ZEPHANIAH 1:10 - Khumi Common Language Bible

¹⁰ Areng my, “Huni neng kani y Jerusalem mary ngo apai katheu pa-khora y vo nai raawi thai u ai. Mary kangtha mang y khumichi vo nai raawi py, mawi aheungchira y phra nai katynchi py thai u ai.

ZEPHANIAH 1:10 Iomraidhean Croise

2 SAMUELA 5:7

(Na i py Davida ly Zion lengseaung apai ai tiu pajau vui nai deaungkho y, huni ly Davida i mary, nanai amthang bo.)

2 SAMUELA 5:9

Davida my amtangra lengseaung apai nga vui chum baly, huni apai theung y awm iy huni ai “Davida mary,” nanai pathi bo. Samrang ly huni apai ka-kira y, mawi aheung nisi mang, khaileaung taphum nai meingtym mang dengdairei amteaung iy mary sa.

2 ARENG KEH 22:14

Naibaly Hilikiah, Ahikam, Akidor, Shaphan hawi Asaiah, nichi ly Jerusalem mary kangthara y awm nai Huladah, napi nai neampachy amo teng y tym u i, leu deng u bo. (Huni neampachy i juvo ly Haraha i katu, Tikvah i chapo Shalum ne. Ni ly Achura yhm i baichu ateaung alangchi kry nai keung ne.)

2 NENG SATANG 3:1

Solomon i ampo samrang Davida ly Achura yhm sa ai nai meingtym tahyh pi yb. Huni meingtym ly Areng my Davida teng y patei pi nai Jerusalem mary Moria mawi, Jebusi cheng Araunah i choh ati nai meingtym ne. Samrang Solomon i Achura yhm sa ai amteaung nai ly

2 NENG SATANG 32:22

Hina nai kamta Areng ly samrang Hezekia hawi Jerusalem mary i khumichi ai Asuria empara samrang Senakheri kiu i nai py, takhra paleung ka-echi kiu i nai py atleu iy, tengpang sahawi i prichi hawi aly naira pei bo.

2 NENG SATANG 33:14

Naibaly Manase ly Davida mary nisi mang i Kihon micheaung sahawi leaunghawi dengdai tosyh mang ngo katheu pa-kho hawi Ophel napi nai meingtym ryrei, angam mang mary apai pasang nai ne. Samrang ly Juda pri lengseaung apai tapang nai mary ngiereichi ra py, tavailu leaungrei y tavaimi kamkawm chy harei hawi kry ai nai khai bo.

2 NENG SATANG 34:22

Samrang i leu pei nai kamta Hilikia hawi phyrei khumichi ly Jerusalem mary kangtha ngan mang y awm nai khumi, Hulada napi nai neampachy amo teng y chei iy leu deng u bo. (Huni neampachy i juvo, Haraha i katu, Tikvah i chapo Shalum ly Achura yhm i ateaungchi kry nai keung ne.) Nichi ly huni neampachy teng y atiti tym naichi amti pi.

NEHEMIA 12:39

Ephraim apai katheu pa-kho, mary kangngym katheu pa-kho, ngo katheu pa-kho, Hananela yhm ka-sang hawi Chungvai yhm ka-sangchi ai tako prei iy, beram katheu pa-kho mang y tako chum baly, Achura yhm sahawi i apai katheu pa-khora y angdo u bo.

NEHEMIA 3:3

Hasenah nupai my ngo katheu sa chum baly, katheu laibeaungchi, katheu dawnchi, katheu angtleangrachi hawi katheu lengteaungchi tai u bo.

ISAIA 59:11

Kaichi ly jei hyn naimy paleung mawn naira avum u nai ne. Kaimychi ai ana naichi kiu i nai atleu ai nai, Tameuh ai kadeaung u teu i py, khri pa-rei akhan na i, atyhtyh teu bo.

JEREMIA 39:2

Zedekiah i samrang y atheng nai holai harei saneng, palyh lo, kani takawrei kani y mary apaichi anawi bo.

JEREMIA 4:31

Deaungdi tapen ai achai nai neampachy i raawi, chanau chalu tapen nai neampachy i hang nai raawi ka-tawm katyn thai nai ne. Huni raawi ly akawm iy ahyn thlyhthlyh nai Jerusalem mary i katyn ne. Ni my, “Kai ly taham si! Nichi ly kai ai tleh ai nai jeu u dudu bo!

Ezekiela 6:13

Khumi veuchi ly mynchi sala y hawi maichamchi ka-kira y py, mawi ka-sangchi hawi mawi saleung tleirei y py, heng-yh nai dengkeaung keungchi hawi ngopraibiu keung pui ngierei anui y py, mynchi teng y mui katui leng patlum nai ngiereira y py, ahei naimy awm ai. Huna nai khala kai ly Areng ne, nanai khumi bawibawichi my pany u ai.

AMOS 8:3

Huni kani y samrang yhm i khulym thui nai raawichi ly vo nai raawichi mang y lawm vui ai. Meingtym tleirei y kadei veuchi awm ai i, huni veuchi ai kangviu y aphi u ai,” nanai leu pei bo.

ZEPHANIAH 1:15

Huni kani ly kado theu keh nai kani, ngari kamtang hawi paleung bi nai kani, phra seaungkhrang iy tama pawn nai kani, khri pa-rei veng cheng iy khupanym tho parai nai kani,

ZEPHANIAH 1:7

Areng my tara chih ai nai neng ly ang tym ai bo. Hunai deaungkho y mymy i mo y chymme naimy awm u. Areng ly mymy i khumichi ai pathyp ai nai angveirym i, Judachi ai lawm ai nai, paleung ka-echi ai palau bo.