SAM 9:7 - Khumi Common Language Bible

⁷ Na i py Areng ly deungtasarei samrang ne. Mymy ly tara chih ai nai atehra bailang sa bo.

SAM 9:7 Iomraidhean Croise

SAM 102:12

Na i py aw Areng, nang ly deungtasarei samrang ne; nang i amyn ly deungtasarei awm jojo ai.

SAM 103:19

Areng ly mymy i areng atehra ai kani mang y khai bo; mymy ly khusang deaungdu ai peang nai ne.

SAM 89:14

Nang i pri ly kateng lam hawi leu meitang salo y langdeng pala nai ne; nang i sa nai ngiereichi ly tamen naira hawi ka-ym awm naira amteng bo.

SAM 90:2

Mawichi lawm y rai khala y hawi, khaileaung pri palum y rai khala y nang ly awm yb nai Tameuh ne; tem naira by y nai Tameuh py ne.

HEBRAI 13:8

Isu Krista ly jangdyh py, vaini py, deungtasa khrairei py huna jojo.

II PETERA 3:8

Na i py ngai parai naichi awi, hini leu sairei nai ly tami u moh, Areng i dawn naira y ly kanirei nai ly saneng sangrei nai kamta lawn iy, saneng sangrei nai py kanirei nai kamta lawn teang.

AMTENG HAI NAI 20:11

Hunaibaly areng atehra kangleung kalen pui hawi, huni tleaung y ateh nai keung ai py kaniu; mymy i mei ka-niu dengdairei ly kani khaileaung preang pawn bo: hunini i vui y awmra py by y leang bo.