ZEKHARIAH 3:4 - Khumi Common Language Bible

⁴ Kani pri amtaw thau nai ly my i nithun abang nai kani pri chochi teng y, “Hini khumi i amchiu nai chai y nai ateaungchi leng pi vui,” napi chum baly Josua teng y, “Kai ly nang i kamngo kang la pi vui iy, nang amchiu ai nai ateaung kangthachi kang pei ai,” napi.

ZEKHARIAH 3:4 Iomraidhean Croise

2 SAMUELA 12:13

Davida my, “Kai ly Areng i ngai y nai kasa lawh bo,” nanai ahui baly Nathan my, “Areng ly nang i kamngo pahen bo i, deira i nai lawi hai bo.

1 ARENG KEH 22:19

Mikha my Ahab teng y thui pi bi nai ly “Vai ly Areng i leu pei nai tangai ba! Areng ly kani pri mang y awm nai mymy i atehra tleaung y ateh nai ai py, mymy i sahawi y kani pri amtaw thau naichi angdo nai ai py kaniu bo.

SAM 51:9

Kai i kamngochira i nai meimai hi vui iy, kai i sa tamang nai ngiereichi ai taphra pi pyn kyh ba.

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

ISAIA 44:22

Kai ly nangchi i kamngochi ai khupanym kamta, akheang hai pawn bo. Kai teng y jeu u ali teang; nangchi ai atleu nai keung ly kai ne.

ISAIA 52:1

Jerusalem mary awi, nang ly atho alo teang ly lo-pa teang jau ba! Tameuh i mary pui kachai awi, nangmy ai phum-ang hawi khiu ba! Pri takhra chochi ly mo mang y mana khala py, nang i apai pa-kho theung y kun u ai ny y.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 61:3

Zion mary i paleung si vo tangam nai khumichi teng y, vo tangam nai i jeng y amo theu naira py, paleung mawn nai i jeng y palo nai khulym py, pei ai nai mymy ly kai ai pato bo. Nichi ly Areng i nang parai nai amteng hai ai nai, Tameuh my ui nai, hawi naira napi nai Ngopraibiu keungchi kamta cheang u sau ai.

JEREMIA 52:33

Hunai deaungkho y Jehojakhin ly theaung i ateaungchi aleng ai nai nga iy, heng nai sala ryrei samrang hawi vanrei cha nei ahawi ai nai nga.

Ezekiela 36:25

Kai ly nangchi ai tui kachai hawi katheng iy, nangchi i mynchi hawi nangchi ai chai hai y nai ngiereichi ai py chai hai bawibawi ai.

Ezekiela 42:14

Pathyp pi nai keungchi ly Achura yhm theung y tym nai bo y, Achura yhm apai angam mang ly-um y theu ai nai ngai baly, Areng teng y apathyp nai thym khala i amthyp nai ateaung kachaichi ai, huni takunchira aleng ai nai tla. Nichi ly khumi humchi achu naira mang y theu y rai khala, ateaungchi atha ai nai tla,” napi.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

MIKHA 7:19

Nang ly kaichi ai pahen pi bi ai. Nang ly kaichi i kamngochi ai chiu piupa iy, pangli theung y aphi pi vui ai!

ZEKHARIAH 3:1

Areng i kani pri amtaw thau nai mo y pathyp pi nai keung kalen keh Josua angdo nai ai, takhra paleung mei niu naira y Areng my patei pi bo. Naibaly Josua i sahawi y setanangdo. Ni ly Josua ai thui tamawn ai nai angvei yb bo.

ZEKHARIAH 3:7

ati cheaungkhang sa tha nai Areng my, “Nang ly kai i reita leuchi ai tangai iy, nang teng y kaimy kang pei nai kalopchi sa ai na baly, kai i Achura yhm hawi Achura yhm apaichi kry ai nai nga bi ai. Kai py kaimy i mo y awm nai kani pri amtaw thau naichi i chiu sa hnei takeng naichi thai nai kamta, nang i chiu sa nai py thai ai.

ZEKHARIAH 3:9

Amhi mawi saryhrei awm nai lengseaung ai py, Josua i mo y kakhai ai. Huni lengseaung salo y cha mawi katajiu iy, hini pri i kamngochi ly kanirei y my, kala pi vui ai.

MATTHAI 22:11

“Na i py samrang ly huni heang naichi ai khen ai nai kun iy, apom nai kanih akhiu y nai leaungrei ai hu y niu bo.

LUKA 1:19

Naibaly kani pri i amtaw thau nai my ly pathang i mymy teng y, “Kai ly Kabriela, Tameuh i mo y angdo reng nai ne: nang hawi arum ai nai hawi, hini satang kahawi kang thui pi ai nai ang pato nai he.

LUKA 15:22

Na i py ampo my ly mymy i miseaungchi teng y, ‘Kanih hawi keh nai lo kaliki ly, akhiu hai u; kiu pajeung y kiu sabyh hawi, kheu y phainai py pachu hai u,

JOHAN 1:29

Naibaly mymy ly khawn mang y Isu ai ni teng y jeu ai tau nai niu i, “Khen cham, Tameuh i Beram Cho, khaileaung pri i kamngo la pi veng nai keung ho!

ROM AVANGCHI TENG Y PAWLA I CHA PA NAI 3:22

huni ly mana mo nabaly Isu Krista ai ym nai deaungkho y Tameuh i hawi naira ly ym nai ngiereichi teng y amteng hai nai ne:

ROM AVANGCHI TENG Y PAWLA I CHA PA NAI 6:23

Ati mana nai mo nabaly kamngo vang ly dei naira ne; na i py Tameuh i jawm pei nai ly achi i Areng Isu Krista i saho y deungtasarei heng naira ne.

I KORINTH 6:11

Naibaly nangchi phyreichi ly jangni y huna nai khumi ne chy bo; na i py nangchi ly Areng Isu Krista i amyn y hawi, achi i Tameuh i Phailo y py amju bo, nangchi ai ly pachai bo, nangchi ly eaung naira nga bo.

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

KOLOSA 3:10

huni khumi kangtha ai ly pany angym naira nga hai ai nai, ni ai sa nai keung atawm khyp nai kangtha sa hai dudu nai ne;

HEBRAI 8:12

Nichi i taphra naira y kapahen ai, Naibaly nichi i kamngochi py tlen py kapany pi jo y leang bo,” ang napi.

AMTENG HAI NAI 5:11

Naibaly kai ly khen i, areng atehra hawi heng nai amjy palyhreichi hawi, miteaung kehchi ai taki teungtareung nai kani pri i amtaw thau nai neangneangchi i raawi kathai: nichi i nawi nai sai ly meaungkateaung neang neangchi, sang neangneangchi ne.

AMTENG HAI NAI 7:14

Naibaly kai ly ni teng y, “Areng, nang ly pany bo,” kanapi. Naibaly mymy ly kai teng y, “Hinichi ly patang parai naira i dengdairei theu u naichi ne, nichi ly Beram Cho i thi y nichi i kanihchi pasiu iy, kaleung hai bo.