SAM 9:1 - Khumi Common Language Bible

¹ Aw Areng, kai ly paleung hawi verei my nang ai palo ai; nang i sa nai rengrang tlai naichi amteng hai ai.

SAM 9:1 Iomraidhean Croise

1 NENG SATANG 16:12

Tameuh i miseaung Jakob i kangpreangchi awi, Tameuh my vawi takhra nai Israela kangpreangchi awi, mymy i sa nai lyh ai naira rengrang ka-ma-rachi ai py, mymy i khai pi nai tara chih nairachi ai py, pany u jo ba.

1 NENG SATANG 16:24

Khumi cheng cheaungkhangchi teng y mymy i nang parai nai ai py, khumi bawibawichi teng y mymy i lyh ai nairachi py, amthang hai u.

SAM 106:2

Mymy i sa nai lyh ai hawi parai nai bawibawichi ai, ami thui pajau ai mo? Mymy i nang parai nai bawibawichi ai ami palo pajau ai mo?

SAM 111:1

Areng ai palo! Kai ly Areng i khumichi achu nai theung y mymy i pahen nai sai ai paleung hawi verei palo ai.

SAM 138:1

Aw Areng, kai ly paleung hawi verei, nang ai kawn naimy palo ai; tameuhchi mo y nang ai palo nai khulym thui nai ne.

SAM 26:7

Kai ly kawn nai khulym thui iy, nang i sa nai lyh ai hawi parai nai leaungsaichi ai thui nai ne.

SAM 51:15

Aw Areng, kai i labeaung paeaung pi kyh ba; naibaly kai ly nang ai palo ai.

SAM 7:17

Areng ly leu meitang ne nai deaungkho y, kai ly mymy ai palo ai. Salo kangteng Areng ai, kai ly khulym thui naimy palo ai.

SAM 86:12

Aw Areng, kai i Tameuh, kai ly nang ai paleung hawi verei kang palo ai; kai ly nang i nang parai nai avawrei amthang hai ai.

SAM 9:14

Huna nai khala naini kai ly Jerusalem mary khumichi i mo y angdo iy, nang i nang parai nai sai bawibawi amteng hai pajau ai. Nang i atleu pi nai sai molam y kai ly amo theu ai.

ISAIA 12:1

Khumichi my hina nai palo nai neng kani tym ai, “Aw Areng, kai ly nang ai kang palo nai ne. Nang ly vaichi khala, kai i tlang tleaung y kado theu hai bo; na i py vai ly kado theu hai y bo i, awmnem naira pei bo.

ISAIA 43:21

Huni khumichi ly kaimy i vui, kai i sa nai khumichi ne; nichi my py kai ai palo u ai.

ISAIA 60:6

Vawn tang nai kula-iu kanghu puichi ly Midian pri hawi Epha pri dengdairei ang tym iy, nang i meingtym y kawi na ai. Seba pri i muku hawi mui katuichi ang syn u ai. Khumichi ly Tameuh i sa nai sai satang kahawi ai palo u ai!

LUKA 10:27

Naibaly ni my ly, “Nang i Areng Tameuh ai ly nang i paleung verei hawi, nang i phailo verei hawi, nang i atho bawibawi hawi, nang i dawn nai bawibawi hawi nang tamen ai nai tla; nangmy ai atamen nai kamta nangmy i saleaungchi ai py tamen ai nai tla, nanai he,” nanai pathang.

HEBRAI 13:15

Hunaibaly mymy i saho y palo naira ly apathyp naira lawn ai nai Tameuh teng y talam u reng sina, huni ly ni i amyn apha y nai labeaung athai ne.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.