ZEKHARIAH 5:3 - Khumi Common Language Bible

³ Naibaly kani pri amtaw thau naimy kai teng y, “Pri vereira y amki ai nai amsawi leu ly huni cha aeangra y tajiu nai ne. Cha aeang pheirei mang y ly kangviu khumi ngiereichi ly hini pri i dengdairei, paheng vui naira avum u ai nanai py, takhra pheirei mang y ly vaineng abeu atyhtyh iy ka-chawi thui nai khumi bawibawichi ly tamyh pawn naira avum u ai nanai py, tajiu nai ne.

ZEKHARIAH 5:3 Iomraidhean Croise

THEU NAI 20:15

“Paviu moh.

LEU KACHENG 29:24

Kangviu hawi amkawm nai khumi ly kangviu sara i hawi y keh nai paleung ka-e ne. Ni ly tara jeung y leu kateng thui lawh teu baly, kangviu sara ly pajeng naira avum ai. Huna nai kamta thui y lawh baly, Tameuh my ni i tlang tleaung y amsawi lawi hai sy.

LEU KACHENG 3:33

Areng ly khumi hawi y naichi i yhm ai amsawi lawi hai iy, khumi kahawichi i yhm ai ly amtheaung hai nai ne.

LEU KACHENG 30:9

Kai ly ngai nai tleaung y nga panawi lawh teu baly, nang ai khai su lawh na. Kamawn lawm lawh teu baly kangviu kasa ai i, kai ly Tameuh i amyn amso ngai hai lawh ai.

ISAIA 24:6

Hunai deaungkho y Tameuh ly khaileaung y vaineng lawi hai bo. Khaileaung i khumi bawibawichi py, mychi i sa tamang nai kamngo vang amtym u bo. Dei kamthumchi py di tleaung dira nai ne.

ISAIA 43:28

Nangchi i samrangchi ly kai i Achura yhm y chai hai ynai ne. Hunai deaungkho y kai ly Israela pri ai phra hai iy, kai i khumichi ai kangji nga hai bo,” napi.

ISAIA 48:1

Nangchi Juda kangpreang Israela chengchi awi, hini leu tangai u: Nangchi ly Areng i amyn y vaineng abeu u iy, Israela chengchi i Tameuh ai kachiu u bo, nanai thui u; na i py nangchi i leu ly sairei py teng y.

JEREMIA 23:10

Achi i pri ly Areng i tlang tleaung y ka-ym by y nai khumichi hawimy kawi na bo. Nichi ly teng y naichi sa iy, mychi i sa thai naira ai teaung u atyhtyh nai ne. Achi i pri ly Areng i amsawi lawi nai deaungkho y, vo tangam naimy tawnbawichi sui tlai naira py, jengha na veng bo.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 5:2

Nangchi my, Areng ly heng nai ne, nanai vaineng abeu u teu i py, nangchi ly teng y nai vaineng abeu u nai ne.

JEREMIA 7:9

Nangchi ly paviu nai, khumi ai padei nai, ami i aju ai taphra nai, ka-chawi naimy vaineng abeu nai, Bala tameuh teng y apathyp nai hawi nangmychi pany vai y nai tameuhchi ai chiu u bo.

Ezekiela 2:9

Naibaly cha aeang harei syn nai kiu makengrei ly kai i awm naira mang y talam pi nai kaniu.

DANIELA 9:11

Israela cheng verei malawn py nang i reitachi ai tangai y i, leu pei naichi khai u su bo. Kaichi ly nang i tlang tleaung y kamngo sa u nai ne i, nang i miseaung Mosi i reita theung y tajiu nai vainengchi ly kaichi teng y lawi hai bo.

HOSEA 4:2

Nichi ly leu meitang teaung y nai, ka-chawi thui nai, khumi ai padei nai, ami i yhmtheaung paviu nai, ami i aju chanau ai taphra nai, hunichi sa nai ne. Reita ai dawndan y nai awm ngaulau iy, khumichi ai avaw avawrei padei u bo.

Levi 19:11

“Ami i vawnsai paviu moh, ami ai tapawp moh, ka-chawi thui moh.

Levi 19:12

Sa khyp ai ny y pui naimy kai i amyn y tau iy leu adeu moh. Huna nai sa nai y kai i amyn taphra moh. Kai ly nangchi i Areng Tameuh ne.

AMOS 3:10

Areng my, “Nichi ly mychi i yhm puichi ai athorei my lawm nai hawi khrukhra hai iy nga nai vawnsaichi hawimy kawi hai na bo. Nichi ly leu meitang ai malawn py pany thai u y.

ZEKHARIAH 5:4

Ati cheaungkhang sa thai nai keung Areng my, kai ly hini amsawi ai kapato ai i, huni ly kai i amyn y tau iy ka-chawi leu thui nai khumi ngiereichi hawi, kangviu khumi ngiereichi i yhmchira y awm ai. Huni yhmchi py amsawi leu theu vui nai khala, phra seaungkhrang naimy awm ai,” napi.

ZEKHARIAH 8:17

Nangchi ly amy tengtawi khrukhra hai ai nai ka-dawnchi so u moh. Vaineng abeu iy ka-chawi naimy pany hai u moh. Ka-chawi thui nai, teng y nai kalop hawi kamjau kamteang sa naichi ai kai ly niu ngai y,” napi.

MALAKHI 3:5

Ati cheaungkhang sa thai nai Areng my, “Kai ly tara chih ai nai nangchi teng kang jeu iy, dawi sa kawp naichi, ami i aju chanau ai taphra naichi, teng y nai pany hai nai keungchi, amy i kalop sa pi naichi tlang tleaung y sa vang kateng pei y nai khumichi, neampachy lumai, nuro nukaicho hawi cheng takhra khumichi ai kamjau kamteang ana nai khumichi hawi kai ai tahm khai y nai khumi ngiereichi ai, vaimy pany hai ai.

MALAKHI 4:6

Ni ly ampochi hawi cho chanauchi ai, pangym pi ali teang ai; huti y baly kai kang jeu iy nangchi i pri taphra ai,” napi.

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

LUKA 21:35

Hunai kamta khyp khaileaung tleaung i awm nai bawibawichi teng y ly tym ai.

EPHESI 4:28

Paviu nai khumi ly paviu bi moh jau sy; huna nai ny y naimy avaw nai khumi teng y atiti pei ai nai awm thai ai nai, mymy i kiu y atiti kahawi akawm pa-rei so sy.

I TIMOTHEI 1:9

Reita ly khumi kahawi i vui y sa nai ny y leang, Reita taphra naichi hawi leu tangai y naichi i vui py, Tameuh ai dawn y naichi hawi khumi kamngochi i vui py, chai y nai khumichi hawi Tameuh ai tahm khai y naichi i vui py, amhm ampochi ai pakhau naichi i vui py, khumi ai tleh naichi i vui py,

JAKOB 5:12

Na i py amjo amnauchi awi, nangchi ly ati mo sa i py vaineng abeu u reng moh, kani tauh i mo, khaileaung tauh i mo, ati takhra amyn y py tauh iy vaineng abeu u reng moh: na i py nangchi i “Ne,” nanai ly “Ne nai” ne sy, “Ny y,” nanai ly “Ny y nai” ne sy: ti y baly nangchi sum naira ngo lawh na.

JAKOB 5:4

Khen cham, nangchi hlau choh tyh tham naichi ai tapawp nai pei y nai vang ly aeu; naibaly choh tyn naichi i aeu nai ly Mipuichi i Areng Tameuh i kano y kun bo.

JOSUA 9:20

Achi i asa yb nai vaineng molam y, nichi ai tlamsa naira pei ai nai tla. Achi my adeu nai leu patawm y baly, Tameuh my achi ai ang pajeng ai.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.

AMTENG HAI NAI 22:15

Angam mang y ly uichi py, atam kawpchi py, angai naichi py, khumi ai padei naichi py, myn y chiu naichi py, ka-chawi thui jeaung reng iy ka-chawi sa naichi py awm u bo.