TITA 1:1 - Khumi Common Language Bible

¹ Pawla, Tameuh i miseaung hawi, Tameuh i vawi naichi i ym naira hawi, nichi i Tameuh ai dawn ryhryh nai leu meitang pany nai sai py angym hai ai nai Isu Krista i amtaw thau nai ne: naibaly deungtasarei hengra nga ai nai athang khai nai ly huni i sangum ne:

TITA 1:1 Iomraidhean Croise

1 NENG SATANG 6:49

Aron hawi ni i kangpreangchi ly mui katuichi leng patlum nai hawi, maicham salo y leng patlum nai kapathyprachi talam u nai ne. Nichi ly chai keh nai meingtymra y chiu sa nai ngierei py, Israela chengchi i kamngo lawira nga ai nai apathyp nairachi py sa u. Huna nai sa naira y nichi ly Tameuh i miseaung Mosi my leu pei nai kamta, sa patawm u ai nai tla.

LUKA 18:7

Naibaly mymychi i tlang tleaung y neaung kham pi rai i py, mymy i vawi naichi, vum kanithun y mymy ai palau nai keungchi ai ly Tameuh my vawitheung tha pi y ai a?

AMTAW 13:48

Naibaly Cheng Takhrachi ly huna nai thai iy kawn i Tameuh i leu ai palo, naibaly deungtasarei hengra nga ai nai khai takhra nai ngiereichi my ly ym bo.

ROM AVANGCHI TENG Y PAWLA I CHA PA NAI 1:1

Pawla, Isu Krista i miseaung amtaw thau nai lawn ai nai palau nai, Tameuh i Satang Kahawi thui pi ai nai khai takhra nai ly,

II KORINTH 1:1

Pawla, Tameuh i kangai y Krista Isu i amtaw thau nai hawi achi i amjo amnau Timothei ly, Korinth avang i Tameuh i palau takhra kamkawm teng y hawi, Akaia pri verei y khumi kachai awm nai bawibawichi teng y py:

EPHESI 2:8

Ati mana nai mo nabaly nangchi ym nai deaungkho y pahenra y hengra nga u veng bo; huni py nangmychi teng i theu nai ny y leang, Tameuh i jawm pei nai teu;

PHILIPI 1:1

Pawla nini Timothei Krista Isu i miseaung nini my ly, Krista Isu y khumi kachai Philipi avang i awm nai bawibawichi teng y hawi, palau takhra kamkawm peang naichi hawi, dikonchi teng y py pa nai:

KOLOSA 2:2

hunaibaly nichi ly Tameuh i leu kathiu, Krista ai pany ai nai (mymy y ly cheng naira hawi pany naira yhmtheaung bawibawi heu nai ne),

I TIMOTHEI 2:4

khumi bawibawichi ly paheng naira nga ai nai hawi, leu meitang angym pa-rei pany ai nai py ang ngai.

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

I TIMOTHEI 6:3

Ami py patiu naira takhra patiu iy, leu meitang (achi i Areng Isu Krita i leu) hawi, Tameuh ai dawn ryhryh ai nai lam y patiu naira y py ym y baly,

II TIMOTHEI 2:10

Hunai deaungkho y vawi takhra naichi ly Krista Isu y paheng naira ly deungtasarei nang parai naira hawi vanrei nga u thai ai nai, nichi deaungkho y kai ly ati cheaungkhang kakham.

II TIMOTHEI 2:23

Na i py aei atyhtyh naira hawi cheng y naira y ly abawi ai nai ngai moh; hunichi ly ajo nairachi tapen lawh veng, nanai nang pany.

II TIMOTHEI 2:25

hawi y sa naira y kham pajau nai, mymy i patiu nai leu ngai y naichi ai leu anui parai naimy nichi ai patiu lawh ai nai tla;

JAKOB 1:1

Jakob, Tameuh hawi Areng Isu Krista i miseaung ly, Ahei nai cheng holai nyhreichi teng y ly kang kawn ba.

II PETERA 1:3

Mymy i nang parai naira hawi, hawi naira saho y ang palau nai keung, mymy i satang pany nai deaungkho y mymy i Tameuh i atiti sa thai naira my heng naira hawi Tameuh ai dawn ryhryh nai lam y ly atiti bawibawi ang pei bo.

II PETERA 3:11

Huni atitichi ly hunai kamta tama bebe ai nai tla, nanai nangchi pany nai deaungkho y, Tameuh i kani tym ai nai athang khai nai hawi, kasa hai ai nai py amhi amtlau nai sai kachai y hawi Tameuh ai dawn ryhryh naira y ly khumi mani ka-tawm awm u ai nai tla mo?

I JOHAN 2:23

Ami py Chapo ai ym y nai ngierei ly Ampo by y; Chapo ai ym nai ly Ampo py awm.

AMTENG HAI NAI 1:1

Hini ly Isu Krista i Amteng Hai Nai Leu ne. Huni ai ly Tameuh my ni i miseaungchi teng y neangneang kra y nai sala y atiti tym ai naichi i satang thui pi ai nai ni teng y pei bo; naibaly ni ly mymy i kani pri i amtaw thau nai ai pato iy,