ZEKHARIAH 10:2 - Khumi Common Language Bible

² Khumichi ly tameuh mynchi, mynchi, leung sarachi teng y deng u bo. Na i py nichi i nga nai leu ly ati sai py ny y nai, ka-chawi leuchi ne. Phyrei khumichi ly amangchi thui pachai u; na i py nichi ly nangchi ai teng y nai lam mang y naini ang pahawi reng. Nichi teng i nga nai awmnem naira py, atyhtyh teu. Hunai deaungkho y khumichi ly lam tamang nai beramchi kamta, aki aleaung u bo. Lu sa nai keung by y i, patang naira avum u nai ne.

ZEKHARIAH 10:2 Iomraidhean Croise

ATITI AWM ANGCHEI NAI 31:19

Labana ly mymy i beramchi ai mui vau ai nai chei vui nai sala y Rakeli ly ampo i tameuh mynchi paviu pi veng nai ne.

1 ARENG KEH 22:17

Huna nai khala Mikha my, “Israela mipuichi ly typ nai keung by y nai beramchi kamta, mawi saleungchira y ahei phro nai kai kaniu. Areng my, ‘hini khumichi ai lu sa nai keung by y; nichi ai mychi i yhm mang y tlamsa naimy vawi ai nai phai pei pi,’ nanai leu ang pei,” napi.

JOBA 13:4

Nangchi ly nangmychi i, tau cheng naira by y nai ai ka-chawi leuchi hawimy tamym u bo. Nangchi ly mani khumi kano ai py, no hawi pa-rei so thai y nai asi sara hawi atawm.

JOBA 21:34

Na i py nangchi ly kai ai ati sai py ny y nai leuchi hawi paleung pahawi u lawh ly! Nangchi patheung u teang nai leuchi ly ka-chawi leu ne!

ISAIA 41:29

Hini tameuh bawibawichi ly ati sai py ny y. Nichi ly ati sai py so u thai y. Nichi i mynchi py jy iy, sa thai naira by y.”

ISAIA 44:25

Kai ly leung sarachi ai kamthu lawm hai iy, ka-si kamhi pany nai keung i thui naichi phra hai bo. Khumi kachengchi i leu ei vui iy nichi i cheng naira ly ka-khum teu, nanai pany hai bo.

ISAIA 44:9

Myn sa nai keung bawibawichi ly vang teng y nai khumichi ne iy, nichi i tahm khai nai tameuhchi py ati sai py ny y. Huni tameuhchi ai chiu nai khumichi ly mei paju naichi, tau cheng naira by y nai khumichi ne. Nichi ly kangji nga u ai.

ISAIA 46:5

Areng my, “Nangchi ly kai ai mani khumi hawi pata u ai mo? Kai hawi atawm nai tameuh takhra awm rai a?

JEREMIA 10:8

Nichi bawibawi ly ka-khum hawi khumi aso y naichi ne. Dengkeaung mynchi my ly nichi ai ati amtiu naira pei pajau ai mo?

JEREMIA 14:13

Huna nai khala y kaimy, “Aw Areng, hini pri y tavai takai hawi takang theu nai ka-jeira tym ai ny y; tlamsa naira naini awm ai, nanai amochi my thui nai ly nangmy pany nai ne,” napi.

JEREMIA 14:22

Khumi cheng cheaungkhangchi my chiu nai mynchi ly kani nai hai thai y leang. Kani tui ly mymy ngai ngai kani amaichi tlo hai thai y leang. Nang naini hini atitichi ai sa thai khyh nai deaungkho y, Kaichi i Areng Tameuh, kaichi ly nang ai athang khai u nai ne.

JEREMIA 23:17

Nichi ly kai i leu tangai ai nai akhi nai khumichi teng y, ‘Nangchi i vui atitichira y amsym ai, nanai,’ thui u jojo. Paleung tang naichi teng y py, ‘Nangchi i tlang tleaung y mana mo khala py, ka-jeira tym hai ai ny y,’ nanai thui u nai ne,” napi.

JEREMIA 23:32

Kai, Areng my leu pei naichi tangai u! Ka-chawi cheichei abawi nai mychi i amang satang thui nai amochi ai kai ly ka-awi sa ai. Nichi ly huni amangchi ai ka-chawi naimy amlyh iy thui nai deaungkho y, kai i khumichi ai lam tamang hai u nai ne. Kai ly nichi ai kapato y, chei ai nai py leu pei y. Hunai deaungkho y nichi ly khumichi i vui y, ati sai py hawi naira by y. Hini ly kai, Areng i thui nai leu ne,” napi.

JEREMIA 27:10

Nichi ly nangchi teng y ka-chawi naimy ang thui pi nai ne. Hunaibaly nangchi ly nangmychi pri i dengdairei, pri kamlora y hawi vui nai avum u ai. Kai py nangchi ai kang patheu pawn ai; nangchi ly myh kang u ai.

JEREMIA 27:14

Babulon samrang i miseaung y awm y ai nai, nang ai ang thui pi nai amochi i leu tangai moh. Nichi ly nang ai ang tapawp nai leu thui nai teu.

JEREMIA 27:9

Amang thui pachai kawp naichi, khumi kadei i phailo palau iy dawi kawp naimy mo mang i satang thui thai nai keungchi, ti y baly nangmychi amochi i leu py tangai u moh. Nichi bawibawi my py nangchi ai Babulon samrang i miseaung y awm y ai nai ang thui pi bo.

JEREMIA 28:15

Hunaibaly kai ly ananiah teng y, “ananiah awi, tangai ba! Areng ly nang ai ang pato nai ny y. Nang ly hini khumichi ai, nangmy ka-chawi leu ym ai nai sa nai ne i,

JEREMIA 29:8

Israela chengchi i Tameuh, ati cheaungkhang sa thai nai keung kai Areng my kang pany hai bo. Nangchi ly nangmychi theung i amochi hawi, mo mang i satang thui nai khumichi i, li-tapawp naira y awm u moh. Nichi i amangchi ai py tahm pateng u moh.

JEREMIA 37:19

Babulon samrang ly nang ai py, hini pri ai py tiu ai ny y, nanai ang thui pi nai keung nang i amochi ly ma mang y awm u pawn mo?

JEREMIA 50:17

Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.

JEREMIA 51:23

Beram typ nai keungchi hawi beram kanghuchi ai tleh iy, li sa nai keungchi hawi nichi i keaungngochi ai py, samrangchi hawi bangtangchi ai py katamyh veng bo,” napi.

JEREMIA 6:14

Nichi ly kai i khumichi i tamo kalemchi ai, tahm pateng pi y naimy hawi sa pi. ‘Ati mo ra py amsym y pui naimy, amsyn teu,’ napi u bo.

JEREMIA 8:11

Nichi ly kai i khumichi i tamo kalemchi ai tahm pateng pi y naimy hawi sa pi. ‘Cheaungkhangra y amsym y nai neng khala, cheaungkhangra amsyn bo’, nanai thui u bo.

TANGAM NAI LEU 2:14

Nang i amochi ly ka-chawi leu ny y baly, nang teng y takhra leu thui u thai y leang. Nichi i thui nai ngiereichi ly nang ai li-tapawp nai teu; nang i kamngo mana khala py, amteng hai y nai deaungkho y, nang ly uikheih ai nai aly ngai y, nanai athang khai nai ne.

Ezekiela 21:21

Babulon samrang ly lam sangumra tym nai khala angdo i, mani lam ly ma mang y chei ai nai mo, nanai pany thai ai nai thaicheng tambe va bo; my i mynchi teng y deng, tawnbawi pathym py khen.

Ezekiela 21:29

Nangchi i paleung mei y niu naichi ly niu angchi khyp nai ny y i, nangchi teng y thui pi yb naichi py ka-chawi cheichei teu. Nangchi ai pajeng angchi khyp ai nai neng kani ly kasa bo. Haisau ly khumi aso y nai i kaneaung y kala ai nai ang tym ai bo.

Ezekiela 34:5

Beramchi ly beram typ nai keung by y nai deaungkho y, ahei khrikhra iy mawi kasichi i teicha lawm u bo.

Ezekiela 34:8

Kai ly Tameuh kangheng ne nai deaungkho y nangchi ly kai i leu tangai u. Beram typ nai keung by y nai deaungkho y, kai i beramchi ai mawi kasichi my kei iy cha u bo. Kai i beram typ nai keungchi ly beramchi hau u y; nichi ly mymychi ai naini akry iy, beramchi ai ly kry u y.

HOSEA 3:4

Huna nai kamta Israela khumichi ly samrang by y, lu sa nai keung by y, apathyp nai by y, chiu ai nai lengseaung leng naichi by y, leung khen nai khala teaung nai mynchi by y naimy, neng kakra awm u ai.

MIKHA 2:12

“Kai ly nangchi theung y awm rai nai Israela cheng bawibawichi ai pangym ai. Hai theung y vawi ali teang nai beram kamta, nangchi ai kapangym ai. Sui tlai naira y beram neangneang angym iy, teicha tlai nai kamta, nangchi i pri y khumi neangneang awm u teang ai,” nanai pathang pi teang bo.

HABAKKUK 2:18

Mynchi ly atira y teaung ai mo? Hunichi ly khumichi my sa nai teu i, katapawpra ny y baly ati sai py katheu thai y. Amy i sa naira ai ym nai ly ati kamran nga ai mo? Huni ly leu katheu thai y nai tameuh ne na a!

ZEKHARIAH 11:17

Vang teng y nai beram typ keung ka-khum ly taham si! Ni ly my i beram kanghuchi ai khai su bo. Tavai takai deaungkho y ni i sa thai naira bawibawi ai taphra vui ai. Ni i kiuban ly jeirawm vui iy, lamtang mei py paju ai,” napi.

Kati Nai 27:17

tavai theung y lu sa ai nai khumi leaungrei vawi takhra pi kyh,” nanai takeng bo.

MATTHAI 9:36

Na i py mymy ly khumi mipuichi ai niu iy typ nai keung by y nai beramchi kamta patang nai hawi ahei nai deaungkho y khrikhri pa-rei pahen bo.

MARKA 6:34

Hunaibaly mymy ly kacheng y angkhyh kha y khumi mipui ka-teng ny y nai niu iy, typ nai keung by y nai beramchi kamta atawm nai deaungkho y khrikhri pa-rei pahen i, nichi ai leu neangneang patiu amteaung.

Leu Thui Nai 13:2

vaichi khala nangchi chiu vai y nai tameuhchi ai chiu hai ai nai molam, ka-ma-rachi hawi lyh ai awm naichi py sa pi ai, nanai ang thui pi lym ai. Ni i thui pi nai kamta rengrang ka-ma-rachi hawi lyh ai awm naichi patei pajau lawh teu i py,

TARA CHIH NAI KEUNGCHI 18:14

Huna nai khala ly Laisa khu khen nai khumi leaung pangreichi my, mychi i ahawichi teng y, “Hi y awm nai yhmchi theung i, yhm hareira y tangka hawi mawm nai myn harei awm nai nangchi pany u a? Huni yhm theung y takhra mynchi hawi Ephod harei py awm. Achi ly mana sa ai mo, nanai nangchi mana dawn u mo?,” napi.