TITA 1:7 - Khumi Common Language Bible

⁷ Ati mana nai mo nabaly palau takhra kamkawm peang nai keung my ly Tameuh i yhmthaeung kry nai keung ne nai deaungkho y, cheh naira by y nai pa-rei awm ai nai tla; ni ly amy i ngai nai harei dawn khyh nai hawi, kado theu praw nai hawi, kreip athai hang pavui nai hawi, khumi ai tabeang nai hawi, kamran hau reng nai khumi py ne ai nai tlo y.

TITA 1:7 Iomraidhean Croise

ATITI AWM ANGCHEI NAI 49:6

Nini ly kado theu hawi i khumi ai tleh iy si kataichi i kheu ai pakhau peu atyhtyh nai deaungkho y, kai ly nini i sa pavui naira y abawi y ai; nini i leu ka-rumra y py abawi pi ai ny y.

LEU KACHENG 14:17

Paleung dawi nai khumichi ly ka-khum kalopchi sa reng; cheng nai khumichi ly paleung amkyn thai.

LEU KACHENG 15:18

Paleung dawi nai ly leu ka-eichi lawm hai reng; na i py paleung sau nai ly aly naira lawm hai reng nai ne.

LEU KACHENG 16:32

Neaung kham pajau nai khumi ly sa thai naira awm nai khumi tleaung y hawi keh. Amy i paleung ai peang ajau nai khumi ly mary puichi ai peang nai khumi tleaung y hawi keh nai ne.

Parip nai leu 7:9

Nang i kado theu nai ly am-yh vui; paleung ka-e khai nai ly akhum nai ne.

ISAIA 28:7

Amochi hawi pathyp pi nai keungchi malawn py nei cha ala nai deaungkho y atlym u khikha nai ne. Nichi ly kreip hang hawi mhm-rah nei ala nai deaungkho y, tapai taveang iy atlym u bo. Amochi ly pavui jojo nai deaungkho y, Tameuh my amteng hai naichira i awm nai sai pany thai u y. Pathyp pi nai keungchi py, mychi teng y tym nai atitichi ai tara chih pi thai y nai ne.

Ezekiela 44:21

Pathyp pi nai keungchi ly Achura yhm apai theung i ly-um mang y theu y rai khala, kreip hang nei ai nai tlo y.

Levi 10:9

“Nang hawi nang i chapochi ly kreip hang, ti y baly pavui nai amjy nei iy, kai i awmra Tabynako theung y kun u moh. Huna nai sa iy kun u lawh baly, dei u takengkei ai. Hini reita ly nang i kangpreang bawibawichi tangai u ai nai tla.

MATTHAI 24:45

“Hunaibaly dengtheungchi ai kry iy avo nai neng tleirei y biu an dawn pi ai nai, yhmkeung i khai nai miseaung ka-ym kaawm cheng nai ly ami mo?

LUKA 12:42

Naibaly Areng my, “Hunaibaly dengtheaungchi ai kry iy avo nai neng tleirei y biu an dawn pi ai nai yhmkeung i khai nai yhmtheaung kry nai keung ka-ym kaawm cheng nai ly ami mo?

EPHESI 5:18

Naibaly kreip athai hang pavui u moh, hunira y ly amkym pajau y naira awm lawh veng; Phailo kawi nai phai awm u;

PHILIPI 1:1

Pawla nini Timothei Krista Isu i miseaung nini my ly, Krista Isu y khumi kachai Philipi avang i awm nai bawibawichi teng y hawi, palau takhra kamkawm peang naichi hawi, dikonchi teng y py pa nai:

TITA 1:5

Kai i leu pei nai kamta ly, nang ly vai khrairei nichi i angym pa-rei so y naichi sa hai thai ai nai hawi, avang tleirei y miteaung kehchi ai vawi takhra ai nai py Krit tlawn y kang daw pi bo;

TITA 2:3

neampachy miteaungchi my py mymychi i amhi amtlau nai sai y Tameuh ai tahm khai ai nai hawi, seu rumrang iy kreip athai hang ha nai miseaung lawn y naimy, atiti kahawi patiu nai keungchi lawn ai nai pachei teang;

I PETERA 4:10

khumi leaung leaungrei ly sa thai naira nga nai kamta, Tameuh i pahenra amjy cheaungkhang ai kry nai keungchi kamta nangmychi tengtawi akry u leungtang;

I PETERA 5:2

Nangchi theung y awm nai Tameuh i beram kanghu ai ly kry u: sa ai nai tla nai deaungkho y ny y naimy Tameuh i ngai nai kamta ngai parai nai tarawi y kry u; chai y nai kamran nga ai nai ngai nai deaungkho y ny y naimy, paleung ngai parai naimy kry u;

II PETERA 2:10

tlang i ngai phi teng y nai chai y naira mang y asa nai hawi, aly peang naira tahm khai y naichi ai khai ai nai pany nai tleaung y ang pany ra nai ne. Nichi ly khri pa-rei vam iy mymychi i ngai nai harei dawn khyh i, nang parai nai keungchi ai thui tamawn ai nai kaso theu u vai y: