Biblia Todo Logo
Bìoball air-loidhne

- Sanasan -




ZEPHANIAH 1:13 - Khumi Common Language Bible

13 Khumi takhrachi ly huni khumichi i yhmtheaung katuichi lawm iy, nichi i yhmchi taphra u ai. Nichi ly mychi sa nai yhmchira y, mana khala py awm ai nai nga u ai ny y. Mychi i ui nai kreip akhochira i kreip hang py, nei ai nai nga u ai ny y,” napi.

Faic an caibideil Dèan lethbhreac




ZEPHANIAH 1:13
24 Iomraidhean Croise  

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.


Areng my kai teng y, “Kai ly pri verei y kai i khumichi sa tamang nai kamngochi molam y kapajeng ai. Nichi i nang chawn nai muku tangka, vang katengchi la pi pawn ai nai paleung ka-echi kapato ai.


Ka-jeira ly harei bo baly harei tym dudu nai ne. Pri verei py phra seaungkhrang naimy awm bo. Achi i taichi ly tlenrei khyhmy anawi pawn iy taira i kanih jang naichi py aseih piupa veng bo.


Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.


Nichi ly nangchi i thengthaichi hawi teicha teineichi cha nei iy, nangchi i cho chanauchi ai tleh u ai. Nichi ly nangchi i beram kanghu hawi si kanghuchi cha u ai. Nangchi i kreip keungchi hawi thaidu keungchi taphra pawn ai. Nichi i tavaimi kamkawm ly nangchi i a-ym nai amtangra mary kakhawchi taphra pi pawn ai.”


Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.


“Kaichi ly myh kang naira avum bo! Tahm pipi by y nai avum u lawh bo ly! Kaichi i yhm hlauchi ly phra pawn veng bo i, kaichi ly kaimychi i pri khai su ai nai tla ai,” nanai Zion mary i khumichi i vo tangam nai raawi tangai u, nanai thui u bo.


Kaichi i yhmtheaung katuichi ly apany vai y nai khumichi kiu y tym lawh bo. Cheng takhra khumichi ly kaichi i yhmchira y athum u vui bo.


Hunai deaungkho y kai ly kado theu naira tym hai iy nichi i tlang tleaung y kado katheu mai kangveaung kamta tym hai ai. Nichi i sa nai saichi molam y nichi i lu tleaung y tym hai ai,” napi. Hini ly sa thai naira angym nai Areng i pei nai leu ne.


Nichi ly mychi i muku, tangkachi ai anyn angso kamta, lamchira y hei u pawn ai. Ati mana nai mo na baly Areng i kado theu nai neng khala nichi i muku, tangkachi ly mymychi ai atleu pajau y nai deaungkho y ne. Nichi ly mymychi kajeu kanglam dam ai nai hawi mychi i kajeu apakawi ai nai molam py, muku tangkachi pasum thai y; muku tangkachi ly mymychi ai kamngo sa hai bo.


Areng my, “Nichi ai tiu ai nai cheng takhrachi teng y kaimy pei ai. Tara leu reita taphra nai khumichi ly nichi i yhmtheaung katuichi la iy chai hai y ai.


Kai ly hawi y keh nai khumi chengchi ai hini meingtym y hawi iy, nangchi i yhmchi ly nichi teng y kapei vui ai. Huni khumichi ai nangchi i chiu nai meingtymchi chainem hai y ai nai kaimy kapei nai khala, nangchi atho len nai khumichi ly paleung phra u ai.


Nangchi ly khumi kamawnchi ai ana iy, nichi i chohpui chomaw ai lawm u bo. Hunai deaungkho y nangmychi sa nai yhm hlau kahawichira y, nangchi ly awm ai nai ngo u y. Nangmychi ui nai apu parai nai kreip akho i, kreip hang py nei ai nai ngo u y.


Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.


Nangchi ly amti amjang pati u i py, pateung achu ai nai ngo y ai. Nangchi ly olive asitui nip i py, cha ai nai ngo y ai. Kreip athai ati i py, kreip hang nei ai nai nga ai ny y.


Myn y chiu nai khumichi kamta sa naichi ai py, mychi i yhmkeung yhmy lawm nai vawnsaichi nga angym hai ai nai molam, khumichi ai padei naichi ai py, kaimy tamyh pawn ai,” napi.


“Nang hawi apom ai nai angam yb nai neampachy ai takhra khumi leaungrei my pom vui ai. Nang ly yhm sa i py, huni yhm y awm ai nai ngo y ai. Nang ly kreip akho sa i py, athai cha ai ny y.


Nangchi ly kreip akhochi palum pachai teu i py, athaichi cha u ai ny y, kreip hang py nei u ai ny y; ati mana nai mo na baly mipochi my kreip angjynchi ai cha nai deaungkho y ne.


Nichi ly nangmychi i tawnbawichi hawi amti amjangchi ang cha pi pawn nai deaungkho y, nangchi ly kajeu kanglam y dei u ai. Nangchi i choh, kreip hang, olive asitui hawi si, beramchi ai cha pi pawn nai deaungkho y nangchi ly dei u ai.


Lean sinn:

Sanasan


Sanasan