ZEKHARIAH 3:2 - Khumi Common Language Bible

² Areng i amtaw thau naimy setan teng y, “Aw setan awi, Areng my nang ai kamngo pajeng sy; Jerusalem mary ai tamen nai Areng ly nang ai kamngo pajeng sy; hini khumi ly mai theung i ajiu vui nai thengbeang hawi atawm nai ne,” napi.

ZEKHARIAH 3:2 Iomraidhean Croise

2 NENG SATANG 6:5

‘Nichi ai Aikupta pri i kapahawi nai neng dengdai vaini khrairei, kai ly mani Israela marychi ai py, kai ai chiu nai meingtym palawn ai nai vawi takhra y leang. Mani khumi ai py kai i khumi Israela chengchi ai lu sa ai nai vawi takhra y leang.

2 NENG SATANG 6:6

Na i py vai kai ly Jerusalem mary y kai ai chiu ai nai meingtym palawn nai py, kai i khumichi ai peang ai nai keung y nang Davida ai kang vawi takhra nai ne,’ nanai leu pei bo,” napi.

SAM 109:31

Ati mana nai mo nabaly nang ly khumi kamawnchi ai ama hai iy, ni ai dei ai nai pa-rei pasum u nai khumichi kiu i, atleu pi nai deaungkho y ne.

ISAIA 7:4

Ni ai tau awm ai nai, paleung khaw ai nai, kaso theu y ai nai hawi paleung khrukhra y ai nai thui pi. Samrang Rezin hawi vanrei Suria khumichi i kado theu nai hawi samrang Pekah i kado theu nai ly maisaku nyhrei mang theu nai maikhyh tanrei, ka-jeira pei pajau y leang.

DANIELA 12:1

Ateaung kanem amthyp nai kani pri amtaw thau naimy, “Huni neng khala y tahm asang parai nai kani pri amtaw thau nai Mikhaela ly amteng ai. Ni ly nang i chengchi ai kry nai keung ne. Naibaly khumi neangneangchi awm angchei khala i dengdairei, mana khala py avum vai y nai ngari kamtang avum nai neng tym ai. Huni neng tym nai khala y Tameuh i cha-iu theung y amyn abawi yb nai khumi, nang i cheng bawibawichi ly law tleaung naira nga u ai.

AMOS 4:11

“Kai ly Sodom hawi Komora mary ai taphra nai kamta, nangchi theung i khumi phyreichi ai py taphra vui bo. Dei kamthum khumichi py, mai theung i ajiu teang nai thengbeang hawi atawm nai ne. Na i py nangchi ly kai teng y jeu y naimy awm u bo,” nanai Areng my thui.

ZEKHARIAH 1:17

Kani pri amtaw thau naimy kai teng y, “Ati cheaungkhang sa thai nai Areng ly mymy i marychi bi-ai ali teang ai nanai py, mymy ly ang jeu ali teang ai i Jerusalem mary ai sabawm iy, mymy i peang nai mary pui palawn vui ai nanai py, amthang hai ba,” nanai ang thui pi bo.

ZEKHARIAH 2:12

Hunai bi baly Juda khu ly nang parai nai pri theung y, Areng i vawi patyp nai meingtym lawm ai. Jerusalem mary py mymy i khrei keh nai mary lawm ai.

MARKA 1:25

Naibaly Isu my ni ai jo i, “Katheu moh; ni i taku theung i nai theu jau,” napi.

MARKA 9:25

Naibaly Isu ly khumi mipuichi angpreng achu dudu nai niu kha y, vawinam ai jo i ni teng y, “Nang vawinam leu katheu thai y nai hawi kano kapang awi, ni i taku theung i nai theu ly, kun bi moh, nanai leu kang pei,” napi.

LUKA 22:32

na i py nang i ym naira phra y ai nai chiu kang sa pi bo; nang ly hi ali teang nai khala y ly nangmy i amjo amnauchi ai khaw hai ba,” napi.

LUKA 4:35

Naibaly Isu my ni ai jo i, “Katheu moh, ni i taku theung i nai theu jau,” napi. Naibaly vawinam ly ni ai sala y atlym hai chum iy, no hai y naimy ni i taku theung i nai theu.

LUKA 9:42

Naibaly ni ly jeu nai thym khala y vawinam my ly ni ai atlym hai khup iy khri pa-rei kyn hai lawh. Na i py Isu ly vawinam ai jo i, deaungdi ai ly hawi sa iy ampo teng y pei ali teang bo.

JOHAN 13:18

Kai ly nangchi bawibawi i satang thui nai ny y leang; kai i vawi naichi ai ly kaimy pany, na i py ‘Kai hawi biu cha nai khumi my ni i kheu patui y tapi vui bo,’ nanai Tameuh i cha-iu leu tym hai ai nai.

ROM AVANGCHI TENG Y PAWLA I CHA PA NAI 16:20

Naibaly aly nai Tameuh my ly nangch i kheu padawi anui y Setan ai ly ang chiu hai piupa praw ai. Achi i Areng Isu Krista i pahenra ly nangchi teng y awm sy.

ROM AVANGCHI TENG Y PAWLA I CHA PA NAI 8:33

Tameuh i vawi nai khumi ai ly ami my ang seu ai mo? Eaung hai nai keung ly Tameuh ne khy veng;

I JOHAN 3:8

kamngo sa nai keung ly diabola i ne: diabola ly angchei kha i dengdairei atiti kamngo sa nai ne. Tameuh i Chapo ly diabola i sa nai sai taphra thai ai nai amteng nai ne.

JUDA 1:23

tlang kakhawi akau nai ateaung mang y amso awm nai py niu ngai y naimy, jei nai tarawi y phyreichi ai pahen u.

JUDA 1:9

Na i py Mikaila, kani pri i amtaw thau nai salo keh i nai my ly Mosi i veu molam y aei hawi nai thym khala y diabola ai chih pi nai thui tamawn vam y naimy, “Areng my nang ai jo sei sy,” napi alam.

AMTENG HAI NAI 17:14

Hunichi ly Beram Cho ai tiu ai i, Beram Cho ly arengchi i Areng, samrangchi i Samrang ne nai deaungkho y nichi ai pajau ai: mymy teng y awm naichi py, palau nai, vawi takhra nai, ka-ym awm naichi ly pajau u teang ai,” napi.