TITA 3:1 - Khumi Common Language Bible

¹ Pri peang naichi hawi, aly peang nai keungchi i kangai awm ai nai hawi, leu tangai ai nai hawi, atiti kahawi sa ai nai ngai nai paleung awm ai nai hawi,

TITA 3:1 Iomraidhean Croise

LEU KACHENG 24:21

Deang awi, Areng ai py, samrang ai py, jei kaji naimy tahm khai ba. Huni Areng hawi samrang ai tiu nai khumichi hawi amkawm moh.

Parip nai leu 10:4

Nang ly nangmy ai peang nai keung my kado theu hai nai avum lawh baly, kalop theu vui moh; ni i tlang tleaung y kham naimy awm. Naibaly ni ly nang i khri pa-rei tamang naichi ai malawn py ang pahen pi ai.

ISAIA 43:26

“Tara jeung y achi chei u sina; nangchi i neng hai nai jeu hai u! Nangchi mang i teng, nanai pany hai naira patei pi ai nai, nangchi i ka-jo ka-thui amti pi u.

JEREMIA 27:17

Nichi i leu tangai u moh! Babulon samrang i miseaung y awm u; hunaibaly nangchi ly chymme naira nga u ai! Huni mary ly ati mana nai y phra seaungkhrang lawh ai mo?

MATTHAI 22:21

Naibaly mymy ly nichi teng y, “Tumbaly Kaisara i atitichi ly Kaisara teng y pei u ly: Tameuh i atitichi ly Tameuh teng y pei u bei,” napi.

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

EPHESI 2:10

Achi ly mymy i kiu i theu nai ne i, achi ai atiti kahawi sa ai nai vui Krista Isu y ly sa nai ne, huni atiti sa naira y achi i tako ai nai Tameuh my sa rym nai ne. nai

Leu Thui Nai 17:12

Huni neng i tara chih nai keung, ti y baly pathyp pi nai keung i leu pacheang nai tangai y nai khumi ly padei ai nai tla; hinanai sa iy Israela cheng theung i hawi y sa naichi tama hai pajau ai.

PHILIPI 1:11

Tameuh ai tahm pasang ai nai hawi palo ai nai py, Isu Krista i saho y hawi naira athai nai ly kawi nai awm u.

KOLOSA 1:10

nangchi ly atiti kahawi sa nai cheaungkhangra y athai iy, Tameuh ai pany naira y py chawn ryh chawn ryh iy, ati cheaungkhangra y mymy i paleung i kangai sa ai nai, Areng teng y abang ai ataing nai lawn u thai ai nai, chiu kang sa pi nai hawi kang hnei pi nai py anawn y leang.

I TIMOTHEI 2:2

atiti hnei nai chiu sa nai hawi, chiu sa lyhlyh nai hawi, chiu sa pi nai hawi, kawn nai leu thui nai py khumi bawibawichi i vui hawi, samrangchi hawi peang nai keungchi i vui py sa pi ai nai kang pachei.

I TIMOTHEI 4:6

Nang ly huni satang takhra takhra amjo amnauchi ai pany hai baly nang ly Krista Isu i kalop sa nai keung kahawi hawi, ym naira leu y hawi, nang ly vai khrairei patawm nai patiu naira kahawi y py apacho veangveang nai keung lawn ai:

I TIMOTHEI 5:10

atiti kahawi sa naira y khumichi my palo nai, chanauchi ai py pacho chum nai, angvyn angvo hawi hai chum nai, khumi kachaichi i kheu py paju chum nai, patang naichi ai sabawm iy atiti kahawi cheaungkhang sa chum nai awm baly amyn tabawi.

II TIMOTHEI 1:6

Hunaibaly kai ly kiu tamam nai deaungkho y Tameuh teng i phailo mang i sa thai naira nang nga chum nai ai ly hm iy angveaung hai ai nai kang pany hai nai ne.

II TIMOTHEI 2:14

Huni atiti leu ly nichi ai dawn hai vau; ati sai py chawn y naimy, tangai nai keungchi ai taphra ai nai leu rumrang naira aei u y ai nai Areng i mei ka-niu y leu pei.

II TIMOTHEI 2:21

Hunai deaungkho y ami py huni atitichi ra y apachai baly, mymy ly tahm asang nai laawm, khai takhra nai, yhmkeung my teaung ai avo nai, atiti sa ai nai cheaungkhangra y angvei rym nai awm khyp ai.

TITA 1:16

Nichi ly, “Kaichi Tameuh ai pany,” na naimy asa u bo; na i py nichi ly amso awm nai hawi, leu tangai y nai hawi, atiti kahawi sa naira y pipi chawn y nai khumi py ne nai deaungkho y, nichi i atiti sa nai ly mymy ai apha u lawh.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

TITA 3:14

Naibaly achi i khumichi ly athai y naimy awm y ai nai, avaw iy aeang nai ka-vo takhra takhra i vui y atiti kahawi sa jojo ai nai amtiu u sy.

TITA 3:8

Huni leu ka-ym awm nai ne. Naibaly Tameuh ai ym chum naichi ly atiti kahawi sa ai nai dawn u jojo thai ai nai, nang ly huni satang vam parai naimy thui pi ai nai kangai. Huni atitichi ly khumichi i vui y hawi py hawi, chawn py chawn:

HEBRAI 13:21

mymy i mei ka-niu y mymy i kawn nai ngierei Isu Krista i saho y achi ai sa hai iy, mymy i kangai sa ai nai atiti kahawi cheaungkhangra y nangchi ai angym hai sy; mymy teng y nang parai naira deungtasarei awm sy. Amen.

II PETERA 1:12

Hunai deaungkho y nangchi ly huni atitichi ai ly pany iy, nangchi teng y awm nai leu meitang naira y khaw u iy py, huni atitichi ai ly kang pany hai ai nai kangvei rym jojo ai.

JUDA 1:5

Naibaly nangchi ly tlenrei ati cheaungkhang pany be teu i py, Areng my ly Aikupta pri i dengdairei khumichi ai lawi hai iy, huni bo y ym y naichi ai ly ang tama hai, nanai pany hai vau ai nai kang ngai hai.