SAM 9:9 - Khumi Common Language Bible

⁹ Areng ly ana patang naira avum naichi i abyhra hawi, ngari kamtang avum nai neng khala chymme naira ne.

SAM 9:9 Iomraidhean Croise

1 NENG SATANG 16:33

Areng ly khaileaung pri y peang ai nai ang jeu nai khala, daichi theung y awm nai dengkeaungchi ly amo theu u ai.

SAM 108:12

Khumichi i kasabawm ly atyhtyh teu deaungkho y, paleung ka-echi ai tiu pajau ai nai, kai ai sabawm kyh ba.

SAM 142:4

Kai i sahawi y khen nai khala y kai ai sabawm ai nai keung leaungrei ai py kaniu y; ama hai nai keung leaungrei py by y. Ami py kai ai dawndan y bo.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 20:1

Patang nai neng khala nang i chiu sa nai Areng ly pathang pi sy! Jakob i Tameuh ly nang ai amo hai sy!

SAM 32:7

Nang ly kai i abyh naira ne. Kai ai patangra i nai atleu kyh ba. Nang ly kai ai ama hai nai deaungkho y, kai ly nang i atleu pi nai satang tao pajeng parai naimy khulym kathui ai.

SAM 37:39

Areng ly khumi meitangchi ai atleu bo. Patang nairachi avum nai khala, nichi ai ama nai ne.

SAM 46:1

Tameuh ly achi i abyhra, achi i atho ne; patang naira avum nai khala y, achi ai sabawm ai nai angveirym jojo.

SAM 46:7

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

SAM 48:3

Huni mary pui i amtangrachi theung i mymy teng y chymme naira awm, nanai Tameuh my patei pi bo.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 62:8

Khumichi awi, Tameuh ai ly ym u jojo; nangchi i patang naira bawibawi ai, mymy teng y amti pi u; mymy ly achi i abyhra ne.

SAM 67:5

Aw Tameuh, khumichi ly nang ai palo u sy; khumi cheng bawibawichi ly nang ai palo u sy.

SAM 7:9

Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

SAM 96:10

“Areng ly samrang ne! Mymy ly khaileaung pri y khaw hai nai deaungkho y asyh thai y bo; mymy ly khumi bawibawichi ai leu meitang naimy tara chih ai, nanai khumi cheng cheaungkhangchi teng y thui pi u.

SAM 98:9

mymy i mo y vanrei, amo theu khulym thui naimy palo u. Mymy ly khaileaung pri khumi bawibawichi ai leu meitang naimy peang ai.

LEU KACHENG 18:10

Areng ly khumi kahawichi i abyhra, khaw parai nai lengseaung yhm pui atawm. Hu y khumi kahawichi ly chymme naira nga ai nai chei u pajau nai ne.

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

ISAIA 8:14

Kai i chai parai nai sai ly lyh ai hawi nai deaungkho y, kai ly khumichi pathuikhe iy atlym hai ai nai lengseaung hawi atawm. Juda khumichi, Israela khumichi hawi Jerusalem mary i khumichi ai patiu ai nai deaung hawi py atawm nai ne.

NAHUM 1:7

Areng ly hawi, mymy i khumichi patang naira avum nai khala, ama hai bo. Mymy teng y abyh nai khumichi ai kry.

LUKA 13:34

Aw Jerusalem, Jerusalem amochi ai padei nai keung nang teng y pato naichi ai ly lengseaung y aphi ka nai keung awi: A nu my mymy i chochi ai pakhi anui y o hai achu nai kamta, nang i chanuchi ai o hai achu ai nai tlen majirei kang tau mo? Na i py nangchi ly ngai u y.

Leu Thui Nai 33:27

Tameuh ly nangchi ai ama hai jojo nai ne; mymy i deungtasa kiuban my nangchi ai ang dawmkhawn bo. Mymy ly nangchi tako nai lam i, paleung ka-echi ai paryh pi pawn bo; huni paleung ka-echi ai tamyh pawn ai nai nangchi ai leu kang pei bo.

HEBRAI 6:18

Hunaibaly Tameuh ly ka-chawi thui ai nai vuilam ny y nai, pipi palai lawh thai y naira nyhrei tabom nai deaungkho y, achi, lawi naira hau naichi ly achi i mo y athang khai naira ang khai pi nai ai ly patawn thleng thai ai nai, khri pa-rei khaw hai naira nga thai ai.