ZEKHARIAH 3:1 - Khumi Common Language Bible

¹ Areng i kani pri amtaw thau nai mo y pathyp pi nai keung kalen keh Josua angdo nai ai, takhra paleung mei niu naira y Areng my patei pi bo. Naibaly Josua i sahawi y setanangdo. Ni ly Josua ai thui tamawn ai nai angvei yb bo.

ZEKHARIAH 3:1 Iomraidhean Croise

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

ATITI AWM ANGCHEI NAI 48:16

Kai ai vaini khrairei ang typ nai keung Tameuh, rai naira cheaungkhang i nai kai ai atleu nai keung Angel my nini ai amtheaung hai sy! Nichi ly kai i amyn hawi, amsi Abraham, kai i ampo Isaka nini i amyn khaw hai jo sy! Nini ly chanau neangneang sa iy, kangpreang neangneang peung u sy,” napi.

1 NENG SATANG 21:1

Setan ly Israela khumichi ai patang hai ai ngai nai deaungkho y, Davida ai khumi amyn vuikanai la ai nai dawn hai bo.

2 NENG SATANG 29:11

Deangchi awi, neng patyh hai atyhtyh moh; Areng teng y mui katui leng patlum ai nai hawi, mymy ai chiu naira y lu sa ai nai mymy i vawi takhra nai khumi ly nangchi naini ne,” napi.

EZARA 10:18

Hini ly cheng takhra neampachychi hawi yhmtheaung sa nai khumichi i vuikanai ne. Nupai ka-thui pathyp pi nai keungchi Josua nupai hawi ni i amnauchi, Jehozada i chapochi napi nai Maaseiah, Elieza, Jarib hawi Kedalia.

EZARA 2:2

Nichi i lu sa nai keungchi ly Zerubabela, Josua, Nehemia, Seraiah, Relaiah, Modekai, Bilashan, Misapa, Bikavai, Rehum hawi Baanachi ne. Hinichi ly pri pala nai chochi i vawi ali teang nai Israela cheng theaungchi i nupai vuikanai ne.

EZARA 5:2

Sheltiel i chapo Zerubabela hawi Jehozada i chapo Josua nini ly hini amteng hai nai leuchi thai nai khala y, Jerusalem mary Achura yhm ai sa u amteaung teang bo. Amo leaung nyhrei ly nichi ai sabawm nai ne.

SAM 106:23

Tameuh ly mymy i khumichi ai tamyh vui ai, nanai leu pei nai khala y, mymy i vawi takhra nai miseaung Mosi my paka nai deaungkho y, mymy i kado theu nai ly rym i, nichi ai tamyh y nai ne.

SAM 109:6

Kai i paleung ka-echi ai tara chih ai nai, un cha nai tara chih keung ai, khai takhra pi kyh ba; ni i paleung ka-e leaungrei my, ni ai seu hai ba.

JEREMIA 15:19

Huna nai takeng nai khala y Areng my, “Nang ly kamngo uikheih ai nabaly, nang ai kawn leaung ai. Nang py kai i miseaung lawm ali teang ai. Nang ly vang teng y nai leu katheu y naimy tahm awm nai leu katheu lawh baly, kai i amo lawm ali teang ai. Khumi mipuichi ly nang teng y vawi u teang ai. Nang ly nichi teng y chei ai nai aly ngai y leang bo.

Ezekiela 44:11

Nichi ly Achura yhm katheu pa-kho typ nai kalopchi, Achura yhm i atiti kalopchi napi nai, kai i kalopchi sa ai nai nga u nai ne. Nichi ly leng patlum nai katalamrachi hawi apathyp ai nai i vui y, khumichi my pei nai tawnbawichi tleh ai nai nga u; huni bo y py nichi ly atitichi sabawm ai nai Achura yhm y awm ai nai tla.

Ezekiela 44:15

Sa thai naira angym nai Areng my, “Na i py takhra Israela chengchi my kai ai nithun thun nai khala, Zadok i kangpreang Levi khumi pathyp pi nai keungchi ly Achura yhm y kai i kalop ai, ka-ym awm parai naimy sa u jojo nai ne. Hunai deaungkho y nichi ly vai, kai i kalop sa nai khumichi lawm u ai. Kai i mo y jeu iy tawnbawichi i thau hawi thi talam u ai.

HAKAI 1:1

Pasia pri empara samrang Dari i peang nai pa-nyh saneng, tariu lo, kani harei kani y Areng my amo Hakai teng y pei nai leu ne. Huni leu pei nai ly Juda samrang i bangtang kalen Shealtiel i chapo Zerubabela hawi, pathyp pi nai keung kalen keh Jehizada i chapo Josuachi i vui ne.

HAKAI 1:12

Naibaly Shaltiel i chapo Zerubabela, pathyp pi nai keung kalen keh Jehizada i chapo Josua hawi Babulon pri y pri pala naira i vawi teang nai mipui bawibawichi ly mychi i Areng Tameuh my leu pei nai kamta sa u bo. Nichi ly jei hyn nai deaungkho y, Areng my pato nai amo Hakai i thui nai leu tangai u bo.

HAKAI 2:4

Na i py aw mipuichi awi, paleung atho di u mo? Kai ly nangchi hawi vanrei awm nai ne iy, nangmychi sa ai awm nai kalop naini, nangchi so u.

ZEKHARIAH 1:13

Areng ly kani pri amtaw thau nai teng y paleung pahawi nai leuchi thui pi nai deaungkho y,

ZEKHARIAH 1:19

Kai ly kaimy hawi vanrei leu arum nai kani pri amtaw thau nai teng y, “Hini taki palyhrei i awm nai sai ly ati mo?,” nanai kadeng cham bo. Huni kani pri amtaw thau nai my, “Huni takichi ly Juda khumi, Israela khumi hawi Jerusalem mary i khumichi ai ahei hai phro nai khaileaung pri i sa thai naira awm nai khumichi ai pata nai ne,” napi.

ZEKHARIAH 1:9

Kaimy ni teng y, “Areng awi, hini keaungngochi i awm nai sai ly ati mo?,” napi. Ni my, “Nichi ly ati mo, nanai kaimy thui pi ai.

ZEKHARIAH 2:3

Naibaly kai hawi leu arum nai kani pri amtaw thau nai ly mo y ang jeu i, takhra kani pri amtaw thau nai leaungrei my, niteng y jeu i ka-vum sa nai kaniu.

ZEKHARIAH 3:8

Hunai deaungkho y pathyp pi nai keung kalen keh Josua awi, tangai ba. Josua i ahawi pathyp pi nai keungchi awi, mo mang i vui rengrang ka-ma-ra nga nai khumichi awi, tangai u. Kai ly “Sai kadeu” nanai amyn pathi nai kaimy i miseaung amthawn hai ai!

ZEKHARIAH 4:14

Huna nai khala kani pri amtaw thau nai my, “Hinichi ly khaileaung pri verei y peang nai keung, Tameuh i kalop sa ai nai mymy vawi takhra iy khai takhra pi nai khumi leaung nyhrei ne,” ang napi.

ZEKHARIAH 6:11

Nichi my pei nai muku, tangkachi hawi areng lukhym harei sa iy, Jehozada i chapo pathyp pi nai keung kalen keh Josua i lu y amym hai ba.

MALAKHI 3:1

Ati cheaungkhang sa thai nai Areng my, “Kai ly kaimy i amtaw thau nai ai pato iy, kaimy i lam sa hai rym ai. Naibaly nangchi ajeng nai Areng ly mymy i Achura yhm y vaimy ang tym ai. Nangchi ajeng nai amtaw thau nai ly jeu iy, kai i Leu Maikawm satang pany hai ai,” napi.

LUKA 21:36

“Hunaibaly huni atiti tym ai nai bawibawi ly nangchi lawi ai ataing ai nai hawi, Khumi i Chapo i mo y angdo ai ataing ai nai py, mana khala y py chiu sa nai tarawi y ajeng u paryp,” napi.

LUKA 22:31

“Simon, Simon, khen cham, setan my choh alai nai kamta alai thai ai nai nangchi ai ang hnei na a;

Leu Thui Nai 10:8

Mawisalo y Areng ly Levi theaungchi teng y Leu Maikawm Pawm kry ai nai py, pathyp pi nai keung kalop sa ai nai py, mymy i amyn y amtheaung hai nai kalop py au nai ne. Nichi ly vaini khrairei huni kalopchi sa u bo.

Leu Thui Nai 18:15

Areng ly nangchi cheng theaung theung i, kaimy ka-tawm amo leaungrei pato pi ai i, ni i leu phai tangai u.

I PETERA 5:8

Amkym u ly, atyp u; nangchi i paleung ka-e diabola ly pa-u reng nai khrangsi takai kamta ly ang cha thai ai naira hau nai ami kalaka na veng;

1 SAMUELA 6:20

Hunai deaungkho y Beth Sheme mary i khumichi my, “Chai parai nai Tameuh napi nai Areng i mo y ami kham pajau ai mo? Achi hawi palo pa-rei, mymy ai mani mang y tha vui ai mo?,” nanai thui u bo.