TITA 3:3 - Khumi Common Language Bible

³ Ati mana nai mo nabaly achi py jangni y ly cheng y nai hawi, leu tangai y nai hawi, tapawp naira y awm nai hawi, tlang i ngai phi teng y naira hawi amo theu naira takhra takhra i miseaung y lawn nai hawi, thui tamawn nai hawi, paleung no naira y awm iy, amso awm nai hawi amychi tengtawi aniu ngai y naichi py ne teang.

TITA 3:3 Iomraidhean Croise

ATITI AWM ANGCHEI NAI 38:9

Na i py Onan ly mymy hawi nga nai deaungdi ly mymy i vui ne y ai nanai pany, hunai deaungkho y mymy ly amjo i aju hawi i ahawi teu i py taheaung tui ai ly angam mang y paleaung vui bo. Hunai kamta amjo i vui chanauchi ngo y pa-rei sa nai ne.

ATITI AWM ANGCHEI NAI 39:16

Yhmkeung Potiphar yhm y tym y ryrei ly yhmkeung nu my baichu kangjiu ai ly kry veangveang bo.

SAM 36:2

Amymy ai tahm apasang nai deaungkho y, ni ly my i kamngo ai Tameuh my niu ai ny y; mymy ai kamngo vang py pajeng ai ny y, nanai athang khai reng.

LEU KACHENG 8:5

Nangchi ly cheng naira angym bo a? Cheng naira angym pa-rei amtiu u. Nangchi ly khumi ka-khumchi a? Cheng naira nga ai nai amtiu u.

LEU KACHENG 9:6

Hengra nga ai nai cheng y nai khumi mipuichi theung i theu iy, cheng naira lam y phai tako u,” napi.

ISAIA 44:20

Ni i sa nai ly maidym cha nai kamta, ati sai py ny y. My i akhum nai ka-dawn ly mymy ai lam tamang hai. Hunai deaungkho y ni ai sabawm ai nai avo pajau y bo. Ni ly my i kiu y syn nai myn ly tameuh pipi ny y, nanai pany y.

OBADIA 1:3

Nang i paleung len nai ly nangmy ai ang tapawp bo. Nang i mary pui ly lengseaung hawi sa nai khaw parai nai mary ne i, nang i awm naira ly asang parai nai mawi salo y ne nai deaungkho y, ‘kai ai ami my atheu kathiu pajau ai mo?’ nanai nangmy tlairei katheu reng nai ne.

MATTHAI 21:29

Naibaly ni my ly, ‘Kai ly ngai y,’ napi nai pathang; na i py hunai bo y ni ly paleung adawn ali i chei bo.

LUKA 21:8

Naibaly ni my ly, “Nangchi ai ang tapawp y ai nai tau tleaung y awm u; ati mana nai mo na balykhumi neangneangchi my, ‘Kai ne he,’ ‘Neng ang tym bo,’ nanai kai i amyn angam nai ang jeu ai; nichi teng y ly abang u moh.

JOHAN 8:34

Naibaly Isu my nichi teng y, “Meitang khypkhyp kang thui pi, ami py kamngo sa nai ngierei ly kamngo i miseaung ne.

ROM AVANGCHI TENG Y PAWLA I CHA PA NAI 11:30

Nangchi ly jangni y ly Tameuh i leu tangai u y, na i py vai ly nichi i leu tangai y nai deaungkho y nangchi ly pahen naira nga u chy bo;

ROM AVANGCHI TENG Y PAWLA I CHA PA NAI 6:12

Hunai deaungkho nangchi i tlang i ngai phi teng y nairachi patawm ai nai, nangchi i dei thai nai tlang ai ly kamngo my peang ai nai pei u moh:

ROM AVANGCHI TENG Y PAWLA I CHA PA NAI 6:17

Na i py nangchi ly kamngo miseaung ne teu iy py, ang au nai patiu nai reita teng y ly paleung y tangai u bo;

ROM AVANGCHI TENG Y PAWLA I CHA PA NAI 6:22

Na i py vai ly kamngora i nai ang law hai i, Tameuh i miseaungchi lawn u iy, nangchi ly chai naira nga nai ka-lawn pa-rei athai nga u nai chy bo, huni i tem naira ly deungtasarei hengra ne.

ROM AVANGCHI TENG Y PAWLA I CHA PA NAI 6:6

Hini ly achi pany, kamngo awm nai tlang ai ly tama hai thai iy, achi ly vai i dengdairei kamngo miseaung y awm y ai nai, achi i awm nai sai kangngym ly mymy teng y tahen nai awm teang bo.

II KORINTH 12:20

Kai kang jeu nai khala y atiti mo ra y py, kai i ngai nai kamta kang niu y iy, kai ai py nangchi i ngai nai kamtaniu u y lawh na, nanai kajei chy bo; ti y baly atiti mo ra y py ajo naichi, akeng naichi, kado theu naichi, atakai naichi, apreaung naichi, arum paviu atyhtyh naichi, tahm apasang ala naichi, khrukhra naichi awm lawh na;

KALATIA 6:3

Khumi ly ati sai py ny y pui nai awm iy, khumi kalen amlawn baly, amy ai atapawp amang atyhtyh nai teu.

KOLOSA 1:21

Naibaly nangchi ly jangni y atiti kamngo hawi y sa naira y Ampo hawi amprei nai awm u iy, nangchi i paleung y ly mymy i paleung ka-echi ne u veng;

KOLOSA 3:7

nangchi py jangni y huni atitichira y heng u nai khala y ly, nangchi py huni atitichira y tako u reng nai teang.

II TIMOTHEI 3:13

Na i py khumi kamngo hawi tapawp nai keungchi ly tapawp nai hawi tapawp naira y awm nai ly kamngo naira y ty ra ty ra ai.

II TIMOTHEI 3:6

Nichi theung i nai phyreichi ly yhm takhra takhra y kun iy, kamngo kaji pho nai neampachy pathu awp naichi ai patiu u reng;

TITA 1:16

Nichi ly, “Kaichi Tameuh ai pany,” na naimy asa u bo; na i py nichi ly amso awm nai hawi, leu tangai y nai hawi, atiti kahawi sa naira y pipi chawn y nai khumi py ne nai deaungkho y, nichi i atiti sa nai ly mymy ai apha u lawh.

TITA 2:12

Hunaibaly achi ly achi i athang khai naira kawn awm parai nai ajeng naimy (huni ly achi i Tameuh tahm asang keh nai hawi achi ai Paheng keung Isu Krista i nang parai naira amteng nai ly), Tameuh ai dawndan y nai sai hawi, khaileaung pri i ngai phi teng y naira py anawn vui iy,

JAKOB 1:26

Ami py, “Kai ly Tameuh i reita patawm,” nanai adawn iy amy i palai ai hawihai atyp y pasi lawh baly, amy i paleung ai atapawp nai teu, huni khumi i reita ly ati sai py ny y leang.

I PETERA 1:14

Leu tangai nai chanauchi kamta ly, nangchi i pany y nai thym khala i jangni y nangchi i tlang i ngai phi teng y nai kamta awm u moh;

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

AMTENG HAI NAI 13:14

Naibaly ni ly huni mawi kasi i mei ka-niu y atiti ka-ma-ra sa ai nai nga nai deaungkho y, khaileaung pri y awm naichi ai ang tapawp; naibaly haisau y tamo nga iy heng asai nai mawi kasi i myn sa u ai nai, khaileaung pri y awm naichi teng y leu pei bo.

AMTENG HAI NAI 18:2

Naibaly mymy ly tao pajeng parai naimy, “Babulon avang pui ly anawi veng bo, anawi veng bo; vawinamchi i awm naira hawi phailo chai y nai cheaungkhangchi i awm reng naira hawi, chai y nai hawi amso awm nai tavo cheaungkhang i awm reng naira py lawn bo.