ZEKHARIAH 8:3 - Khumi Common Language Bible

³ Kai ly kaimy i chai parai nai Jerusalem mary y kavawi teang ai. Huni mary y kaawm ai. Huni mary ly ka-ym awm nai mary nanai py, ati cheaungkhang sa thai nai Areng i mawi ly mawi kachai nanai py, amyn pathi ai.

ZEKHARIAH 8:3 Iomraidhean Croise

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

SAM 48:1

Areng ly nang parai keh nai ne iy, chai parai nai mawi pui napi nai achi i Tameuh i mary puira y, khri pa-rei palo ai ataing nai ne.

THEU NAI 29:45

Kai ly Israela cheng theung y kaawm hai ai i, kai ly nichi i Tameuh lawm ai.

ISAIA 1:21

Vaichi khala ka-ym awm nai mary ly vai i neng y bimanu kamta lawm veng lawh bo ly! Vaichi khala huni mary theung y khumi kahawichi awm u nai ne teu i py, vai ly khumi ai padei naichi naini awm khyh bo.

ISAIA 1:26

Jangni i kamta nang teng y lu sa naichi hawi tau pei nai bangtangchi kang pei ai. Hunaibaly Jerusalem mary ai khumi kahawichi i reita angym nai mary, ka-ym awm nai mary, nanai amyn pathi ai,” napi.

ISAIA 11:9

Tameuh i nang parai nai Zion mawi salo y, ka-jeira lawm hai nai, ti y baly hawi y naira ati sai py awm ai ny y. Panglichi ly tui kawi mang nai kamta, huni pri y Areng ai pany nai cheng naira hawimy kawi angym ai.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 32:16

Pri theung i meingtym tleirei y khumi kahawichi i kahawi lam hawi, leu meitang adyh adawi nai teaung u ai.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

ISAIA 65:25

Kasui hawi beramchi ly vanrei teicha tlai iy, khrangsichi ly si, painochi kamta acha cha ai. Pavuichi ly spryh naini cha u ai. Kai i chai parai nai Zion mawi salo y patang hai nai hawi, hawi y nairachi ati sai py awm ai ny y,” napi.

ISAIA 66:20

Nichi ly khumi cheng cheaungkhangchi teng i nai nangchi i chengchi ai Areng i vui langseaung kamta, hawi ali teang ai. Israela chengchi ly thengthai khulawnchi ai reita kamta, laawm kachaichira y khai iy Achura yhm mang y syn u nai kamta huni khumichi ly huni langseaungchi ai keaungngo, keaungngo kano kasau, Kula-iuchi, keaungngo ka-ri hawi si ka-richi tleaung y tang iy, Jerusalem mary i chai parai nai mawi salo y syn u ai.

ISAIA 8:18

Areng my kai ai ang pei nai cho chanauchi hawi vanrei, kai ly hi y awm nai ne. Zion mawi salo y awm nai ati cheaungkhang sa thai nai Areng ly kaichi ai Israela chengchi i vui y leu pei nai kamta heng ai nai lawm hai bo.

JEREMIA 14:9

Ati mana nai y nang ly mynkym vui nai kamta py, sabawm ai nai sa thai naira by y nai tavaimi risa kamta py, lawm lawh mo? Aw Areng, nang ly kaichi hawi vanrei awm khyp na a! Kaichi ly nang i khumichi ne i, khai su moh kyh ba,’ nanai takeng u bo”

JEREMIA 26:18

“Juda samrang Hezekia deung y Morise avang i amo Mikha ly khumi bawibawichi teng y ati cheaungkhang sa thai nai keung Areng my, ‘Zion mawi ly li khaileaung kamta, thawn piu nai avum ai; Jerusalem mary ly lengseaung ka-nawi pakheng achu nai lawm iy, Achura yhm mawi py thengreung lawm ai,’ nanai ang thui pi bo.

JEREMIA 31:23

Israela chengchi i ati cheaungkhang sa thai nai keung Areng Tameuh my, “Hini khumichi ai mychi i pri y kaimy pahawi ali teang nai khala, ‘Areng ly mymy i awm nai meingtym kachai,napi nai Jerusalem mawi kachai ai amtheaung hai sy,’ nanai nichi ly Juda pri marychira y thui u taleang bi ai.

JEREMIA 33:16

Huni neng tym nai khala y, Juda pri ly atleu naira nga ai. Jerusalem mary i khumichi py chymme naira nga ai. Mychi i mary pui ai, ‘Kaichi ai atleu nai keung Areng,’ nanai amyn palau ai.

Ezekiela 48:35

Mary ai tapang meuh nai mary apai makeng palyhrei i jeng kasau bawibawi ly miu meaungkateaung atlo sang tajarei awm. Huni mary ai vai i dengdairei “Areng ly hi y awm!” nanai thui u ai.

DANIELA 9:16

Aw Areng, nang ly vaichi khala y kaichi ai kry nai ne. Hunai deaungkho y Jerusalem mary ai kado theu hai bi moh kyh ba. Huni mary ly nang i mary, nang i mawi kachai ne. Kaichi i kamngochi hawi amsi pajochi i sa tamang nai molam y, saleaung deaungpa prichira i khumi bawibawichi ly Jerusalem mary hawi nang i khumichi ai khen nau nai ne.

JOELA 3:17

Areng my, “Israela chengchi awi, huna nai khala kai ly nangchi i Areng Tameuh ne, nanai pany u ai. Kai ly kaimy i Zion mawi kachaira y kaawm nai ne. Jerusalem mary ly mary kachai lawm ai. Cheng takhra khumichi ly huni mary ai, mana khala py peang u bi pajau ai ny y.

MIKHA 4:1

Mo mang i neng y Achura yhm awm nai mawi ly asang keh nai mawi lawm ai. Mawi bawibawichi tleaung y py asang ai. Khumi cheng neangneangchi ly huni mawi mang y jeu achu iy,

ZEPHANIAH 3:13

Dei kamthum Israela khumichi ly ami ai py tamang u ai ny y. Leu ka-chawi katheu nai py, tapawp ai nai atho sa ai nai py, sa u ai ny y. Nichi ly chawn, pa u ai. Ami ai py jei y iy, chymme naimy awm u ai,” napi.

ZEKHARIAH 1:16

Jerusalem mary ai pahen nai sai patei ai nai, kavawi ali teang nai ne. Kai i Achura yhm sa palum teang iy, Jerusalem mary pui ai py, sa palum u teang ai nai tla ai,” napi.

ZEKHARIAH 12:6

“Naibaly kai ly Juda nupaichi ai, kangmaru mai kamta py, choh myn jawn nai hlau y kang nai mai kamta py lawm hai ai. Nichi ly mychi tengpang sahawi i awm nai khumi cheng bawibawichi ai tamyh u pawn ai. Jerusalem mary i khumichi ly mychi i mary theung y chymme naimy awm u ai.

ZEKHARIAH 14:10

Tosyh mang y awm nai Keba mary dengdairei, tokalawi mang y awm nai Rimon mary y khrairei, Jerusalem mary tengpang sahawi i khaileaungchi adyh ai nai padyh u ai nai tla. Jerusalem mary py tengpang sahawi i khaileaungchi tleaung y asang naimy awm ai. Hini mary ly Benjamin apai katheu dengdairei, katheu kangngym awm nai mary taki i apai katheu khrairei py, Hananela yhm ka-sang dengdairei, samrang i yhm, kreip athai nipra angawmchira y khrairei py awm ai.

ZEKHARIAH 8:16

Nangchi sa ai avo naichi ly amy tengtawi leu kateng katheu ai nai hawi, adyh adawi ai nai molam, meitang naimy tara chih u ai nai ne.

ZEKHARIAH 8:19

Palyh lo, pa-ngo lo, saryh lo hawi lo horei khala y sa nai biu hai nai pawichi ly Juda khumichi i vui amo theu naira lawm ai. Nangchi ly kateng lam hawi tlamsa naira ngai ai nai tla,” napi.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 14:23

Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

KOLOSA 2:9

Mymy y ly Tameuh i angym naira cheaungkhang ly tlang nga nai awm veng.

AMTENG HAI NAI 21:10

Naibaly ni my ly Phailo y kai ai mawi pui hawi ka-sangra y la vui i, Jerusalem avang pui kachai, Tameuh i nang parai naira awm naimy, Tameuh teng i kani pri mang i dengdairei satla nai ang khen hai:

AMTENG HAI NAI 21:27

naibaly atiti chai y nai amjy mo, amso ngailai nai hawi ka-chawi thui nai keung mo huni theung y tlen py kun ai ny y; Beram Cho i heng naira cha-iu y amyn tajiu angchi nai ngiereichi naini kun ai khyh.

AMTENG HAI NAI 21:3

Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.