia teng y, Babulon samrang ly hini pri y ang jeu ai i, hini pri y taphra iy khumichi hawi tawnbawichi padei pawn ai, nanai ati mana nai thui lawh mo?, nanai deng bo.

JEREMIA 7:20

Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.

TANGAM NAI LEU 2:17

Kangkhym y ly Areng ly mymy i leumo pei yb nai kamta, sa pi khyp bo. Mymy ly jangni i ka-so ang pany hai nai kamta khyp, achi ai pahen y naimy ang taphra be bo. Mymy ly achi i paleung ka-echi ai eaung naira pei i, achi atlym nai molam y amo theu hai bo.

MIKHA 7:13

Na i py huni pri khumichi kamngo nai molam y, nichi i awm nai meingtymchi ly khumi by y nai daichi ka-vym lawm ai.