TITA 2:3 - Khumi Common Language Bible

³ neampachy miteaungchi my py mymychi i amhi amtlau nai sai y Tameuh ai tahm khai ai nai hawi, seu rumrang iy kreip athai hang ha nai miseaung lawn y naimy, atiti kahawi patiu nai keungchi lawn ai nai pachei teang;

TITA 2:3 Iomraidhean Croise

ROM AVANGCHI TENG Y PAWLA I CHA PA NAI 1:29

hunaibaly hawi y nairachi, kamngo nairachi, atakaw nairachi, taphra ai ngai nairachi bawibawi my kawi u veng bo; paleung no nairachi, khumi ai padei nairachi, ajo naichi, tapawp naichi. awm nai sai hawi y naichi my kawi u veng bo;

ROM AVANGCHI TENG Y PAWLA I CHA PA NAI 16:2

Areng i amyn y khumi kachaichi kamta kawn u ai nai hawi, mymy ai sabawm ai nai aly ngai nai ngierei sabawm u ai nai py, nangchi ai mymy i meimai kang pany hai ai nai ngai: mymy kypkyp py khumi neang neangchi ai sabawm nai keung ne i, kaimy kypkyp ai py ang sabawm bo.

EPHESI 5:3

Naibaly khumi kachaichi nanai apu ai nai, angai nai hawi, chai y nai bawibawi hawi, atakaw nai hawi nangchi theung y thui py thui u reng moh;

I TIMOTHEI 3:11

Hunai kamta teang neampachychi py tahm khai ai nai khumi ne ai nai tla; seu rumrang nai khumi ny y naimy, amkym thai nai khumi hawi atiti cheaungkhangra y ka-ym awm nai khumi ne ai nai tla.

I TIMOTHEI 3:8

Hunai kamta teang dikonchi ly tahm khai ai nai khumi awm ai nai tla, achang palai kamta hawi kreip athai hang ha nai khumi ny y i, kamran hau reng nai khumi py ne moh sy;

I TIMOTHEI 5:23

Nang ly tui harei nei khyh moh ly, nang i kajeu deaungkho y hawi, nang i no reng nai sai deaungkho y py kreip athai hang maidenrei teaung.

TITA 1:7

Ati mana nai mo nabaly palau takhra kamkawm peang nai keung my ly Tameuh i yhmthaeung kry nai keung ne nai deaungkho y, cheh naira by y nai pa-rei awm ai nai tla; ni ly amy i ngai nai harei dawn khyh nai hawi, kado theu praw nai hawi, kreip athai hang pavui nai hawi, khumi ai tabeang nai hawi, kamran hau reng nai khumi py ne ai nai tlo y.

TITA 2:4

hunaibaly Tameuh i leu ai ly thui tamawn naira by y ai nai, anglochi ai ly mymychi i juvochi ai tamen ai nai hawi, mymychi i chanauchi ai tamen ai nai hawi, paleung hawi parai naimy awm ai nai hawi, chai parai naimy awm ai nai hawi,

HEBRAI 5:12

Ati mana nai mo nabaly huna tanrei kra iy nangchi ly patiu nai keung y lawn, nanai pa-rei awm na teu iy py, Tameuh i leu sangum pakeungchi nangchi ai patiu ai nai aly ngai rai nai khumi lawn u lawh veng bo he; nangchi ly biu tang ny y naimy kanu hang aly awm.

AMTENG HAI NAI 2:20

Na i py kai ly sai sairei nang i tlang tleaung y thui ai nai awm: nang ly huni neampachy Jezebeli, amo angam nai ai ly ngai lawh nai ne; ni ly kai i miseaungchi ai angai ai nai hawi, myn y chiu nai apathyp nai mawi cha ai nai py ang patiu iy tapawp reng.