ZEKHARIAH 1:4 - Khumi Common Language Bible

⁴ Nangchi ly nangmychi i amsi pajochi kamta so u moh. Jangni khala i amochi ly nichi teng y hawi y nai saichi anawn u ai nai thui pi teu i py, nichi ly tangai y, dawn dan u y.

ZEKHARIAH 1:4 Iomraidhean Croise

2 NENG SATANG 30:6

Samrang hawi miteaung kehchi i leu pei nai kamta, savaichi ly palau nai chachi syn u iy, Juda pri hawi Israela pri verei y chei u bo. Palau nai cha ra y, “Aw Israela chengchi awi, nangchi ly Asuria samrang kiu i tleaung nai dei kamthomchi ne. Abraham, Isaka, Jakobchi i Areng Tameuh teng y ali u teang jau; mymy py nangchi teng y ang jeu teang ai mang.

2 NENG SATANG 30:7

Nangchi ly Areng Tameuh i leu atangai y nai amsi pajochi hawi, takhra Israela chengchi kamta so u moh. Nangchi pany u nai kamta mymy ly huni khumichi ai pajeng nai ne.

2 NENG SATANG 34:21

“Nangchi ly chei u iy, hini cha-iu theung i thui naichi kai i vui hawi Juda pri hawi Israela pri y awm jo rai nai khumichi i vui py Areng teng y deng pi u cham. Achi i amsi pajochi ly Areng i leu tangai u y. Reita cha-iu theung y awm naichi so patawm u y nai deaungkho y, Areng ly achi i tlang tleaung y kado theu nai bo,” napi.

EZARA 9:7

Amsi pajochi deung i dengdai vaini khrairei, nang i khumi kaichi ly khri pa-rei kamngo sa tamang u bo. Huni kamngochi molam y kaichi i samrangchi hawi pathyp pi nai keungchi ly cheng takhra samrangchi kiu tleaung y tym hai nai, acho akei tamo tym hai nai, lawm vui nai, langheng hawi nai, vai i kamta pipi tahm by y nai hinichi avum hai bo.

NEHEMIA 9:16

Na i py kaichi i amsi pajochi ly amlyh am-e naimy paleung tang u iy leu pei nai tangai u y.

NEHEMIA 9:26

“Na i py nang i khumichi ly nang ai tiu iy, nang i leu tangai u y; nichi ly nang i Reita leu pei naichi khai u su nai ne. mymychi ai pany hai nai keung, mymychi ai nang teng y ali teaung ai nai thui pi nai keung amochi ai padei u. Nichi ly nang i tlang tleaung y avawrei mei aniu u y nai ne.

NEHEMIA 9:30

Nang ly nichi i tlang tleaung y saneng tlei tleirei neaung kham naimy pany hai bo. Nang i pany hai nai keung amochi my thui parip u teu i py, nang i khumichi ly kano pang u nai ne. Huna nai y nang ly cheng takhra khumichi teng y nang i khumichi ai tiu ai nai pei bo.

SAM 78:8

Nichi ly Tameuh i leu tangai y nai hawi, atiu reng nai amsi pajochi kamta lawn u y ai; huni amsi pajochi ly mana khala py, Tameuh ai ym khaw kalingie nai by y; mymy i tlang tleaung y py ka-ym by y jojo.

ISAIA 31:6

Areng my, “Aw Israela chengchi awi, nangchi ly kai i tlang tleaung y kamngo sa iy, ka-awi sa u. Na i py vai, kai teng y ali u teang jau!

JEREMIA 18:11

Huna nai y kai ly Juda khumichi hawi Jerusalem mary i khumichi ai, ka-awi sa ai tau nai hawi kapajeng ai sa rym naichi py thui pi. Khumi bawibawichi kamngo sa nai anawn u ai nai hawi, mychi i heng nai hawi amhi amtlau naichi takhra u ai nai Areng my leu pei nai thui pi ba.

JEREMIA 23:22

Nichi ly kai i kangviu y dawn tau naichi pany u lawh i khyly, kai i leu pei naichi kai i khumichi teng y thui pi ai i, mychi i hawi y sa naichi hawi, mychi i kamngochi khai su pajau ai.

JEREMIA 25:8

“Hunaibaly nangchi ly mymy i leu tangai ai nai ngai u y nai deaungkho y, ati cheaungkhang sa thai nai keung Areng my,

JEREMIA 26:5

Nangchi teng y kaimy kang pato taleang kang pato taleang bi nai, kai i miseaung amochi leu ai tahm pateng ai nai tla. Nangchi ly nichi i leu mana khala py tangai u y lawh.

JEREMIA 3:12

Mymy ly kai ai tosyh ngan mang y pato iy Israela teng y, “Ka-ym by y nai Israela awi, kai teng y ali teang jau. Kai ly pahen nai keung ne nai deaungkho y, nang ai kado kang theu hai ai ny y. Kai ly deungtasarei kado kang theu hai ai ny y.

JEREMIA 3:14

“Ka-ym by y nai khumichi awi, jeu u ali teang jau; kai ly nang i juvo ne. Nangchi ai mary harei y leaungrei, nupai harei y leaung nyhrei vawi takhra iy, Zion mawi mang y kang pahawi ali teang ai.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 4:1

Areng my, “Israela mipuichi awi, nangchi vawi u ali teang ai nai ngai lawh teu baly, kai teng y vawi u. Kai i niu ngai y nai mynchi va pawn iy, kai i tlang tleaung y ka-ym awm u lawh teu baly,

JEREMIA 44:16

“Areng i amyn y nang i thui nai leuchi ly kaichi tangai ai nai ngai y.

Ezekiela 14:6

“Huna nai y Israela chengchi teng y thui pi; sa thai naira angym nai kai, Areng my leu pei nai ly uikheih u. Amso ngai hawi nai nangchi i sa naichi ai nyn va vui ly mynchi py khai su.

Ezekiela 20:18

Daichi ka-vym theung i nai nichi i cho chanauchi teng y, ‘Nangchi i amsi pajochi i sa nai reitachi teaung u moh; nichi i reita tanynchi py patawm u moh. Nichi i mynchi ai chiu nai hawimy chai hai y nai so u moh.

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

Ezekiela 33:4

Na i py khumi leaungrei ly huni pany hai nai katyn thai iy dawndan y naimy awm lawh baly, paleung ka-e ly jeu iy ni ai tleh vui baly, ni i dei nai ly my i kamngo ne i, ni i thi ly mymy i lu tleaung y tym bo.

DANIELA 9:6

Kaichi ly kaimychi i samrangchi, samrang i cho chanauchi, amsi pajochi dengdairei mipui bawibawichi i tlang tleaung y, nang i miseaung amochi my nang i amyn y thui pi naichi kaichi ly tangai u y nai ne.

HOSEA 14:1

Israela khumichi awi, nangchi i Areng Tameuh teng y vawi u teang jau. Nangchi ly nangmychi i kamngo molam y athei thleaung iy atlym u bo.

AMOS 5:24

Adyh adawi naira ly micheaung tui kamta, hawi naira ly tui kang vai y nai tavo kamta leaung na sy.

MIKHA 2:6

Khumichi my, “Kaichi teng y leu thui pi moh, huni satangchi thui moh, Tameuh ly kaichi teng y kangji kangai hawi taham si naira tym hai ai ny y leang.

ZEKHARIAH 1:3

Na i py vai nangchi ly kai teng y vawi u ali teang; kai py nangchi teng y kang jeu ai.

ZEKHARIAH 7:7

Hini ly Jerusalem mary nang chawn nai neng khala y, jangni amochi deung y Areng my pei nai leu ne. Huna nai khala mary sahawi i avangchira y naini, khumi neangneang awm u nai ny y. Tokalawi ngan mang y hawi nidym ngan mang i mawi kheutangchira y py awm u nai ne.

AMTAW 26:20

Jerusalem y py, Judai pri meingtym tleirei y py, Cheng Takhrachi teng y py, uikhei iy Tameuh mang y hi nai uikhei nai amyn ataing ai nai atiti sa ai nai tla, nanai kathuipi nai teu.

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

I PETERA 1:18

nangchi i amsi sangumchi i pei pateang nai, nangchi i ati sai py ny y nai reita i dengdairei ly atiti mawn thai nai amjychi, tangka hawi muku y ny y naimy,