ZEKHARIAH 13:3 - Khumi Common Language Bible

³ Naibaly amimi py ne sy, amo leu thui veangveang nai khumi awm rai baly, ni i amhm ampochi ly ni teng y, nang ly Areng i leu thui pi pateang nai ne i py, ka-chawi leu naini teaung nai deaungkho y, deira avum ai, nanai thui iy huni khumi thui nai thym khala y my, ni i amhm ampo ly ni ai haisau hawi thun iy padei ai.

ZEKHARIAH 13:3 Iomraidhean Croise

JEREMIA 23:25

‘Kai amang amang, kai amang amang,’ nanai mychi i amang mang y kai i leu pei nai thai, nanai kai i amyn y ka-chawi thui nai amochi i leu kai pany.

JEREMIA 23:34

Amo my mo, pathyp pi nai keung my mo, khumi leaungrei my mo, ‘Areng i mynji,’ nanai leu sai teaung lawh teu baly, kai ly huni khumi hawi, ni i yhm dengtheungchi ai kapajeng ai.

JEREMIA 28:15

Hunaibaly kai ly ananiah teng y, “ananiah awi, tangai ba! Areng ly nang ai ang pato nai ny y. Nang ly hini khumichi ai, nangmy ka-chawi leu ym ai nai sa nai ne i,

Ezekiela 13:23

Hunai deaungkho y nangchi ly teng y nai paleung mei y niu naichi ai, niu u ali bi ai ny y; lam tamang naira y tym hai nai leuchi thui u bi ai ny y. Kai ly Areng ne, nanai nangchi pany thai ai nai kai i khumichi ai, nangchi kiu i nai kaimy atleu ai,” napi.

Ezekiela 14:9

“Amo ly parawi naira avum iy teng y nai amo leu katheu baly, huni amo ai kai, Areng my parawi nai ne. Kai i kiu pheu naimy ni ai tiu iy Israela cheng theung i nai patheu vui ai.

Ezekiela 43:7

Mymy ly “Nang khumicho awi, hi y ly kai i areng atehra awm; kai i kheu chiura meingtym ne. Kai ly hini meingtym y Israela chengchi hawi vanrei awm ai i, nichi ai deungtasarei peang ai. Israela chengchi py ne sy, nichi i samrangchi py ne sy, phailo mang y kamleaung sa nai py, samrangchi i veu ai meingtym ka-sangra y up nai py, kai i amyn kachai y mana khala py thui tamawn bi ai ny y.

MATTHAI 10:37

Ami py mymy i amhm ai mo, ampo ai mo, kai tleaung y tamen keh lawh nai ly kai i khumi lawn ai nai ataing y leang; ami py mymy i chaniu ai mo, chapo ai mo kaimy tleaung y tamen keh lawh nai py kai i khumi lawn ai nai ataing y leang.

LUKA 14:26

“Ami py kai teng y jeu nai ly mymy i ampo hawi amhm hawi, aju hawi chanauchi hawi, mymy i amjo amnauchi hawi tuichochi hawi, mymy i hengra ai py niu ngai y nai by y baly, kai teng y abang nai khumi lawn thai y leang.

II KORINTH 5:16

Hunai deaungkho y kaichi ly vai i dengdairei tlang mang y ly ami ai py pany y; kaichi ly tlang y Krista ai ly pany chum teu iy py, vai ly mymy ai pany y leang bo.

Leu Thui Nai 18:20

Kaimy leu pei y naimy kai i amyn y leu thui vam nai amo ai py, tameuh takhrachi i amyn y leu thui nai amo ai py, padei ai,’ napi.

Leu Thui Nai 33:9

Naibaly nichi ly mymychi i amhm ampo, amjo amnau, cho chanauchi ai tamen nai tleaung y nang ai tamen keh. Nichi ly nang i leu pei naichi tangai u iy nang i Leu Maikawm ai py kry u bo.