ZEKHARIAH 7:9 - Khumi Common Language Bible

⁹ “Jangni y kai ly kaimy i khumichi teng y, ‘Nangchi ly leu meitang adyh adawi iy, leaung leaungrei apahen leungtang ai nai tla.

ZEKHARIAH 7:9 Iomraidhean Croise

2 SAMUELA 9:7

Davida my, “Jei moh, kai ly nang i ampo Jonathan i meimai y, nang ai kang pahen ai. Nang i amsi Sawla i peang nai khaileaung ngiereichi, kang pei teang ai. Nang ai kai i sabawi y kani tleirei, cha nei ai nai pei ai,” napi.

JOBA 31:20

kai ly kaimy i beram kanghura i nga nai beram miu hawi aneang nai ateaungchi, ni ai pei pi nai ne.

JOBA 6:14

Vai i kamta patang naira tym nai neng khala, kai ly Tameuh ai khai su nai py ne sy, khai su y nai py ne sy, ka-ym awm nai ahawichi ai aly ngai nai ne.

LEU KACHENG 21:3

Areng ly kapathypra talam nai tleaung y ly leu meitang adyh adawi nai ai kawn keh.

JEREMIA 22:3

“Kai Areng ly nangchi ai leu meitang naimy kahawichi sa u ai nai leu kang pei. Nangchi ly katapawpra avum nai khumichi ai amo hai u. Cheng takhrachi, nuro nukaichochi, ti y baly neampachy lumaichi ai teng y nairachi hawi ana nairachi py so u moh. Hini kachai meingtymra y kamngo by y nai khumichi ai padei u moh.

JEREMIA 7:23

Na i py kai ly nichi i Tameuh ne iy, nichi py kai i khumichi lawm ai nai molam y, kai i leu tangai u ai nai reita leu kapei nai ne. Cheaungkhangra y amsym ai nai molam y, kaimy pei nai reita lam y tako u ai nai leu pei nai ne.

JEREMIA 7:5

“Nangchi i amhi amtlau nai sai takhra hai u; vai i sa nai kamta ly so u bi moh. Nangmychi tengtawi amkawm naira y, adyh adawi naimy awm u.

Ezekiela 18:8

Ni ly kamran nga ai nai tangka paseng y. Hawi y naichi ai amkyn iy ka-jo ka-thuira y py kahawi padyh padawi pi.

Ezekiela 45:9

Sa thai naira angym nai Areng my, “Israela samrangchi awi, nangchi i kamngo sa nai ly kra bo! Nangchi i khrukhra naira hawi kamjau kamteang sa nai ly anawn u. Kataw kateng hawi adyh adawi nairachi so u. Nangchi ly kai i khumichi ai mymychi pri i nai mana khala py patheu bi reng moh. Hini ly nangchi teng y sa thai naira angym nai kai, Areng my pei nai leu ne.

HOSEA 12:7

Areng my, “Israela khumichi ly Kanan chengchi kamta, paleung akawi parai. Nichi ly teng y nai sie khyry hawi van nai khumichi teng y jo u reng nai ne.

Levi 19:15

Ka-jo kahmchi ai leu meitang naimy chih pi ai nai tla. Khumi kamawn ai patleh takhra moh; kanangchi ai ly meimai khen moh.

AMOS 5:24

Adyh adawi naira ly micheaung tui kamta, hawi naira ly tui kang vai y nai tavo kamta leaung na sy.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

ZEKHARIAH 7:7

Hini ly Jerusalem mary nang chawn nai neng khala y, jangni amochi deung y Areng my pei nai leu ne. Huna nai khala mary sahawi i avangchira y naini, khumi neangneang awm u nai ny y. Tokalawi ngan mang y hawi nidym ngan mang i mawi kheutangchira y py awm u nai ne.

ZEKHARIAH 7:8

Areng ly Zekhariah teng y hina nai leu pei.

MATTHAI 23:23

“Nangchi Reita patiu nai keungchi hawi Pharisai tapawp naichi awi, nangchi ly taham si! Seaungsyn hawi chamaw hawi chija py nangchi ly horei y harei pei u i, Reita leu aly len keh nai, hawi naira py, pahen naira py, ka-ym awm naira py so u y pasi lawh: na i py hunichi nangchi sa ai nai tla veng, naibaly tuni py sa ai khai su ai nai tlo y leang.

LUKA 11:42

“Nangchi Pharisaichi awi nangchi ly taham si! Nangchi ly seaungsyn hawi seaungken hawi amti amjang cheaungkhangchi ly horei y harei pei reng; hawi naira hawi, Tameuh i tamen naira ly dawn katlen vui veng; na i py huni na a nangchi i sa ai nai avo nai ly, takhrachi py khai su y naimy.

JOHAN 7:24

Salo y khen phriu naimy chih moh, na i py hawihai palai dawn iy chih u,” nanai pathang.

JOHAN 7:51

“Ami i labeaung kypkyp y leu thai iy, ni i atiti sa naichi pany y rai kha y, achi i Reita ly khumi ai chih vai a?” napi.

Leu Thui Nai 22:1

“Nangmychi Israela cheng tengtawi leaungrei i si mo, beram mo lam tamang nai niu baly, niu y ka-awi so y naimy yhmkeung teng y tha pi teang ai nai tla.