SAM 99:8 - Khumi Common Language Bible

⁸ Aw Kaichi i Areng Tameuh, nang ly nangmy i khumichi my palau nai khala y pathang pi bo; huni khumichi i kamngochi molam y pajeng teu i py, nichi i kamngochi ai palawi pi nai Tameuh ne.

SAM 99:8 Iomraidhean Croise

2 SAMUELA 12:14

Na i py nang i huni kamngo sa tamang nai ly Areng ai khri pa-rei mei aniu y naira tym hai lawh nai deaungkho y, nang i deaungdi ly dei ai,” nanai pany hai chum baly,

SAM 78:38

Na i py Tameuh ly mymy i khumichi ai pahen nai ne. Nichi i kamngochi pahen pi iy, nichi ai myh kang hai y leaung. Mymy i kado theu nai ly avawrei am-yh pi iy, nichi i tlang tleaung y kado theu y naimy awm pi nai ne.

SAM 89:33

Na i py kai ly Davida ai tamen jojo ai; ni teng y kaimy leu adeu nai ai py taphra ai ny y.

THEU NAI 32:2

Aron my nichi teng y, “Nangchi i ajuchi hawi cho chanauchi ateaung nai muku kanochi aleng iy kai teng y jeu hai u,” napi.

THEU NAI 34:7

Kai ly sang neangneang nawi parai nai cheng kangpreangchi teng y, kai i adeu nai leu meitang khaw hai ai; kai ly sa tamang nai hawi kamngo molam nichi i kamngo pahen pi ai. Na i py amhm ampochi i kamngo ai ly katu chanauchi i tlang tleaung y deung thom deung palyh tym pa-rei kapajeng ai,” napi.

Parip nai leu 7:29

Kai i kapany nai ly Tameuh my achi ai kahawi ang sa nai ne i py, achi ly amychi ai khrukhrala nai khumichi lawm ai nai asa u lawh nai ne.

JEREMIA 46:28

Kai ly nangchi teng y kang jeu iy nangchi ai atleu ai. Kaimy nangchi ai ahei hai nai pri cheaungkhangchi ai taphra ai. Na i py nangchi ai kang taphra y leang mang. Kai ly nangchi ai pajeng y naimy khai ai ny y teu i py, kang pajeng nai khala ly kamlau ryrei kang pajeng ai khyh. Hini ly kai Areng i thui nai leu ne,” napi.

ZEPHANIAH 3:7

Huni neng khala kai i khumichi ly kai ai jei kaji naimy tahm khai iy, kai i pei nai reita tanga u ai, nanai py, kai i parip naichi ai mana khala py tami u ai ny y, nanai py kai athang khai. Na i py nichi ly avaw avawrei, hawi y nai kalop ai sa tleaung sa u ra nai ne.

Kati Nai 20:12

Na i py Areng my Mosi hawi Aron teng y, “Nangni ly Israela chengchi i mo y, kai i sa thai naira ai ym naira di hawi lawh i, leu adeu nai pri y tym pa-rei nichi ai pahawi ai nai ngo y ai, nanai kang thui pi yb bo,” napi.

Kati Nai 20:24

“Aron ly dei ai; ni ly Israela chengchi teng y pei ai nai kaimy adeu nai pri y kun ai nai nga ai ny y; ati mana nai mo na baly nangni leaung nyhrei ly Meriba meingtym y kai i leu pei nai tangai hawi y nai deaungkho y ne.

ROM AVANGCHI TENG Y PAWLA I CHA PA NAI 1:21

nichi ly Tameuh ai pany u iy, mymy ai ly Tameuh kamta tahm py khai u y, kawn nai leu py thui u y; nichi ly sai py ny y nai dawn u lawh i, mymychi i pany thai naira by y nai paleung ly veng bo.

Leu Thui Nai 3:26

“Na i py nangchi molam y Areng ly kai ai kado ang theu hai i, kai i takeng nai py tangai pi y. Areng my, ‘Hnei bi moh! Hini molam takeng bi moh!