SAM 99:7 - Khumi Common Language Bible

⁷ Mymy ly nichi ai tamai theung i dengdairei leu pei nai ne; nichi py mymy i pei nai reita hawi, reita leu pei naichi ai tangai u bo.

SAM 99:7 Iomraidhean Croise

SAM 105:28

Tameuh my pri verei y khuveng theu hai bo; na i py Aikupta khumichi ly mymy i leu pei nai tangai u y.

THEU NAI 19:9

Areng my Mosi teng y, “Ani i leu arum nai ly khumichi thai u iy, vai i dengdairei nang ai ym u ai nai kaimy tamai angjawi mang nang teng y kang satla kathiu ai,” napi. Mosi ly Areng teng y mipuichi i pathang nai leu amti pi bo.

THEU NAI 33:9

Mosi Tabynako theung y kun phai kun baly, tamai angjawi tla kathiu i, Tabynako katheu pa-kho y beu bo. Areng ly tamai theung mang Mosi hawi leu arum nai ne.

THEU NAI 40:16

Mosi ly Areng my leu pei nai kamta sa bo.

LEU KACHENG 28:9

Reita leu pei naichi ai tangai y nai khumi i chiu sa nai ly Tameuh my paso ai.

Kati Nai 12:5

Naibaly Areng ly tamai theung mang satla kathiu i, Tabynako katheu pa-khora angdo iy, “Aron! Miriam awi!” nanai palau; naibaly nini ly mo mang y chei hawi i,

Kati Nai 16:15

Hunaibaly Mosi ly nini i tlang tleaung y khri pa-rei kado theu i Areng teng y, “Hini khumichi i talam nai kapathyprachi ly kawn pi mo kyh. Kai ly nichi theung i leaungrei ai py hawi y nai kaso y leang. Nichi teng i keaungngo kano kasau harei py kalo pi vai y leang,” napi.

Leu Thui Nai 33:9

Naibaly nichi ly mymychi i amhm ampo, amjo amnau, cho chanauchi ai tamen nai tleaung y nang ai tamen keh. Nichi ly nang i leu pei naichi tangai u iy nang i Leu Maikawm ai py kry u bo.

Leu Thui Nai 4:5

“Achi i Areng Tameuh my reita leu pei nai kamta kai ly huni leu pei nai bawibawichi ai nangchi teng y kang thui pi bo. Nangchi atiu iy peang ai nai pri y, huni leu pei naichi patawm u.

HEBRAI 3:2

Tameuh i dengtheung bawibawichi theung y Mosi my ka-ym awm nai kamta ly, ni ly mymy ai sa nai keung teng y ka-ym awm nai ne.